ರುಕ್ಮಿಣಿ ವಸಂತ್ ತೆರೆಯ ಮೇಲಿನ ನಾಯಕಿಯಾಗಿದ್ದರೆ, ಆಕೆಯ ತಂದೆ ಕರ್ನಲ್ ವಸಂತ್ ವೇಣುಗೋಪಾಲ್ ನಿಜ ನಿಜ ಜೀವನದ ಹೀರೋ ಆಗಿದ್ದವರು. 2007ರ ಜುಲೈ 31ರಂದು ಜಮ್ಮು ಕಾಶ್ಮೀರದ ಉರಿಯಲ್ಲಿ ಭಯೋತ್ಪಾದಕರ ವಿರುದ್ಧ ಹೋರಾಡುತ್ತಾ, ವೀರಮರಣವನ್ನಪ್ಪಿದವರು. ಅಶೋಕ ಚಕ್ರ ಪಡೆದ ಕರ್ನಾಟಕದ ಮೊದಲ ವ್ಯಕ್ತಿಯೂ ಹೌದು. ಅವರ ಕಾಲಾನಂತರ ರುಕ್ಮಿಣಿ ವಸಂತ್ ತಾಯಿ ಸುಭಾಷಿಣಿ ವಸಂತ್, "ವೀರರತ್ನ ೌಂಡೇಷನ್' ಮೂಲಕ ಹುತಾತ್ಮ ಸೈನಿಕರ ಪತ್ನಿಯರು ಮತ್ತು ಮಕ್ಕಳಿಗಾಗಿ ಕೆಲಸ ಮಾಡುತ್ತಿದ್ದಾರೆ. "ಅಪ್ಪ ವಿಧಿವಶರಾದಾಗ ನನಗೆ ಕೇವಲ 11 ವರ್ಷ. ಚಿಕ್ಕವಳಾಗಿದ್ದ ಕಾರಣ ಅವರ ಬಗ್ಗೆ ನನಗೆ ಹೆಚ್ಚು ನೆನಪುಗಳಿಲ್ಲ. ಅಪ್ಪ ಶ್ರಮಜೀವಿ. ಯಾವಾಗ ಕರೆದರೂ ಗಡಿಗೆ ಹೋಗಲು ರೆಡಿಯಾಗಿರಬೇಕು ಅನ್ನುತ್ತಿದ್ದರು. ಚಿತ್ರರಂಗಕ್ಕೂ, ಸೈನ್ಯಕ್ಕೂ ಹೋಲಿಕೆ ಮಾಡಲಾಗುವುದಿಲ್ಲ. ಆದರೆ, ಅಪ್ಪನಿಗೆ ಅವರ ಕೆಲಸದ ಮೇಲಿದ್ದ ಡೆಡಿಕೇಷನ್, ಶ್ರದ್ಧೆಯನ್ನು ನಾನೂ ನನ್ನ ಕೆಲಸದಲ್ಲಿ ಅಳವಡಿಸಿಕೊಳ್ಳಲು ಯತ್ನಿಸುತ್ತೇನೆ. ವೀರರತ್ನ ೌಂಡೇಷನ್ಅನ್ನು ಅಮ್ಮ ನೋಡಿಕೊಳ್ಳುತ್ತಾರೆ. 1947ರಿಂದ ಇಲ್ಲಿಯವರೆಗೆ ವಿಧಿವಶರಾದ ಸೈನಿಕರ ಕುಟುಂಬದ ಡೇಟಾಬೇಸ್ ಅದರಲ್ಲಿದೆ. ದೇಶಸೇವೆಗೆ ಹೋದ ಸೈನಿಕ ವೀರಮರಣ ಅಪ್ಪಿದರೆ, ಅವರ ಕುಟುಂಬ ಏಕಾಂಗಿಯಾಗಿಬಿಡುತ್ತದೆ. ಆ ಅನುಭವದಿಂದ ಅವರನ್ನು ಹೊರತರಬೇಕು. ವೀರರತ್ನ ೌಂಡೇಷನ್ ಆ ನಿಟ್ಟಿನಲ್ಲಿ ಕೆಲಸ ಮಾಡುತ್ತಿದೆ' ಎಂದು ಮಾಹಿತಿ ನೀಡುತ್ತಾರೆ.
