ಹಾಗೆ ಅಂದು ಇವರು ಆಯ್ಕೆ ಆಗಿದ್ದು ಕವೀಶ್ ಶೆಟ್ಟಿ ನಿರ್ವಣ, ನಿರ್ದೇಶನದ ಜತೆಗೆ ನಾಯಕನಾಗಿ ಕಾಣಿಸಿಕೊಂಡಿರುವ ‘ಜಿಲ್ಕ’ ಸಿನಿಮಾಗೆ. ಕನ್ನಡ ಮಾತ್ರವಲ್ಲದೆ ಹಿಂದಿ ಹಾಗೂ ಮರಾಠಿಯಲ್ಲೂ ನಿರ್ವಣವಾಗಿರುವ ಈ ಸಿನಿಮಾದ ಕನ್ನಡ ಆವೃತ್ತಿ ಫೆ. 7ರಂದು ಬಿಡುಗಡೆ ಆಗಲಿದೆ. ‘‘ಜಿಲ್ಕ’ದಲ್ಲಿ ಮಾಡುತ್ತಿರುವಾಗಲೇ ‘ಧೀರನ್’ ಎಂಬ ಇನ್ನೊಂದು ಕನ್ನಡ ಸಿನಿಮಾದಲ್ಲಿ ಅವಕಾಶ ಸಿಕ್ಕಿತು. ಸ್ವಾಮಿ ಅವರ ನಿರ್ದೇಶನ ಹಾಗೂ ನಾಯಕತ್ವದ ಈ ಸಿನಿಮಾದಲ್ಲಿ ನಾಯಕಿ ಆಗಿ ನಟಿಸಿದ್ದೇನೆ. ಇದರ ಶೂಟಿಂಗ್ ಮುಗಿದಿದೆ. ಬಳಿಕ ತುಳು ಸಿನಿಮಾ ‘ಶಕಲಕ ಬೂಮ್ ಬೂಮ್ನಲ್ಲೂ ನಾಯಕಿಯ ಪಾತ್ರ ಸಿಕ್ಕಿದ್ದು, ಚಿತ್ರೀಕರಣ ಬಹುತೇಕ ಮುಗಿದಿದ್ದು, ಸಾಂಗ್ ಶೂಟಿಂಗ್ ಮಾತ್ರ ಬಾಕಿ ಇದೆ. ಈ ಮಧ್ಯೆ ಕನ್ನಡದ ‘ಶೋಕಿವಾಲಾ’ ಚಿತ್ರದಲ್ಲಿ ಒಂದು ಚಿಕ್ಕ ಪಾತ್ರ ಮಾಡಿದ್ದೇನೆ. ಅಲ್ಲದೆ ಹಿಂದಿಯ ‘ಸ್ಟೋನ್’ ಎಂಬ ಚಿತ್ರದಲ್ಲೂ ನಾಯಕಿಯಾಗಿ ಕಾಣಿಸಿಕೊಂಡಿದ್ದು, ಅದಿನ್ನೂ ನಿರ್ಮಾಣ ಹಂತದಲ್ಲಿದೆ’ ಎಂಬ ಮಾಹಿತಿ ನೀಡುತ್ತಾರೆ ಲಕ್ಷ.
