ಶುರುವಾಗಿದೆ ಲಾಕ್​ಡೌನ್ ಕ್ರಿಕೆಟ್​ ಮ್ಯಾಚ್​​; ಎಚ್ಚರಿಕೆಯಿಂದ ಇರಿ...ಟಾಸ್​ ಗೆದ್ದು ಬ್ಯಾಟಿಂಗ್​ ಆಯ್ಕೆ ಮಾಡಿಕೊಂಡಿದ್ದಾರೆ ಕರ್ನಾಟಕ ಪೊಲೀಸ್​...!

ಬೆಂಗಳೂರು: ಕರ್ನಾಟಕ ಲಾಕ್​ಡೌನ್​ ಆಗಿದೆ. ಆದರೆ ಹಲವರಿಗೆ ಇದೆಲ್ಲ ಅರ್ಥವೇ ಆಗುತ್ತಿಲ್ಲ. ನಾಳೆಯ ಯುಗಾದಿ ಹಬ್ಬಕ್ಕೆ ಅಗತ್ಯ ವಸ್ತುಗಳ ಖರೀದಿ ಚಿಂತೆ ಒಂದಷ್ಟು ಜನರಿಗೆ..ಮತ್ತೊಂದಷ್ಟು ಮಂದಿಗೆ, ನಾವೊಬ್ಬರು ರಸ್ತೆಗಿಳಿದರೆ ಏನಾಗುತ್ತದೆ ಎಂಬ ನಿಷ್ಕಾಳಜಿ. ಒಟ್ಟಿನಲ್ಲಿ ಬೆಂಗಳೂರು ಸೇರಿ ರಾಜ್ಯದ ಹಲವು ಜಿಲ್ಲೆಗಳ ಜನರು ಲಾಕ್​ಡೌನ್​ ಮಧ್ಯೆಯೂ ರಸ್ತೆಗಿಳಿಯುತ್ತಿದ್ದಾರೆ.

ಸಮಾಧಾನವಾಗಿ ಹೇಳಿದರೂ ಕೇಳದೆ ಹೀಗೆ ರೋಡಿಗೆ ಇಳಿಯುತ್ತಿರುವವರನ್ನು ನೋಡಿ ಪೊಲೀಸರೂ ತಾಳ್ಮೆ ಕಳೆದುಕೊಂಡಿದ್ದಾರೆ. ಪರಿಸ್ಥಿತಿಯ ಗಂಭೀರತೆ ಅರ್ಥ ಮಾಡಿಕೊಳ್ಳದೆ ರಸ್ತೆಯಲ್ಲಿ ಓಡಾಡುತ್ತಿರುವವರಿಗೆ ಲಾಠಿ ರುಚಿ ತೋರಿಸುತ್ತಿದ್ದಾರೆ. ರಾಜ್ಯ ಪೊಲೀಸರು ಲಾಠಿಯಿಂದ ಹೊಡೆದು ಮನೆಗೆ ಕಳಿಸುತ್ತಿರುವ ವಿಡಿಯೋಗಳು ಹಲವೆಡೆಯಿಂದ ವೈರಲ್​ ಆಗಿವೆ.

ಹೀಗಿರುವಾಗ ಸ್ಯಾಂಡಲ್​ ವುಡ್​ ನಟ, ಮುಂಗಾರುಮಳೆ ಗಣೇಶ್​ ಅವರು ಸಖತ್​ ಪಂಚಿಂಗ್​ ಟ್ವೀಟ್​ ಮಾಡಿ, ಜನರಿಗೆ ತಿಳಿವಳಿಕೆ ಹೇಳಿದ್ದಾರೆ.

ಕರ್ನಾಟಕ ಲಾಕ್​ಡೌನ್​ ಆಗಿದೆ. ಅದನ್ನು ಅರ್ಥ ಮಾಡಿಕೊಳ್ಳಿ. ಕರ್ನಾಟಕ ಪೊಲೀಸ್​ ಟಾಸ್​ಗೆದ್ದು ಬ್ಯಾಟಿಂಗ್​ ಆಯ್ಕೆ ಮಾಡಿಕೊಂಡಿದ್ದಾರೆ. ಎಲ್ಲರೂ ಮನೆಯೊಳಗೆ ಇದ್ದರೆ ಕ್ಷೇಮ ಎಂದು ಟ್ವಿಟರ್​ನಲ್ಲಿ ಪೋಸ್ಟ್ ಹಾಕಿಕೊಂಡಿದ್ದಾರೆ.
ಹಾಗೇ, ಅವರೆಲ್ಲರೂ ನಮಗೋಸ್ಕರ ಕೆಲಸ ಮಾಡುತ್ತಿದ್ದಾರೆ. ಅದನ್ನು ನಾವು ಅರ್ಥ ಮಾಡಿಕೊಂಡು ಜವಾಬ್ದಾರಿಯುತವಾಗಿ ವರ್ತಿಸೋಣ. ಮನೆಯಲ್ಲೇ ಸುರಕ್ಷಿತರಾಗಿರೋಣ ಎಂದಿದ್ದಾರೆ.

ಗಣೇಶ್​ ಅವರ ಟ್ವೀಟ್​ಗೆ ಅನೇಕರು ಸಕಾರಾತ್ಮಕವಾಗಿ ಪ್ರತಿಕ್ರಿಯೆ ನೀಡಿದ್ದಾರೆ.

https://www.vijayavani.net/cm-bs-yediyurappa-coronavirus-covid-19-lockdown-state-govt/