ರಾಷ್ಟ್ರಪ್ರಶಸ್ತಿ ವಿಜೇತ ಮಲಯಾಳಂ ನಟ ಸಲೀಂ ಕುಮಾರ್ ನಿಧನ! Salim Kumar

ನಟ ಸಲೀಂ ಅವರ ನಿಧನಕ್ಕೆ ಕೇರಳ ಸಿಎಂ ವಿ.ಡಿ ಸತೀಶನ್​ ಸೇರಿದಂತೆ ಹಲವಾರು ಪ್ರಮುಖ ವ್ಯಕ್ತಿಗಳು ಸಾಮಾಜಿಕ ಮಾಧ್ಯಮದಲ್ಲಿ ಪೋಸ್ಟ್ ಹಂಚಿಕೊಳ್ಳುವ ಮೂಲಕ ದುಃಖ ವ್ಯಕ್ತಪಡಿಸಿದ್ದಾರೆ.

ಮಮ್ಮುಟ್ಟಿ ತಮ್ಮ X ಖಾತೆಯಲ್ಲಿ "ನಗುತ್ತಾ ಇತರರನ್ನು ನಗಿಸುತ್ತಿದ್ದ, ಯೋಚಿಸುತ್ತಿದ್ದ ಮತ್ತು ಯೋಚಿಸುವಂತೆ ಮಾಡುತ್ತಿದ್ದ, ಹಾಗೂ ಸಾಂದರ್ಭಿಕವಾಗಿ ತಾನು ಅಳುತ್ತಾ ಇತರರ ಕಣ್ಣಾಲಿಗಳೂ ಒದ್ದೆಯಾಗುವಂತೆ ಮಾಡುತ್ತಿದ್ದ ಸಲೀಮ್... ಆದರೆ ಈಗ, ನೀನು ಕೇವಲ ನನ್ನನ್ನು ಅಳುವಂತೆ ಮಾಡಿ ಹೊರಟುಹೋಗಿದ್ದೀಯಾ. ಪ್ರಿಯ ಸಹೋದರನೇ, ನಿನ್ನ ಈ ನಿರ್ಗಮನವು ಎಂದಿಗೂ ಮುಗಿಯದ ದುಃಖವಾಗಿದೆ..." ಎಂದು ಬರೆಯುವ ಮೂಲಕ ದುಃಖವನ್ನು ಹೊರಹಾಕಿದ್ದಾರೆ.

"ಅವರು ನನಗೆ ಕೇವಲ ನಗುವಿನ ರಾಜಕುಮಾರನಾಗಿರಲಿಲ್ಲ - ಸಲೀಂ ಕುಮಾರ್ ಅವರು ನನ್ನೊಂದಿಗೆ ಆಳವಾದ ಆತ್ಮೀಯ ಸಂಪರ್ಕ ಹೊಂದಿದ್ದ ಶಕ್ತಿ. ತಮ್ಮ ರಾಜಕೀಯ ನಂಬಿಕೆಗಳಲ್ಲಿ ಅವರು ಎಂದಿಗೂ ನಿರ್ಭೀತರಾಗಿದ್ದರು ಮತ್ತು ತಾವು ಕಾಂಗ್ರೆಸ್ ಸಿದ್ಧಾಂತಗಳ ಜೊತೆ ನಿಂತಿದ್ದಾರೆ ಎಂದು ಹೆಮ್ಮೆಯಿಂದ ಹೇಳಿಕೊಳ್ಳುತ್ತಿದ್ದರು. ಅದೇ ಮುಖದಿಂದ ನಮ್ಮನ್ನು ನಗಿಸಲು ಮತ್ತು ಅಳುವಂತೆ ಮಾಡಬಲ್ಲ ಅದ್ಭುತ ಬಹುಮುಖ ಪ್ರತಿಭೆ ಅವರದಾಗಿತ್ತು. ಮಲಯಾಳಂ ಚಿತ್ರರಂಗ ಒಬ್ಬ ದಂತಕಥೆಯನ್ನು ಕಳೆದುಕೊಂಡರೆ, ನಾನು ಒಬ್ಬ ಪ್ರೀತಿಯ ಸಹೋದರನನ್ನು ಕಳೆದುಕೊಂಡಿದ್ದೇನೆ ಎಂದು ವಿ.ಡಿ ಸತೀಶನ್​ ಪೋಸ್ಟ್​ ಹಂಚಿಕೊಂಡಿದ್ದಾರೆ.

ಶನಿವಾರ ಆರೋಗ್ಯ ಸಮಸ್ಯೆಗಳ ಹಿನ್ನೆಲೆಯಲ್ಲಿ ಸಲೀಂ ಕುಮಾರ್ ಅವರನ್ನು ಕೊಚ್ಚಿಯ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಯಿತು. ಅವರ ಸ್ಥಿತಿ ಹದಗೆಟ್ಟ ಕಾರಣ, ಅವರನ್ನು ವೆಂಟಿಲೇಟರ್‌ನಲ್ಲಿ ಇರಿಸಿದ್ದರು. ಆದರೆ, ಚಿಕಿತ್ಸೆ ಫಲಕಾರಿಯಾಗದೇ ಕೊನೆಯುಸಿರೆಳೆದಿದ್ದಾರೆ.

ಸಲೀಂ ಕುಮಾರ್ ಮಲಯಾಳಂ ಚಿತ್ರರಂಗದ ಅತ್ಯಂತ ಬಹುಮುಖ ನಟರಲ್ಲಿ ಒಬ್ಬರಾದರು, ಅವರ ಹಾಸ್ಯ ಸಮಯಪ್ರಜ್ಞೆ ಮತ್ತು ನಾಟಕೀಯ ಪಾತ್ರಗಳೆರಡಕ್ಕೂ ಪ್ರಶಂಸೆ ಗಳಿಸಿದರು. ಅವರ ಪ್ರಸಿದ್ಧ ಸಿನಿಮಾಗಳಾದ ಮಕನ್ ಅಬು, ಕರುತ ಜೂತನ್, ಮೇರಿಕ್ಕುಂಡೋರು ಕುಂಜಾಡು ಮತ್ತು ಕಂಪಾರ್ಟ್‌ಮೆಂಟ್ ಆಗಿವೆ.

ತಮ್ಮ ಚಲನಚಿತ್ರ ವೃತ್ತಿಜೀವನದಲ್ಲಿ 300 ಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿಸಿದ ಸಲೀಂ ಕುಮಾರ್, ಚಿತ್ರರಂಗದಲ್ಲಿ ಮರೆಯಲಾಗದ ಛಾಪು ಮೂಡಿಸಿದ್ದಾರೆ. ನಟನೆಯ ಜೊತೆಗೆ, ಅವರು ದೈವಮೇ ಕೈತೋಳಂ ಕೆ ಕುಮಾರಕನಂ, ಕರುತ ಜೂತನ್ ಮತ್ತು ಕಂಪಾರ್ಟ್‌ಮೆಂಟ್ ಸೇರಿದಂತೆ ಹಲವಾರು ಚಿತ್ರಗಳನ್ನು ನಿರ್ದೇಶಿಸಿದ್ದಾರೆ (ಏಜೆನ್ಸೀಸ್​).