‘ಬೆಂಗಳೂರು: "ಕೆರೆಬೇಟೆ' (2024) ನಾಗನಾಗಿ ಗಮನ ಸೆಳೆದಿದ್ದ ನಟ ಗೌರಿಶಂಕರ್ ಇದೀಗ "ಕಾಮನ್ಮ್ಯಾನ್'ಆಗಿ ವಾಪಸ್ಸಾಗಿದ್ದಾರೆ. ಹಿರಿಯ ನಿರ್ದೇಶಕ ಓಂಸಾಯಿಪ್ರಕಾಶ್ ನಿರ್ದೇಶನದ 106ನೇ ಚಿತ್ರವಿದು. "ಕಾಮನ್ಮ್ಯಾನ್' ಪೊಲಿಟಿಕಲ್ ಕಾಮಿಡಿ ಥ್ರಿಲ್ಲರ್ ಡ್ರಾಮಾ ಚಿತ್ರವಾಗಿದ್ದು, ಸುರಭಿ ಫಿಲಂಸ್ ಬ್ಯಾನರ್ನಲ್ಲಿ ಎನ್.ನರಸಿಂಹಮೂರ್ತಿ ನಿರ್ಮಿಸಿದ್ದಾರೆ. ಶುಕ್ರವಾರ (ಸೆ. 25) ಸಿನಿಮಾ ರಾಜ್ಯಾದ್ಯಂತ ರಿಲೀಸ್ ಆಗಲಿದ್ದು ಗೌರಿಶಂಕರ್, ""ಕೆರೆಬೇಟೆ' ಬಳಿಕ ನಾನೇ ಒಂದು ಸಿನಿಮಾ ನಿರ್ದೇಶಿಸಲು ಸಿದ್ಧತೆ ಮಾಡಿಕೊಳ್ಳುತ್ತಿದ್ದೆ. ಜತೆಗೆ "ಫಸ್ಟ್ ರ್ಯಾಂಕ್ ರಾಜು' ನಿರ್ದೇಶಕ ನರೇಶ್ ಜತೆಗೆ ಒಂದು ಸಿನಿಮಾ ಮಾತುಕತೆ ನಡೆಯುತ್ತಿತ್ತು. ಅದರ ನಡುವೆ ನಾನು ಯಾವ ರೀತಿಯ ಕಥೆ ಮಾಡಬೇಕು ಅಂತ ಅಂದುಕೊಂಡಿದ್ದೆನೋ ಅದೇ ಕಥೆ "ಕಾಮನ್ಮ್ಯಾನ್' ರೂಪದಲ್ಲಿ ಹುಡುಕಿಕೊಂಡು ಬಂತು. ಲವ್ ಅಟ್ ಸ್ಟ್ ಸೈಟ್ ಎಂಬಂತೆ ಕಥೆ ಕೇಳಿದಾಕ್ಷಣ ಒಪ್ಪಿಕೊಂಡೆ. ಕಣ್ಣಮುಂದೆ ನಡೆಯುವ ಅನ್ಯಾಯವನ್ನು ಅಲ್ಲಿಯೇ ಪ್ರಶ್ನಿಸುವ, ಸಣ್ಣ ತಪು$್ಪಗಳನ್ನೂ ಕಾನೂನಾತ್ಮಕವಾಗಿ ಸರಿಪಡಿಸುವ ವಕೀಲನ ಪಾತ್ರ ನನ್ನದು. ತಂದೆಯ ಹಾದಿಯಲ್ಲಿ ನಡೆಯುತ್ತಾ ಸಮಾಜ ಸುಧಾರಣೆಗೆ ಮುಂದಾಗುವ ಲಾಯರ್, ಮುಂದೆ ರಾಜಕಾರಣಕ್ಕೆ ಬರುತ್ತಾನೆ. ಆತನ ಜರ್ನಿಯ ಸುತ್ತ ಮನರಂಜನೆಯ ಅಂಶಗಳನ್ನು ಸೇರಿಸಿ ಕಮರ್ಷಿಯಲ್ ಆಗಿ ಮಾಡಿರುವ ಚಿತ್ರವಿದು. ಒಂದಷ್ಟು ತಿರುವುಗಳಿದ್ದು, ಬೋರ್ ಆಗದಂತೆ ನೋಡಿಸಿಕೊಂಡು ಹೋಗುತ್ತದೆ' ಎಂದು ಮಾಹಿತಿ ನೀಡುತ್ತಾರೆ.
