ಇದೀಗ ‘ಕಾಂತಾರ’ ಚಿತ್ರಕ್ಕೆ ಪ್ರೇಕ್ಷಕರು ಅತೀ ಹೆಚ್ಚು ರೇಟಿಂಗ್ ಕೊಟ್ಟಿದ್ದು, ಭಾರತದ ಟಾಪ್ 250 ಜನ ಮೆಚ್ಚಿದ ಚಿತ್ರಗಳ ಸ್ಥಾನದಲ್ಲಿ ಮೊದಲ ಸ್ಥಾನವನ್ನು ಪಡೆದಿದೆ. ಹೌದು, ಭಾರತದ 250 ಜನ ಮೆಚ್ಚಿದ ಚಿತ್ರಗಳ ಪೈಕಿ, ಕನ್ನಡದ 9 ಚಿತ್ರಗಳು ಮಾತ್ರ ಇದ್ದು, ಈ ಪೈಕಿ ‘ಕಾಂತಾರ’ ಮೊದಲ ಸ್ಥಾನದಲ್ಲಿದೆ. ಮಿಕ್ಕಂತೆ ‘777 ಚಾರ್ಲಿ’, ‘ಲೂಸಿಯಾ’, ‘ಕೆಜಿಎಫ್ 1’, ‘ಕೆಜಿಎಫ್ 2’, ‘ಉಳಿದವರು ಕಂಡಂತೆ’, ‘ಕಿರಿಕ್ ಪಾರ್ಟಿ’, ‘ದಿಯಾ’ ಮತ್ತು ‘ರಂಗಿತರಂಗ’ ಚಿತ್ರಗಳಿವೆ. ಈ ಪೈಕಿ ಟಾಪ್ 10 ಪಟ್ಟಿಯಲ್ಲಿ ‘ಕಾಂತಾರ’ ಬಿಟ್ಟರೆ, ಏಳನೇ ಸ್ಥಾನದಲ್ಲಿ ‘777 ಚಾರ್ಲಿ’ ಇರುವುದು ವಿಶೇಷ. 31 ಸಾವಿರಕ್ಕೂ ಹೆಚ್ಚು ಜನ ಓಟಿಂಗ್ ಮಾಡಿದ್ದು, 10ಕ್ಕೆ ‘ಕಾಂತಾರ’ ಚಿತ್ರವು 9.4 ಅಂಕಗಳನ್ನು ಪಡೆದಿದೆ. ಶೇ. 89ರಷ್ಟು ಜನ 10ಕ್ಕೆ 10 ಅಂಕಗಳನ್ನು ನೀಡುವ ಮೂಲಕ ಮೊದಲ ಸ್ಥಾನಕ್ಕೆ ತಲುಪಿಸಿದ್ದಾರೆ.
