ಅಭಿಮಾನಿಗಳಿಗೆಂದು ಕೈಯಲ್ಲಿ ರೆಡ್ ರೋಸ್ ಹಿಡಿದ ಕರಾವಳಿ ಬೆಡಗಿ ಕೃತಿ ಶೆಟ್ಟಿ; ಕಾರಣ ಗೊತ್ತಾ?

ಹೈದರಾಬಾದ್: ಇತ್ತೀಚಿನ ದಿನಗಳಲ್ಲಿ, ಸೆಲೆಬ್ರಿಟಿಗಳ ಕ್ರೇಜ್ ಎಷ್ಟು ಎಂದು ತಿಳಿದುಕೊಳ್ಳಬೇಕು ಅಂದರೆ ಅವರ ಸೋಶಿಯಲ್ ಮೀಡಿಯಾದಲ್ಲಿನ ಅನುಯಾಯಗಳ ಸಂಖ್ಯೆ ನೋಡಿದರೆ ಸಾಕು ಎಂಬಂತೆ ಆಗಿದೆ. ಹೌದು, ಎಷ್ಟು ಹೆಚ್ಚು ಫಾಲೋವರ್ಸ್ ಇದ್ದರೆ ಆ ನಟ-ನಟಿಗೆ ಅಷ್ಟು ಅಭಿಮಾನಿಗಳು ಮತ್ತು ಕ್ರೇಜ್ ಇದೆ ಎಂದರ್ಥ. ಅದರಲ್ಲಿಯೂ, ತಮ್ಮ ನೆಚ್ಚಿನ ನಟ ಹಾಗೂ ನಟಿಯರನ್ನು ಸೋಶಿಯಲ್ ಮೀಡಿಯಾದಲ್ಲಿ ಫಾಲೋ ಮಾಡುವುದು ಬಳಿಕ ಅವರ ಹೊಸ ಅಥವಾ ಇತ್ತೀಚಿನ ಅಪ್​ಡೇಟ್​ಗಳನ್ನು ಪಡೆಯುವುದು ಯುವ ಜನತೆಗೆ ಒಂದು ಹವ್ಯಾಸದಂತೆ ಆಗಿಬಿಟ್ಟಿದೆ.

ಇದರಿಂದಲೇ, ಸೆಲೆಬ್ರಿಟಿಗಳು ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಹೆಚ್ಚು ಹೆಚ್ಚು ಫಾಲೋವರ್ಸ್​ಗಳನ್ನು ಪಡೆಯಲು ಸಿಕ್ಕಾಪಟ್ಟೆ ಪ್ರಯತ್ನಿಸುತ್ತಿದ್ದಾರೆ. ಅದರಲ್ಲಿಯೂ, ಒಂದು ಕಡೆ ಕೇವಲ ತಮ್ಮ ಖಾಸಗಿ ಜೀವನದ ಹಾಗೂ ವೃತ್ತಿಪರ ಕೆಲಸಗಳಿಗೆ ಸಂಬಂಧ ಪಟ್ಟ ಹೊಸ ಹೊಸ ಅಪ್​ಡೇಟ್​ಗಳನ್ನು ಅಭಿಮಾನಿಗಳ ಜತೆಗೆ ಹಂಚಿಕೊಳ್ಳುವುದು ಅಲ್ಲದೇ ಅದರಿಂದ ಸಾಮಾಜಿಕ ಜಾಲತಾಣಗಳಲ್ಲಿ ಕೈ ತುಂಬಾ ದುಡ್ಡು ಸಹ ಮಾಡುತ್ತಿದ್ದಾರೆ. ಸದ್ಯ, ಹೀಗೆ ತಮ್ಮ ಫಾಲೋವರ್ಸ್​ಗಳನ್ನು ಹೆಚ್ಚಿಸಿಕೊಂಡು ಮುನ್ನುಗ್ಗುತ್ತಿರುವವರ ಸೆಲೆಬ್ರಿಟಿಗಳ ಪಟ್ಟಿಯಲ್ಲಿ ನಟಿ ಕೃತಿ ಶೆಟ್ಟಿ ಕೂಡಾ ಒಂದಾಗಿದ್ದಾರೆ.

