ಗೊರಕೆ, ಮರೆವು, ಬಿಕ್ಕಳಿಕೆ... ಹೀಗೆ ಹಲವು ದೇಹಾರೋಗ್ಯ ಪರಿಸ್ಥಿತಿಗಳ ಬಗ್ಗೆ ಸಿನಿಮಾ ಬಂದಿರುವಂತೆಯೇ ವಿಟಿಲಿಗೋ ಕುರಿತ ಕಥೆಯಿದು. ಇಂತಹ ಕಂಟೆಂಟ್ ಪ್ರಧಾನ ಚಿತ್ರವನ್ನು, ಕಮರ್ಷಿಯಲ್ ಆಗಿ ಹೇಳುವ ಕಷ್ಟದ ಕೆಲಸವನ್ನು ಮಹೇಶ್ ಅಚ್ಚುಕಟ್ಟಾಗಿ ನಿಭಾಯಿಸಿದ್ದು, ನಟನೆಯಲ್ಲೂ ಸೈ ಎನಿಸಿಕೊಂಡಿದ್ದಾರೆ. ಕಾಜಲ್ ಮಾತು, ಮೌನ, ಕಣ್ಣೀರ ಜತೆಗೆ ಪ್ರತಿ ನೋಟದಲ್ಲೂ ನಯವಿದೆ, ಅಭಿನಯವಿದೆ. ಮೊದರ್ಲಧ ಜಹಾಂಗೀರ್ ಚಿತ್ರದ ಕೇಂದ್ರಬಿಂದು ಎಂದರೂ ತಪ್ಪಲ್ಲ. "ಎದೆಯ ಒಳಗಡೆ' ಹಾಡು ಎದೆಯೊಳಗೆ ಇಳಿಯುತ್ತದೆ. ಹಿನ್ನೆಲೆ ಸಂಗೀತ, ಛಾಯಾಗ್ರಹಣ ಚಿತ್ರಕ್ಕೆ ಪೂರಕವಾಗಿವೆ. ಕೆಲವೆಡೆ ಲಿಂಕ್ ಮಿಸ್ ಆಗಿದೆ ಅಂತನ್ನಿಸುತ್ತದೆ. 138 ನಿಮಿಷಗಳ ಚಿತ್ರಕ್ಕೆ ಕೊಂಚ ಕತ್ತರಿ ಪ್ರಯೋಗ ಮಾಡುವ ಅವಕಾಶವಿತ್ತು. ಆದರೆ, ಕಥೆ ಸಾಗಿದಂತೆ ಅದೆಲ್ಲವನ್ನೂ ಮರೆಸುತ್ತದೆ. ಹೀಗಾಗಿ "ಬಿಳಿ ಚುಕ್ಕಿ ಹಳ್ಳಿ ಹಕ್ಕಿ' ಒಂದೊಳ್ಳೆ ಪ್ರಯತ್ನ ಎನ್ನಬಹುದು.
