ಬರೀ ‘ಪುಷ್ಪ’ ಮಾತ್ರವಲ್ಲ, ಈ ಹಿಂದೆ ತಮಿಳಿನಲ್ಲಿ ‘24’ ಎಂಬ ಚಿತ್ರ ಬಂತಲ್ಲ? ಆ ಚಿತ್ರದ ನಿರ್ದೇಶಕ ವಿಕ್ರಮ್ ಕುಮಾರ್ ಮೊದಲು ಕಥೆ ಹೇಳಿದ್ದೂ ಮಹೇಶ್ ಬಾಬು ಅವರಿಗೇನೇ. ಆದರೆ, ಪಾತ್ರ ನೆಗೆಟಿವ್ ಆಗಿವೆ ಮತ್ತು ತಮ್ಮ ಪಾತ್ರಕ್ಕೆ ಒಂದಿಷ್ಟು ಮೇಕ್ಓವರ್ ಮಾಡಿಕೊಳ್ಳಬೇಕು ಎನ್ನುವ ಕಾರಣಕ್ಕೆ ಚಿತ್ರವನ್ನು ತಿರಸ್ಕರಿಸಿದ್ದಾರೆ. ಅಂದಹಾಗೆ, ಮಹೇಶ್ ಬಾಬುಗೆ ಪಾತ್ರಕ್ಕಾಗಿ ಮೇಕ್ಓವರ್ ಮಾಡಿಕೊಳ್ಳುವುದಕ್ಕೂ ಇಷ್ಟವಿಲ್ಲವಂತೆ. ಜನ ತಮ್ಮನ್ನು ಗುರುತಿಸುವುದು ಸುಂದರ ಮತ್ತು ಸೌಮ್ಯ ಮುಖಕ್ಕಾಗಿ ಎಂಬುದು ಅವರ ನಂಬಿಕೆ. ಅದೇ ಕಾರಣಕ್ಕೆ, ಇಷ್ಟು ವರ್ಷಗಳಲ್ಲಿ ಅವರು ಯಾವ ಚಿತ್ರದಲ್ಲೂ ಬದಲಾವಣೆಯಾಗಿಲ್ಲ. ತಮ್ಮ ಮೊದಲ ಚಿತ್ರದಲ್ಲಿ ಹೇಗಿದ್ದರೋ, ಈಗ ಸಹ ಅದೇ ತರಹ ಕಾಣಿಸಿಕೊಳ್ಳುತ್ತಿದ್ದಾರೆ ಎನ್ನುವುದು ವಿಶೇಷ.
