ಇತ್ತೀಚೆಗಷ್ಟೆ ಲೋಕೇಶ್ ಹುಟ್ಟುಹಬ್ಬದಂದು ಈ ಮೂರೂ ಚಿತ್ರಗಳ ಟ್ರೇಲರ್ ಮತ್ತು ಹಾಡುಗಳನ್ನು ರಿಲೀಸ್ ಮಾಡುವ ಮೂಲಕ ಚಿತ್ರತಂಡ ಶುಭಹಾರೈಸಿದೆ. ಲೊಕೇಶ್ ನಿರ್ದೇಶಿಸುತ್ತಿರುವ ಮೊದಲ ಸಿನಿಮಾ ‘ಟೆಡ್ಡಿ ಬೇರ್’. ಇದೊಂದು ಹಾರರ್ ಚಿತ್ರವಾಗಿದ್ದು, ಹೊಸ ಮನೆಗೆ ಹೋಗುವ ನವದಂಪತಿ ಎದುರಿಸವ ವಿಚಿತ್ರ ಘಟನೆಗಳ ಸುತ್ತ ಕಥೆ ಸಾಗುತ್ತದೆ. ಚಿತ್ರದಲ್ಲಿ ಶೈಲಜಾ, ದೀನಾ, ಮುತ್ತು, ಸ್ಪರ್ಶರೇಖಾ, ಅಕ್ಷರ ಪ್ರಮುಖ ತಾರಾಗಣದಲ್ಲಿದ್ದಾರೆ. ಸದ್ಯ ಸಿನಿಮಾ ಪೋಸ್ಟ್ ಪ್ರೊಡಕ್ಷನ್ ಹಂತದಲ್ಲಿದೆ. ಮತ್ತೊಂದು ಚಿತ್ರ ‘ವಿದುರ’ ಥ್ರಿಲ್ಲರ್ ಕಥಾಹಂದರ ಹೊಂದಿದೆ. ನಾಯಕ ತನ್ನ ಕುಟುಂಬಕ್ಕಾಗಿ ಹೇಗೆಲ್ಲಾ ಹೋರಾಡುತ್ತಾನೆ ಎಂಬುದು ಕಥೆಯ ತಿರುಳು. ಚೈತ್ರಾ ತೊಂಟದ್, ಮುತ್ತು, ರಾಜಶೇಖರ್, ಲಕ್ಷ್ಮೀ, ಸಂತೋಷ್, ಕಿಟ್ಟಿ ತಾರಾಗಣದಲ್ಲಿದ್ದಾರೆ. ಸದ್ಯ ಈ ಚಿತ್ರ ಡಬ್ಬಿಂಗ್ ಹಂತದಲ್ಲಿದೆ.
