"ಎಲ್ರ ಕಾಳೆಯುವ..' "ಸೂತ್ರಧಾರಿ'
ಕಳೆದ ಒಂದು ವರ್ಷದಿಂದ ಹೀಗೆ ನಾಲ್ಕು ಚಿತ್ರಗಳಲ್ಲಿ ಬಿಜಿಯಾಗಿರುವ ಚಂದನ್, ಬ್ಯಾಕ್ ಟು ಬ್ಯಾಕ್ ಶೂಟಿಂಗ್ನಲ್ಲಿ ತೊಡಗಿದ್ದಾರೆ. "ಮೊದಲು ಸುಜಯ್ ಶಾಸ್ತ್ರಿ "ಎಲ್ರ ಕಾಲೆಳೆಯುತ್ತೆ ಕಾಲ' ಶೂಟಿಂಗ್ ಪ್ರಾರಂಭವಾಯಿತು. 1980ರ ಕಾಲಟ್ಟದ ಕಥೆ. ಆಗಿನ ಕಾಲದ ಮಾತಿನ ಶೈಲಿ ವಿಭಿನ್ನವಾಗಿತ್ತು. ಹಾಗೇ ಮೈಕೈ ತುಂಬಿಕೊಂಡು ಗುಂಡಗೆ ಕಾಣಬೇಕಿದ್ದ ಕಾರಣ, ಪಾತ್ರಕ್ಕಾಗಿ ತೂಕ ಹೆಚ್ಚಿಸಿಕೊಂಡೆ. ಅದಾಗುತ್ತಲೇ "ಸೂತ್ರಧಾರಿ'ಯಲ್ಲಿ ಪೊಲೀಸ್ ಅಧಿಕಾರಿ ಪಾತ್ರ ಬಂತು. ಆಗ ತೂಕ ಇಳಿಸಿಕೊಂಡು ಫಿಟ್ಆಗಿ ಕಾಣಬೇಕಿತ್ತು. ತೂಕ ಇಳಿಸುವುದು ತುಂಬ ಕಷ್ಟವಾಗಿತ್ತು. ಆದರೂ ಮೂರ್ನಾಲ್ಕು ತಿಂಗಳು ಡಯಟ್, ವರ್ಕೌಟ್ ಮಾಡಿ 14 ಕೆಜಿ ತೂಕ ಇಳಿಸಿಕೊಂಡೆ' ಎಂದು ಹೇಳಿಕೊಳ್ಳುತ್ತಾರೆ ಚಂದನ್. ಇನ್ನು ಅರುಣ್ ಅಮುಕ್ತ ನಿರ್ದೇಶಿಸುತ್ತಿರುವ "ವಿದ್ಯಾರ್ಥಿ ವಿದ್ಯಾರ್ಥಿನಿಯರೇ' ಚಿತ್ರದಲ್ಲಿ ಅವರು ಮೂರು ಶೇಡ್ಗಳಲ್ಲಿ ಕಾಣಿಸಿಕೊಳ್ಳಲಿದ್ದು, "ಈಗಲೇ ಲುಕ್ಗಳ ಬಗ್ಗೆ ಏನೂ ರಿವೀಲ್ ಮಾಡುವಂತಿಲ್ಲ' ಎನ್ನುತ್ತಾರೆ.
