‘ಮನೆಯಲ್ಲಿ ನನ್ನ ಮಗನೂ ಮೊಬೈಲ್ಫೋನ್ಗೆ ಅಡಿಕ್ಟ್ ಆಗಿದ್ದಾನೆ. ಹಾಗಾಗಿ ಮಧು ನನಗೆ ಬಂದು ಕಥೆ ಹೇಳಿದ ತಕ್ಷಣ ಒಪ್ಪಿಕೊಂಡಿದ್ದೇನೆ. ಮೊಬೈಲ್ಫೋನ್ನಿಂದ ಮಕ್ಕಳ ಮೇಲೆ ಉಂಟಾಗುವ ದುಷ್ಪರಿಣಾಮವನ್ನು ಚಿತ್ರದಲ್ಲಿ ತೋರಿಸಿದ್ದೇವೆ’ ಎನ್ನುವುದು ನಾಯಕ ಸೃಜನ್ ಮಾತು. ‘ನಾನು ಈ ಕಥೆ ಕೇಳಿದಾಗ, ಮೊನ್ನೆಯಷ್ಟೇ ಮದುವೆಯಾಗಿದ್ದೇನೆ ಇಷ್ಟು ಬೇಗ ಎರಡು ಮಕ್ಕಳ ತಾಯಿಯ ಪಾತ್ರ ಮಾಡಬೇಕಾ ಅನಿಸಿತು. ಆಮೇಲೆ ಕೊಂಚ ಯೋಚಿಸಿದಾಗ ಈ ಕಥೆ ಮಿಸ್ ಮಾಡಿಕೊಂಡರೆ ಒಳ್ಳೆಯ ಸಿನಿಮಾ ಮಿಸ್ ಆಗುತ್ತದೆ ಎಂದು ತೀರ್ವನಿಸಿ ಒಪ್ಪಿದೆ. ಮೆಸೇಜ್ ಜತೆಗೆ ಸಿಕ್ಕಾಪಟ್ಟೆ ಮನರಂಜನೆಯೂ ಚಿತ್ರದಲ್ಲಿದೆ’ ಎನ್ನುತ್ತಾರೆ ಮೇಘನಾ ರಾಜ್. ‘ಬಾಹುಬಲಿ-2’ ಚಿತ್ರಕ್ಕೆ ಸಹಾಯಕ ಸಿನಿಮಾಟೋಗ್ರಫರ್ ಆಗಿ ಕೆಲಸ ಮಾಡಿದ್ದ ರವೀಂದ್ರನಾಥ್ ಈ ಚಿತ್ರಕ್ಕೆ ಕೆಲಸ ಮಾಡಿದ್ದಾರೆ. ಸೃಜನ್ ಪುತ್ರನ ಪಾತ್ರದಲ್ಲಿ ನಟಿ ರೂಪಾ ಪ್ರಭಾಕರ್ ಅವರ ಪುತ್ರ ಅಲಾಪ್ ಕಾಣಿಸಿಕೊಂಡರೆ, ಬೇಬಿಶ್ರೀ ಎಂಬ ಬಾಲಕಿ ಪುತ್ರಿಯಾಗಿ ನಟಿಸಿದ್ದಾರೆ. ಇದೇ ವೇಳೆ ಸಿನಿಮಾದ ಟೀಸರ್ ಕೂಡ ರಿಲೀಸ್ ಆಯಿತು. ‘ಡಿ ಬೀಟ್ಸ್’ನ ಮಾಲಕಿ ಶೈಲಜಾ ನಾಗ್, ‘ಚಿತ್ರ ಟೈಟಲ್ನಷ್ಟೇ ಕ್ಯಾಚಿಯಾಗಿದೆ’ ಎಂದರು.
