ದೀಪಿಕಾ ಬೇಡ ಎಂದ ರೋಲ್​ ಕೃತಿಗೆ ಸಿಕ್ತು! ಯಾವ ಚಿತ್ರ ಗೆಸ್​ ಮಾಡಿ ...

ಮುಂಬೈ: ಕಳೆದ ಕೆಲವು ತಿಂಗಳುಗಳಿಂದ ಭಾರತದಲ್ಲಿ ಯಾವುದಾದರೂ ಚಿತ್ರ ಸಿಕ್ಕಾಪಟ್ಟೆ ಸುದ್ದಿ ಮಾಡಿದೆ ಎಂದರೆ ಅದು ಪ್ರಭಾಸ್​ ಅಭಿನಯದ 'ಆದಿಪುರುಷ್​'. ರಾಮಾಯಣದ ಕುರಿತಾದ ಈ ಚಿತ್ರದಲ್ಲಿ ಪ್ರಭಾಸ್​ ರಾಮನಾದರೆ, ಸೀತೆಯಾಗಿ ಯಾರು ನಟಿಸಬಹುದು ಎಂಬ ಕುತೂಹಲ ಎಲ್ಲರಲ್ಲೂ ಇತ್ತು. ಈಗ ಈ ಪಾತ್ರಕ್ಕೆ ಬಾಲಿವುಡ್​ ನಟಿ ಕೃತಿ ಸನೋನ್​ ಆಯ್ಕೆಯಾಗಿದ್ದಾರೆ.

ಇದನ್ನೂ ಓದಿ: ‘ಪವರ್ ಆಫ್​ ಯೂಥ್​’ ಲಿರಿಕಲ್​ ವೀಡಿಯೋ ಬಿಡುಗಡೆ …

ಮುಂಚೆ ಇದೇ ಪಾತ್ರಕ್ಕೆ ಕೀರ್ತಿ ಸುರೇಶ್​ ಸೇರಿದಂತೆ ಹಲವು ನಾಯಕಿಯರನ್ನು ಸಂಪರ್ಕಿಸಲಾಗಿತ್ತು. ಒಂದು ಹಂತದಲ್ಲಿ ಆಲಿಯಾ ಭಟ್​ ನಾಯಕಿಯಾಗಬಹುದು ಎಂದು ಹೇಳಲಾಗಿತ್ತು. ಅವರು, ಇವರು ಅಂತೆಲ್ಲಾ ಆಗಿ ದೀಪಿಕಾ ಪಡುಕೋಣೆ, ಈ ಪಾತ್ರಕ್ಕೆ ಪರ್ಫೆಕ್ಟ್​ ಚಾಯ್ಸ್​ ಎಂದು ಚಿತ್ರತಂಡ ತೀರ್ಮಾನಿಸಿತ್ತು. ಆದರೆ, ಕೊನೆಗೆ ಅವರನ್ನು ಕೈಬಿಟ್ಟು, ಕೃತಿಗೆ ಕೊಟ್ಟಿದ್ದಿಕ್ಕೂ ಕಾರಣವಿದೆ.

ಪ್ರಮುಖವಾಗಿ ದೀಪಿಕಾ ಮತ್ತು ಪ್ರಭಾಸ್​ ಇಬ್ಬರೂ ನಾಗ್​ ಅಶ್ವಿನ್​ ನಿರ್ದೇಶನದ ಹೊಸ ಚಿತ್ರವೊಂದರಲ್ಲಿ ನಟಿಸುವುದಕ್ಕೆ ಒಪ್ಪಿಕೊಂಡಿದ್ದಾರೆ. ಈಗಾಗಲೇ ಇಬ್ಬರೂ ನಟಿಸುತ್ತಿರುವ ಸುದ್ದಿಯಾಗಿರುವುದರಿಂದ, ಮತ್ತೊಮ್ಮ ಅವರಿಬ್ಬರನ್ನೇ ರಿಪೀಟ್​ ಮಾಡಿದರೆ ಅವರ ಜೋಡಿ ಫ್ರೆಶ್​ ಎಂದನಿಸುವುದಿಲ್ಲ ಎಂಬ ಅಭಿಪ್ರಾಯ ಚಿತ್ರತಂಡದವರಲ್ಲಿ ವ್ಯಕ್ತವಾಗಿದೆ. ಹಾಗಾಗಿ ದೀಪಿಕಾ ಅವರನ್ನು ಬಿಟ್ಟು ಕೃತಿ ಅವರನ್ನು ಆಯ್ಕೆ ಮಾಡಲಾಗಿದೆ. ಪ್ರಭಾಸ್​ ಅವರಂತಹ ಪ್ಯಾನ್​ ಇಂಡಿಯಾ ಸ್ಟಾರ್​ ಜೊತೆಗೆ ನಟಿಸುವುದಕ್ಕೆ ಕೃತಿ ಬಹಳ ಖುಷಿಯಿಂದಲೇ ಒಪ್ಪಿಕೊಂಡಿದ್ದಾರೆ ಎಂದು ಹೇಳಲಾಗಿದೆ.

ಇದನ್ನೂ ಓದಿ: ಸಾರಾ ಮೇಲೆ ಕೂಗಾಡಿದ್ದೇಕೆ ಹಿರಿಯ ನಿರ್ದೇಶಕ ಡೇವಿಡ್​ ಧವನ್​?

ಈ ವರ್ಷದ ಹಿಟ್​ ಚಿತ್ರಗಳಲ್ಲಿ ಒಂದಾದ ಹಿಂದಿಯ 'ತಾನ್ಹಾಜಿ' ಚಿತ್ರವನ್ನು ನಿರ್ದೇಶಿಸಿರುವ ಓಂ ರೌತ್​, 'ಆದಿಪುರುಷ್​' ಈ ಚಿತ್ರವನ್ನು ನಿರ್ದೇಶಿಸುತ್ತಿದ್ದು, ರಾವಣನಾಗಿ ಬಾಲಿವುಡ್​ ನಟ ಸೈಫ್​ ಅಲಿ ಖಾನ್​ ನಟಿಸುತ್ತಿದ್ದಾರೆ ಎಂದು ಹೇಳಲಾಗುತ್ತಿದೆ.

https://www.vijayavani.net/superstar-collaborates-with-kgf-director-prashanth-neel/