ಇಂಗ್ಲೀಷ್, ಹಿಂದಿ, ಕನ್ನಡ, ತಮಿಳು, ತೆಲುಗು, ಮಲಯಾಳಂ ಸೇರಿದಂತೆ ವಿಶ್ವದಾದ್ಯಂತ ಮೂವತ್ತು ಭಾಷೆಗಳಲ್ಲಿ ಈ ಸರಣಿ ಮೂಡಿಬರಲಿದೆ. ಹೀಗಾಗಿಯೇ ಪ್ರಚಾರಕ್ಕಾಗಿ ‘ದಿ ರಿಂಗ್ಸ್ ಆಫ್ ಪವರ್’ ಮತ್ತು ಅಮೆಜಾನ್ ಪ್ರೖೆಮ್ ತಂಡ ವಿಶ್ವದಾದ್ಯಂತ ನಾಲ್ಕು ದೇಶಗಳಲ್ಲಿ ಪ್ರೀ-ರಿಲೀಸ್ ಕಾರ್ಯಕ್ರಮಗಳನ್ನು ಆಯೋಜಿಸಿತ್ತು. ಲಾಸ್ ಏಂಜಲೀಸ್, ಮೆಕ್ಸಿಕೋ, ಲಂಡನ್ ಜತೆಗೆ ಮುಂಬೈನಲ್ಲೂ ಕಾರ್ಯಕ್ರಮ ನಡೆಯಿತು. ಹೀಗಾಗಿಯೇ ದೇಶಾದ್ಯಂತ ಹಲವು ರಾಜ್ಯಗಳ, ಭಾಷೆಗಳ ಹೆಸರಾಂತ ಪತ್ರಿಕೆಗಳು, ವಾಹಿನಿಗಳು ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದವು. ಮಾತ್ರವಲ್ಲ ಆಸ್ಟ್ರೇಲಿಯಾ, ಚೀನಾ, ಸೇರಿದಂತೆ ಹಲವು ದೇಶಗಳಿಂದಲೂ ಪತ್ರಕರ್ತರು ಆಗಮಿಸಿದ್ದರು. ಅಂತಾರಾಷ್ಟ್ರೀಯ ಮಟ್ಟದ ಈ ಕಾರ್ಯಕ್ರಮಕ್ಕೆ ಸಾಕ್ಷಿಯಾದ ಏಕೈಕ ಕನ್ನಡ ದಿನಪತ್ರಿಕೆ ವಿಜಯವಾಣಿ.
