ಕಾಲಿವುಡ್​ನಲ್ಲಿ ಮೇಘಾ ಮಳೆ; ಕನ್ನಡದ "ಜೊತೆ ಜೊತೆಯಲಿ' ತಮಿಳಿಗೂ ಎಂಟ್ರಿ ಕೊಟ್ಟ ಮೇಘಾ ಶೆಟ್ಟಿ

ವಿಜಯವಾಣಿ ಸುದ್ದಿಜಾಲ ಬೆಂಗಳೂರು

"ಜೊತೆ ಜೊತೆಯಲಿ' ಧಾರಾವಾಹಿ ಮೂಲಕ ಬಣ್ಣದ ಲೋಕಕ್ಕೆ ಪದಾರ್ಪಣೆ ಮಾಡಿದ ಮೇಘಾ ಶೆಟ್ಟಿ, ನಂತರ "ತ್ರಿಬಲ್​ ರೈಡಿಂಗ್​' ಸಿನಿಮಾದಲ್ಲಿ ಮೊದಲ ಬಾರಿಗೆ ಹಿರಿತೆರೆಗೆ ಎಂಟ್ರಿ ಕೊಟ್ಟರು. ಬಳಿಕ ಸಿನಿಮಾಗಳಲ್ಲೇ ಹೆಚ್ಚು ಬಿಜಿಯಾದ ಅವರು "ದಿಲ್​ ಪಸಂದ್​' ಮತ್ತು "ಕೈವ' ಚಿತ್ರಗಳಲ್ಲಿ ಮಿಂಚಿದ್ದಾರೆ. ಇದೀಗ ಕನ್ನಡದಲ್ಲಿ "ಆಫ್ಟರ್​ ಆಪರೇಷನ್​ ಲಂಡನ್​ ಕೆಫೆ', "ಗ್ರಾಮಾಯಣ' ಮತ್ತು "ಚೀತಾ'ಗಳಲ್ಲಿ ನಟಿಸುತ್ತಿರುವ ಮೇಘಾ, ಅದರ ನಡುವೆಯೇ ತಮಿಳಿಗೆ ಡೆಬ್ಯೂ ಮಾಡಿದ್ದಾರೆ.

ಚಿತ್ರದ ಹೆಸರು "ಕಾಳೈಯಾ'. ಈ ಚಿತ್ರಕ್ಕೆ ಎಂ. ಗುರು ಆ್ಯಕ್ಷನ್​ -ಕಟ್​ ಹೇಳುತ್ತಿದ್ದು, ಸೋಮವಾರ ಚೆನ್ನೈನಲ್ಲಿ ಮುಹೂರ್ತ ನೆರವೇರಿದೆ. ವಿಶೇಷ ಅಂದರೆ ಈ ಚಿತ್ರದಲ್ಲಿ ಮೇಘಾ ಕಾಲಿವುಡ್​ನ ಶಶಿಕುಮಾರ್​, ಭರತ್​ ಮತ್ತು ಸತ್ಯರಾಜ್​ರಂತಹ ದಿಗ್ಗಜ ನಟರೊಂದಿಗೆ ತೆರೆ ಹಂಚಿಕೊಳ್ಳಲಿದ್ದಾರೆ.

"ನನ್ನ ಹಿಂದಿನ ಕೆಲಸ ನೋಡಿ, ಈ ಸಿನಿಮಾದಲ್ಲಿ ನಟಿಸಲು ಅವಕಾಶ ನೀಡಿದರು. ಸ್ಕ್ರಿಪ್ಟ್​ ಡಿಸ್ಕಷನ್​ ಮಾಡಿದೆವು. ಶೂಟಿಂಗ್​ಗೂ 15 ದಿನ ಮುನ್ನ ಸ್ಕ್ರಿಪ್ಟ್​ ಕೂಡ ಕಳುಹಿಸಿಕೊಟ್ಟಿದ್ದರು. ಇದೊಂದು ಹಳ್ಳಿ ಹಿನ್ನೆಲೆಯಲ್ಲಿ ನಡೆಯುವ ್ಯಾಮಿಲಿ ಡ್ರಾಮಾ. ಮಂಗಳವಾರದಿಂದ ಚಿತ್ರದ ಮೊದಲ ಹಂತದ ಶೂಟಿಂಗ್​ ಪ್ರಾರಂಭವಾಗಿದೆ. ನಾನಿಲ್ಲಿ ಹಳ್ಳಿ ಹುಡುಗಿ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದೇನೆ. ಈಗಲೇ ಪಾತ್ರದ ಬಗ್ಗೆ ಹೆಚ್ಚೇನೂ ಹೇಳುವಂತಿಲ್ಲ. ತಮಿಳು, ತೆಲುಗು ಮಾತನಾಡುತ್ತೇನೆ. ಮಲಯಾಳಂ ಕೂಡ ಸ್ವಲ್ಪ ಗೊತ್ತು. ನಾನೇ ನನ್ನ ಪಾತ್ರಕ್ಕೆ ಡಬ್​ ಮಾಡಬೇಕು ಅಂತ ಅಂದುಕೊಂಡಿದ್ದೇನೆ' ಎಂದು ಚಿತ್ರದ ಬಗ್ಗೆ ಹೇಳಿಕೊಳ್ಳುತ್ತಾರೆ ಮೇಘಾ ಶೆಟ್ಟಿ.

ಮೂರು ರೆಡಿ, ಮೂರು ಬಾಕಿ...

ಸಡಗರ ರಾವೇಂದ್ರ ನಿರ್ದೇಶಿಸುತ್ತಿರುವ "ಆ್ಟರ್​ ಆಪರೇಷನ್​ ಲಂಡನ್​ ಕೆೆ' ಚಿತ್ರದಲ್ಲಿ ಮೇಘಾ, ಕವೀಶ್​ ಶೆಟ್ಟಿಗೆ ನಾಯಕಿಯಾಗಿದ್ದು, ಚಿತ್ರ ತೆರೆಗೆ ಬರಲು ರೆಡಿಯಿದೆ. "ವಿನಯ್​ ರಾಜಕುಮಾರ್​ ಅವರ ಜತೆ "ಗ್ರಾಮಾಯಣ' ಚಿತ್ರದಲ್ಲಿ ನಟಿಸುತ್ತಿದ್ದೇನೆ. ಅದು ಸುಮಾರು 25ರಿಂದ 30 ದಿನಗಳ ಕಾಲ ಚಿತ್ರೀಕರಣ ಬಾಕಿಯಿದೆ. ಇನ್ನು ಪ್ರಜ್ವಲ್​ ದೇವರಾಜ್​ ಅವರ ಜತೆ "ಚೀತಾ' ಸಿನಿಮಾದಲ್ಲಿ ನಟಿಸುತ್ತಿದ್ದೇನೆ. ಒಂದು ಹಾಡು ಮತ್ತು ಕೆಲ ಪ್ಯಾಚ್​ ವರ್ಕ್​ ಬಾಕಿಯಿದೆ. ಜತೆಗೆ ಇನ್ನೂ ಮೂರು ಕಥೆ ಕೇಳಿದ್ದೇನೆ. ಇನ್ನೆರಡು ತಿಂಗಳಲ್ಲಿ ಅದರಲ್ಲಿ ಒಂದು ಸಿನಿಮಾ ಅನೌನ್ಸ್​ ಆಗಲಿದೆ' ಎಂದು ಮಾಹಿತಿ ನೀಡುತ್ತಾರೆ.