ಒಮ್ಮೆ ನಿರ್ದೇಶಕ ರಾಧಾಕೃಷ್ಣ ರೆಡ್ಡಿ ಕರೆ ಮಾಡಿದ್ದರು. ನಾನು ಗೊತ್ತಿಲ್ಲದ ನಂಬರ್ಗಳಿಂದ ಕರೆ ಬಂದರೆ ಸ್ವೀಕರಿಸುವುದಿಲ್ಲ. ಕರೆ ಮಾಡಿದ ಬಳಿಕ ಅವರು ‘ನಾನು ರಾಧಾಕೃಷ್ಣ ರೆಡ್ಡಿ ಅಂತ, ಪುನೀತ್ರಾಜ್ಕುಮಾರ್ ಬ್ಯಾನರ್ನಲ್ಲಿ ಸಿನಿಮಾ ಮಾಡುತ್ತಿದ್ದೇನೆ, ನಿಮ್ಮ ಜತೆ ಮಾತನಾಡಬೇಕಿತ್ತು’ ಎಂದು ಮೆಸೇಜ್ ಮಾಡಿದ್ದರು. ನಾನು ಯಾರೋ ಸ್ನೇಹಿತರು ತಮಾಷೆ ಮಾಡುತ್ತಿದ್ದಾರೆ ಎಂದುಕೊಂಡು, ಆ ನಂಬರ್ಗೆ ಕಾಲ್ ಮಾಡಿದಾಗ ಅದು ನಿಜ ಆಗಿತ್ತು. ನಂತರ ಬೆಂಗಳೂರಿಗೆ ಬಂದು ಕಥೆ ಕೇಳುತ್ತೇನೆ ಎಂದಿದ್ದೆ. ಬರುವ ದಾರಿಯಲ್ಲಿ ಈ ಸ್ಕ್ರಿಪ್ಟ್ ಚೆನ್ನಾಗಿರಲಿ ಎಂದು ಕೈ ಮುಗಿದು ದೇವರ ಬಳಿ ಕೇಳಿಕೊಂಡಿದ್ದೆ. ಕಥೆ ಕೇಳಿದ ಮೇಲೆ ನಾನು ಕೈ ಮುಗಿದಿದ್ದು ಸಾರ್ಥಕವಾಯಿತು ಎಂದುಕೊಂಡೆ.
