ವಾರದ ಕತೆ ಕಿಚ್ಚನ ಜೊತೆ ಎಪಿಸೋಡ್ನಲ್ಲಿ ಸ್ಪರ್ಧಿಗಳಿಗೆ ಸುದೀಪ್ ಅವರು ಚೆನ್ನಾಗಿ ಕ್ಲಾಸ್ ತೆಗೆದುಕೊಂಡಿದ್ದರು. ಪ್ರತಿ ವಿಚಾರಕ್ಕೆ ಜಗಳವಾಡುವ ಬಗ್ಗೆ ಕಿಡಿಕಾರಿದ್ದರು. ಆದರೆ, ಸ್ಪರ್ಧಿಗಳು ಮಾತನ್ನು ಮೀರಿ ಮತ್ತೆ ಅಗ್ರೆಸಿವ್ ಆಗಿ ವರ್ತಿಸುತ್ತಿದ್ದಾರೆ. ಇಂದು ರಿಲೀಸ್ ಆದ ಪ್ರೋಮೋದಲ್ಲಿ ಲಿಖಿತ್ ಅವರು ಸಂಗೀತಾ ಭಟ್ ಅವರೊಂದಿಗೆ ಕಿತ್ತಾಡಿಕೊಂಡಿರುವುದು ಕಂಡು ಬಂದಿದೆ. ಅಡುಗೆ ಮನೆ ಮತ್ತು ಊಟದ ಬಳಿಕ ಪಾತ್ರೆಗಳನ್ನು ಎಲ್ಲೆಂದರಲ್ಲಿ ಬಿಟ್ಟಿರುವುದು ಮತ್ತು ಅವುಗಳನ್ನು ಸ್ವಚ್ಛಗೊಳಿಸುವ ವಿಚಾರದಲ್ಲಿ ದೊಡ್ಡ ಗಲಾಟೆ ನಡೆದಿದೆ.ಸ್ಪರ್ಧಿ ಸಂಗೀತಾ ಅವರು ಮನೆಯಲ್ಲಿ ಕೆಲಸದ ಜವಾಬ್ದಾರಿ ಹಾಗೂ ಸ್ವಚ್ಛತೆಯ ನಿಯಮಗಳ ಬಗ್ಗೆ ಪ್ರಶ್ನಿಸಿ, ಎಲ್ಲರ ವಿರುದ್ಧ ತೀವ್ರವಾಗಿ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಲಿಖಿತ್ ಪಾತ್ರೆ ವಾಶ್ ಮಾಡಿ, ಅವ್ರು ತಿಂಡಿ ಮಾಡುತ್ತಾರೆ ಇದು ನನ್ನ ಆಜ್ಞೆ ಎಂದು ಸಂಗೀತಾ ಭಟ್ ಅವರು ಹೇಳುತ್ತಾರೆ. ಆಗ ಲಿಖಿತ್ ನಾನು ವಾಶ್ ಮಾಡೋದಿಲ್ಲ. ಇಲ್ಲಿ ಪಾತ್ರೆ ತೊಳಿಯೋಕೆ ಬಂದಿಲ್ಲ ಎನ್ನುತ್ತಾರೆ. ನೀವು ನನ್ನ ಮೇಲೆ ಪರ್ಸನಲ್ ಅಟ್ಯಾಕ್ ಮಾಡುತ್ತಿದ್ದೀರಾ ಎಂದು ಕಿಡಿಕಾರುತ್ತಾರೆ.
ಮೂರು ದಿನ ಉಪವಾಸ ಇರಿ
ಹಸವಾಗ್ತಿದೆ ಒಬ್ರಿಗೆ ಪನಿಶ್ಮೆಂಟ್ ಕೊಡಿ ಎಲ್ಲರಿಗೂ ಯಾಕೆ ಎಂದು ಸ್ಪರ್ಧಿಗಳು ಪ್ರಶ್ನೆ ಮಾಡಿದ್ದಾರೆ. ಆಗ 'ಲಿಖಿತ್ ಅವರು ನಾನು ಕ್ಲೀನ್ ಮಾಡುವವರೆಗೂ ಯಾರು ತಿನ್ನುವ ಹಾಗಿಲ್ಲ. ನಾನು ಮೂರು ದಿನ ಉಪವಾಸ ಇರುತ್ತೇನೆ ಇರಿ ನೀವೆಲ್ಲ' ಎಂದು ಲಿಖಿತ್ ಸವಾಲ್ ಹಾಕುತ್ತಾರೆ. ಲಿಖಿತ್ ಅವರ ಈ ವರ್ತನೆ ಮತ್ತು ಮೊಂಡಾಟದಿಂದಾಗಿ ಇಡೀ ಮನೆಯವರಿಗೆಲ್ಲ ತೊಂದರೆಯಾಗಿದ್ದು, ಎಲ್ಲರಿಗೂ ಶಿಕ್ಷೆ ಅನುಭವಿಸುವಂತ ಪರಿಸ್ಥಿತಿ ನಿರ್ಮಾಣವಾಗಿದೆ. ಏನಾಗುತ್ತದೆ? ಲಿಖಿತ್ ಪಾತ್ರೆ ವಾಶ್ ಮಾಡುತ್ತಾರೋ ಇಲ್ಲವೋ ಎನ್ನುವುದನ್ನು ಇಂದಿನ ಎಪಿಸೋಡ್ನಲ್ಲಿ ನೋಡಬೇಕಾಗಿದೆ, (ಏಜೆನ್ಸೀಸ್)