ಅಂದಹಾಗೆ, ಕೈತಿ ಶೆಟ್ಟಿ ಅವರು ಈಗ ಇನ್​ಸ್ಟಾಗ್ರಾಂನಲ್ಲಿ ಬರೋಬ್ಬರಿ 3 ಮಿಲಿಯನ್ ಫಾಲೋವರ್ಸ್​ಗಳನ್ನು ಪಡೆದಿದ್ದಾರೆ. ಅಂದರೆ, ಹೆಚ್ಚು ಕಡಿಮೆ 30 ಲಕ್ಷ ಅನುಯಾಯಿಗಳನ್ನು ಇನ್​ಸ್ಟಾಗ್ರಾಂನಲ್ಲಿ ಗಿಟ್ಟಿಸಿಕೊಂಡಿದ್ದಾರೆ. ಈ ವಿಷಯವನ್ನು ಕೈಯಲ್ಲಿ ರೆಡ್ ರೋಸ್ ಹಿಡಿದು ಅಭಿಮಾನಿಗಳಿಗೆ ''3 ಮಿಲಿಯನ್ ಫ್ಯಾಮಿಲಿ, #LoveYouAll'', ಎಂದು ಹೇಳುತ್ತಾ ಧನ್ಯವಾದಗಳನ್ನು ತಿಳಿಸಿದ್ದಾರೆ ಕೃತಿ. ನಟಿಯ ಈ ಪೋಟೋ ಪೋಸ್ಟ್​ಗೆ ಬರೋಬ್ಬರಿ 6.5 ಲಕ್ಷಕ್ಕೂ ಹೆಚ್ಚು ಲೈಕ್ಸ್ ಹರಿದುಬಂದಿವೆ. ಜತೆಗೆ, ನಟಿಯ ಈ ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿವೆ. ಇನ್ನು, ಅತ್ಯಂತ ಕಡಿಮೆ ಸಮಯದಲ್ಲಿ ಮಿಲಿಯನ್ ಗಟ್ಟಲೆ ಫಾಲೋವರ್ಸ್​ಗಳನ್ನು ಪಡೆದಿರುವ ನಟಿಯರ ಪಟ್ಟಿಯಲ್ಲಿ ಕೈತಿ ಮೊದಲ ಸ್ಥಾನದಲ್ಲಿ ನಿಲ್ಲುತ್ತಾರೆ.

ಕಾರಣ, ನಟಿ ರಶ್ಮಿಕಾ ಮಂದಣ್ಣ ಅಥವಾ ಬೇರೆ ಬೇರೆ ನಟಿಯರಿಗೆ ಮಿಲಿಯನ್ ಗಟ್ಟಲೆ ಫಾಲೋವರ್ಸ್​ಗಳನ್ನು ಪಡೆಯಲು ಆರಂಭದಲ್ಲಿ ಹೆಚ್ಚು ಕಡಿಮೆ ಅವರು 10 ರಿಂದ 12 ಸಿನಿಮಾಗಳಲ್ಲಿ ನಟಿಸಬೇಕಿತ್ತು. ಆದರೆ, ಕೃತಿ ಶೆಟ್ಟಿ ಅವರು ಇಲ್ಲಿಯವರೆಗೆ ಕೇವಲ ಒಂದು ಹಿಂದಿ ಸಿನಿಮಾದಲ್ಲಿ ಮತ್ತು ಮೂರು ತೆಲುಗು ಸಿನಿಮಾಗಳಲ್ಲಿ ಕಾಣಿಸಿಕೊಂಡಿದ್ದು, ಕೈಯಲ್ಲಿ 5 ರಿಂದ 6 ಸಿನಿಮಾ ಆಫರ್​ಗಳನ್ನು ಹೊಂದಿದ್ದಾರೆ. ಹೀಗಾಗಿ, 18 ವರ್ಷಗಳ ಈ ಗುಳಿ ಕೆನ್ನೆಯ ಕರಾವಳಿ ಸುಂದರಿಗೆ ಈಗಲೇ 3 ಮಿಲಿಯನ್ ಫಾಲೋವರ್ಸ್ ಅಂದರೆ, ಮುಂದೆ ಈ ನಟಿಗೆ ಅದೆಷ್ಟು ಬೇಡಿಕೆ ಹೆಚ್ಚಾಗ ಬಹುದು ಎಂದು ಊಹಿಸಲು ಕಷ್ಟ ಎಂದು ಹೇಳಬೇಕು. 

https://www.vijayavani.net/ashwini-puneeth-rajkumar-felicitated-in-daughter-vanditha-school-and-video-goes-viral/

https://www.vijayavani.net/rashmika-mandanna-new-look-as-a-muslim-girl-from-telugu-movie-seetha-ramam-grabs-the-attention-of-audience-on-ramanavami-special/

https://www.vijayavani.net/hindi-jersey-movie-post-pones-its-release-date-fearing-the-craze-of-kgf2-kannada-movie/