ಬೆಂಗಳೂರು: ಸ್ಟಾರ್ ಸುವರ್ಣ ವಾಹಿನಿಯ ‘ಸುವರ್ಣ ಸೂಪರ್ ಸ್ಟಾರ್’ ಕಾರ್ಯಕ್ರಮದಲ್ಲಿ ವಾರವಿಡೀ ‘ಸಂಕ್ರಾಂತಿ ಸಂಭ್ರಮ’ದ ವಿಶೇಷ ಸಂಚಿಕೆಗಳು ಪ್ರಸಾರವಾಗಲಿವೆ. ಕಿರುತೆರೆ ಮತ್ತು ಹಿರಿತೆರೆಯ ಸೂಪರ್ ಸ್ಟಾರ್ಗಳು ಕಾರ್ಯ ಕ್ರಮದ ಮೆರಗು ಹೆಚ್ಚಿಸಲಿದ್ದಾರೆ. ಈಗಾಗಲೇ ವೈಷ್ಣವಿ, ದಿಶಾ ಮದನ್, ಶ್ವೇತಾ ಪ್ರಸಾದ್, ಸ್ವಪ್ನ ಸೇರಿ ಹಲವರು ಕಾರ್ಯಕ್ರಮದಲ್ಲಿ ಭಾಗವಹಿಸಿ ಸಂಭ್ರಮಿಸಿದ್ದಾರೆ. ಇನ್ನು ನಟಿಯರಾದ ರೇಖಾ, ಸಂಗೀತಾ, ವನಿತಾ ವಾಸು ಗುರುವಾರ ಮತ್ತು ಶುಕ್ರವಾರದ ಸಂಚಿಕೆಗಳಲ್ಲಿ ಮಿಂಚಲಿದ್ದಾರೆ. ಶನಿವಾರ ರಿಯಾಲಿಟಿ ಶೋ ಹಾಡುಗಾರ್ತಿಯರಾದ ಅಂಕಿತಾ, ಸುಪ್ರಿಯಾ ಜೋಷಿ ಮತ್ತು ಅನ್ವಿತಾ ಭಾಗವಹಿಸಲಿದ್ದಾರೆ. ನೇಹಾ ಗೌಡ, ಇಷಿತಾ ವರ್ಷ ಮತ್ತು ಅಪೂರ್ವ ಬುಧವಾರ ಸಂಚಿಕೆಯ ಅತಿಥಿಗಳು.
