ಪಾಕಿಸ್ತಾನದಲ್ಲಿನ ರಿಷಿ ಕಪೂರ್ ಪೂರ್ವಜರ ಹವೇಲಿಗೆ ಎದುರಾಯ್ತು ಕಂಟಕ; ಭೂತ ಪ್ರೇತದ ವದಂತಿ!

ಪಾಕಿಸ್ತಾನದ ಪೇಶಾವರದಲ್ಲಿನ ಕಪೂರ್ ಖಾಂದಾನ್​ನ ಆಸ್ತಿಗೆ ಇದೀಗ ಕಂಟಕ ಎದುರಾಗಿದೆ. ಬಂಗಲೆಯಲ್ಲಿ ಭೂತ, ಪ್ರೇತ ಇದೆ ಎಂಬ ವದಂತಿ ಹರಿದಾಡುತ್ತಿದ್ದು, ಸ್ಥಳೀಯರು ಭಯದಲ್ಲಿಯೇ ಆ ಭಾಗದಲ್ಲಿ ನೆಲೆಸಿದ್ದಾರೆ. ಜತೆಗೆ ಶೀಘ್ರದಲ್ಲಿ ಈ ಹಳೇ ಬಂಗಲೆಯನ್ನು ನೆಲಸಮ ಮಾಡುವ ಬಗ್ಗೆಯೂ ಮಾತುಗಳು ಕೇಳಿಬಂದಿವೆ.

ಇದನ್ನೂ ಓದಿ: ನಾನು ಮರಣಶಯ್ಯೆಯಲ್ಲಿದ್ದೇನೆ … ಸಾಯುವ 15 ಗಂಟೆ ಮುನ್ನ ಪೋಸ್ಟ್​ ಮಾಡಿದ್ದ ದಿವ್ಯಾ

ಹೌದು, ಪೇಶಾವರದ ಹೃದಯ ಭಾಗದಲ್ಲಿರುವ ಕಪೂರ್​ ಹವೇಲಿಯನ್ನು ಈಗಿನ ಮಾಲೀಕ ನೆಲಸಮ ಮಾಡಿ, ಅದೇ ಸ್ಥಳದಲ್ಲಿ ಭವ್ಯವಾದ ಕಮರ್ಷಿಯಲ್​ ಕಾಂಪ್ಲೆಕ್ಸ್ ನಿರ್ಮಿಸುವ ಬಗ್ಗೆ ನಿರ್ಧರಿಸಿದ್ದಾರೆ. ಆದರೆ, ಆ ನಿರ್ಧಾರಕ್ಕೆ ಪಾಕಿಸ್ತಾನ ಸರ್ಕಾರ ಮಾತ್ರ ತಕರಾರು ತೆಗೆದಿದ್ದು, 2018ರಲ್ಲಿಯೇ ಕಪೂರ್​ ಹವೇಲಿ ಕಟ್ಟಡವನ್ನು ಮ್ಯೂಸಿಯಂ ಮಾಡುವ ಬಗ್ಗೆ ತೀರ್ಮಾನಿಸಿತ್ತು.

ಸ್ವತಃ ಮ್ಯೂಸಿಯಂ ಮಾಡುವಂತೆ ಇತ್ತೀಚೆಗೆ ನಿಧನರಾದ ರಿಷಿ ಕಪೂರ್​ ಪಾಕಿಸ್ತಾನದ ವಿದೇಶಾಂಗ ಸಚಿವರ ಬಳಿ ಕೋರಿದ್ದರು. ಅದರಂತೆ ಪಾಕ್​ ಸರ್ಕಾರವೂ ಪಾರಂಪರಿಕ ಕಟ್ಟಡ ಸ್ಥಾನಮಾನ ನೀಡಿ ಅದನ್ನು ರಕ್ಷಿಸುವ ಭರವಸೆ ನೀಡಿತ್ತು. ಇದೀಗ ಕಟ್ಟಡ ಮಾಲೀಕ ಮತ್ತೆ ತಗಾದೆ ತೆಗೆದಿದ್ದು, ಕಟ್ಟಡ ನೆಲಸಮಕ್ಕೆ ಮುಂದಾಗಿದ್ದಾರೆ.

ಇದನ್ನೂ ಓದಿ: Video: ಮಾವನ ಜತೆ ಸೇರಿ ಗಿಡ ನೆಟ್ಟ ಸಮಂತಾ …

ಹೀಗಿರುವಾಗಲೇ ಇದೇ ಪುರಾತನ ಬಂಗಲೆಯಲ್ಲಿ ಭೂತ ಪ್ರೇತ ಇದೆ ಎಂದು ಸ್ಥಳೀಯರು ಆರೋಪಿಸುತ್ತಿದ್ದು, ಜತೆಗೆ ಕಟ್ಟಡದ ಸ್ಥಿತಿಯೂ ಹಾಳಾಗಿದೆ. ಮಳೆ ಗಾಳಿಗೆ ಬೀಳುವ ಸಾಧ್ಯತೆಗಳಿವೆ. ಆದಷ್ಟು ಬೇಗ ತೆರವುಗೊಳಿಸಿ ಎಂದು ಕೋರಿದ್ದಾರೆ.

ಪೇಶಾವರದ ಬಂಗಾರದ ಅಂಗಡಿ ಮಾಲೀಕ ಹಜಿ ಮಹಮ್ಮದ್​ ಇಸ್ರಾರ್​ ಬಂಗಲೆಯನ್ನು ಹಲವು ವರ್ಷಗಳ ಹಿಂದೆಯೇ ಖರೀದಿಸಿದ್ದರು. ಮೂರ್ನಾಲ್ಕು ಬಾರಿ ಡೆಮಾಲಿಷನ್​ಗೂ ಮುಂದಾಗಿದ್ದರು. ಆಗ ಸ್ಥಳೀಯ ಪ್ರಾಚ್ಯವಸ್ತು ಇಲಾಖೆ ಪೊಲೀಸ್​ಗೆ ದೂರು ನೀಡಿ ಅದನ್ನು ತಡೆದಿತ್ತು. ಇದೀಗ ಮತ್ತೆ ಡೆಮಾಲಿಷನ್ ವಿಚಾರ ಭುಗಿಲೆದ್ದಿದೆ. (ಏಜೆನ್ಸೀಸ್​)

https://www.vijayavani.net/samyukta-hegde-different-birthday-wish-to-shivarajkumar/