ನಾಯಕಿ ಪಾತ್ರದಲ್ಲಿ ನಟಿಸುವ ನಟಿಯರಿಗೆ ಶೆಲ್ಫ್ಲೈಫ್ ಕಡಿಮೆ. ಹೀಗಾಗಿಯೇ ಹೀರೋಯಿನ್ಗಳು ಹೆಚ್ಚೆಚ್ಚು ಸಿನಿಮಾಗಳಲ್ಲಿ ನಟಿಸುವುದು ಸಾಮಾನ್ಯ. ಆದರೆ, "ಈಗ ಸಮಯ ಬದಲಾಗುತ್ತಿದೆ. ಪ್ರೇಕ್ಷಕರು, ಚಿತ್ರರಂಗದವರು ಯೋಚಿಸುವ ರೀತಿಯೂ ಬದಲಾಗುತ್ತಿದೆ. 40 ಅಥವಾ 45 ವರ್ಷದ ನಟಿಯರೂ ನಾಯಕಿಯರಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ' ಎನ್ನುವ ಶ್ರೀನಿಧಿ ಶೆಟ್ಟಿ, "ನಾನು ಶೆಲ್ಫ್ ಲೈಫ್ ಕಡಿಮೆ ಅಂತ ಕಥೆ, ಬಂದ ಅವಕಾಶಗಳನ್ನು ಒಪ್ಪಿಕೊಂಡು, ಬ್ಯಾಕ್ ಟು ಬ್ಯಾಕ್ ಸಿನಿಮಾಗಳಲ್ಲಿ ನಟಿಸಿ, ಮುಂದೊಂದು ದಿನ ಆ ಚಿತ್ರ ಮಾಡಬಾರದಿತ್ತು ಅಂತ ಯೋಚಿಸುವಂತೆ ಆಗಬಾರದು. ಮುಂದೆ 10 ವರ್ಷಗಳ ನಂತರ ನೋಡಿದಾಗ ಕೇವಲ ಐದೇ ಸಿನಿಮಾಗಳಲ್ಲಿ ನಟಿಸಿದ್ದರೂ ಪರವಾಗಿಲ್ಲ, ನಾನು ಇಷ್ಟ ಪಟ್ಟು ಮಾಡಿದ ಚಿತ್ರಗಳು ಅಂತ ಖುಷಿಯಿರಬೇಕು. ಹೀಗಾಗಿಯೇ ನನ್ನ ಮನೆಯಲ್ಲೂ ಸಿನಿಮಾ ಮಾಡು ಅಂತ ಒತ್ತಡ ಹಾಕಿದರೂ ನಾನು ಒಪ್ಪಲ್ಲ. ನನಗಿಷ್ಟ ಇದ್ದರಷ್ಟೇ ಮಾಡುತ್ತೇನೆ' ಎನ್ನುತ್ತಾರೆ.
