ಆತ ಹುಬ್ಬಳ್ಳಿ-ಧಾರವಾಡದ ಹುಡುಗ ಮಯೂರ್. ಆರ್ಜೆ ಆಗಿ ಕೆಲಸ ಮಾಡುವಾತ ‘ಪ್ಯಾಚ್-ಅಪ್ ವಿಥ್ ಮಯೂರ್’ ಶೋ ಮೂಲಕ ನೊಂದ ಮನಸುಗಳನ್ನು ಕೂಡಿಸುವ ಕೆಲಸ ಮಾಡುತ್ತಿರುತ್ತಾನೆ. ಎಲ್ಲರ ಮನಸುಗಳನ್ನು ಕೂಡಿಸುವ ಈತ ಮಾತ್ರ ಸಿಂಗಲ್. ಮನೆಯವರು, ಸ್ನೇಹಿತರು ಹಾಗೂ ಆಪ್ತರು ಎಲ್ಲರೂ ಕೇಳುವ ಪ್ರಶ್ನೆ ನಿನ್ನ ಹುಡುಗಿ ಯಾರು? ಅಂತಾ.. ಇಂತಹ ಸಮಯದಲ್ಲಿ ಈತನಿಗೆ ಎದುರಾಗುವವಳೇ ಮೈಸೂರು ಹುಡುಗಿ ಖುಷಿ (ಅಪೂರ್ವ). ನೋಡಿದ ಕೂಡಲೇ ಪ್ರೀತಿ ಚಿಗುರೊಡೆದು, ಇವಳೊಂದಿಗೇ ಬದುಕಬೇಕು ಎಂದು ತೀರ್ಮಾನಕ್ಕೆ ಬರುತ್ತಾನೆ. ಅಂತೆಯೇ, ಖುಷಿಯ ಪರಿಚಯ, ಸ್ನೇಹ, ಒಡನಾಟ ಕೊನೆಗೆ ಪ್ರೀತಿಗೆ ತಿರುಗುವ ಮುನ್ನವೇ ಒಂದು ಘಟನೆ ನಡೆಯುತ್ತದೆ. ಆ ಘಟನೆ ಏನು? ಹುಬ್ಬಳ್ಳಿ ಹುಡುಗ- ಮೈಸೂರು ಹುಡುಗಿಯ ಕಥೆ ಏನು? ಎಂದು ತಿಳಿಯಬೇಕಾದರೆ ನೀವು ‘ಮಾತೊಂದ ಹೇಳುವೆ’ ಸಿನಿಮಾ ನೋಡಬೇಕು.
