ಏನಿದು ಮ್ಯಾನಿಕಿನ್?: ‘ಚಿತ್ರೀಕರಣಕ್ಕೆ ಹೊರಡುವ ಮುನ್ನ ಆನಿಮೇಷನ್ ಸ್ಟೋರಿ ಬೋರ್ಡ್ ಮಾಡಿಕೊಳ್ಳಲೇಬೇಕು. ನೇರವಾಗಿ ಯಾವ ನಿರ್ದೇಶಕರೂ ಲೊಕೇಷನ್ಗೆ ಹೋಗಿ ಶೂಟ್ ಮಾಡುವುದಿಲ್ಲ. ಆ ಸ್ಟೋರಿ ಬೋರ್ಡ್ ರೆಡಿಮಾಡುವುದು ನಿಜಕ್ಕೂ ದೊಡ್ಡ ಟಾಸ್ಕ್. ಅದನ್ನು ಸಿದ್ಧಪಡಿಸುವ ಕೆಲಸ ನಮ್ಮ ಮ್ಯಾನಿಕಿನ್ ಸಂಸ್ಥೆಯಿಂದಾಗಲಿದೆ’ ಎನ್ನುತ್ತಾರವರು. ಅಂದಹಾಗೆ, ಈ ವಿಚಾರ ಕಳೆದ ಎರಡು ವರ್ಷಗಳಿಂದ ಮಾನ್ವಿತಾ ತಲೆಯಲ್ಲಿ ಇತ್ತಾದರೂ, ಅದಕ್ಕೆ ಸರಿಯಾದ ಸಮಯ ಕೂಡಿ ಬಂದಿರಲಿಲ್ಲ. ಹೀಗಿರುವಾಗಲೇ ಇತ್ತೀಚೆಗಷ್ಟೇ ನೆದರ್ಲೆಂಡ್ನಲ್ಲಿ ಆನಿಮೇಟರ್ ಆಗಿ ಕೆಲಸ ಮಾಡುತ್ತಿರುವ ಸಂಬಂಧಿ ಅಂಕಿತಾ ಕಿಣಿ ಅವರ ಕೆಲಸ ನೋಡಿದ್ದೇ ತಡ, ಮ್ಯಾನಿಕಿನ್ ಸಂಸ್ಥೆ ಹುಟ್ಟಿಕೊಂಡಿದೆ. ಇಬ್ಬರ ಹೆಸರ ಮೊದಲ ಮತ್ತು ಕೊನೆಯ ಅಕ್ಷರಗಳನ್ನು ಸೇರಿಸಿ ಸಂಸ್ಥೆಯ ಹೆಸರಿಡಲಾಗಿದೆ. ಬಾಲಿವುಡ್ನಲ್ಲಿ ‘ಘಜನಿ‘ ಸೇರಿ ಇತ್ತೀಚಿನ ‘ಸೂಪರ್ 30’ ಸಿನಿಮಾಕ್ಕೆ ಬಂಡವಾಳ ಹೂಡಿದ್ದ ಖ್ಯಾತ ನಿರ್ವಪಕ ಮಧು ಮಂಟೆನಾ, ಮ್ಯಾನಿಕಿನ್ ಲೋಗೋ ಬಿಡುಗಡೆ ಮಾಡಿದ್ದಾರೆ.
