ಬಾಲಿವುಡ್​ಗೆ ಹೊರಟ ತನುಷ್​; ಕೊನೆಯ ಹಂತದ ಮಾತುಕತೆಯಲ್ಲಿ "ಮಿ. ನಟ್ವರ್​ಲಾಲ್​'

ವಿಜಯವಾಣಿ ಸುದ್ದಿಜಾಲ ಬೆಂಗಳೂರು:

ಪ್ಯಾನ್​ ಇಂಡಿಯಾ ಪರಿಕಲ್ಪನೆ ಪಾರಮ್ಯದ ನಡುವೆ ಬಾಲಿವುಡ್​ ಕಂಟೆಂಟ್​ ಮತ್ತು ಪ್ರತಿಭೆಗಳಿಗಾಗಿ ದಣ ಭಾರತದ ಚಿತ್ರರಂಗಗಳತ್ತ ಮುಖ ಮಾಡಿದೆ. ಈಗಾಗಲೇ ರಶ್ಮಿಕಾ ಮಂದಣ್ಣ ಬಿಟೌನ್​ನಲ್ಲಿ ಸೆಟಲ್​ ಆಗಿದ್ದಾರೆ. ಹಾಗೇ ಎ. ಹರ್ಷ ಮತ್ತು ಪವನ್​ ಒಡೆಯರ್​ ಅವರಂತಹ ಕನ್ನಡ ನಿರ್ದೇಶಕರು ಹಿಂದಿ ಸಿನಿಮಾ ನಿರ್ದೇಶಿಸುತ್ತಿದ್ದಾರೆ. ಇನ್ನು ಪ್ರಕಾಶ್​ ಬೆಳವಾಡಿ, ಪ್ರಕಾಶ್​ ರಾಜ್​, ಯಶ್​ ಶೆಟ್ಟಿ, ಬಾಲಾಜಿ ಮನೋಹರ್​ ಸೇರಿ ಹಲವು ಕನ್ನಡದ ಕಲಾವಿದರು ಹಿಂದಿ ಸಿನಿಮಾಗಳಲ್ಲಿ ಪೋಷಕ ಪಾತ್ರಗಳಲ್ಲಿ ಮಿಂಚುತ್ತಿದ್ದಾರೆ. ಇದೀಗ ಕನ್ನಡದ ನಾಯಕ ನಟನೊಬ್ಬ, ಬಾಲಿವುಡ್​ನಲ್ಲಿ ಹೀರೋ ಆಗಿ ಡೆಬ್ಯೂ ಮಾಡಲು ರೆಡಿಯಾಗಿದ್ದಾರೆ.

ಹೌದು, "ಅಲೆ', "ನಂಜುಂಡಿ ಕಲ್ಯಾಣ', "ಮಡಮಕ್ಕಿ' ಸೇರಿ ಕಳೆದ ವರ್ಷ ತೆರೆಗೆ ಬಂದ "ಮಿ. ನಟ್ವರ್​ಲಾಲ್​' ಚಿತ್ರಗಳಲ್ಲಿ ನಾಯಕನಾಗಿ ನಟಿಸಿರುವ ತನುಷ್​ ಶಿವಣ್ಣ ಇದೀಗ ಬಾಲಿವುಡ್​ಗೆ ಎಂಟ್ರಿ ಕೊಡಲು ಸಿದ್ಧತೆ ನಡೆಸಿದ್ದಾರೆ. ಈ ಬಗ್ಗೆ ಹಿಂದಿ ಸಿನಿಮಾ ನಿರ್ಮಾಪಕ ನಿತಿನ್​ ಆಹಿರ್​, ಜಾಲತಾಣದಲ್ಲಿ ತನುಷ್​ ಜತೆಗಿನ ಫೋಟೋ ಹಂಚಿಕೊಂಡು, "ವೆಲ್ಕಮ್​ ಟು ಬಾಲಿವುಡ್​ ಬ್ರದರ್​' ಎಂದು ಪೋಸ್ಟ್​ ಮಾಡಿದ್ದರು. ಈ ಕುರಿತು ತನುಷ್​, "ನಾನು ಓದಿದ್ದು ಮುಂಬೈನಲ್ಲಾದ ಕಾರಣ, ಮೊದಲಿನಿಂದಲೂ ಬಾಲಿವುಡ್​ನ ಹಲವರು ಪರಿಚಯವಿದ್ದರು. "ಮಿ. ನಟ್ವರ್​ಲಾಲ್​' ಚಿತ್ರವನ್ನು ನೋಡಿ ಮೆಚ್ಚಿಕೊಂಡಿದ್ದ ಅಲ್ಲಿನ ಗೆಳೆಯರು, ಬಾಲಿವುಡ್​ನಲ್ಲಿ ನಟಿಸುವಂತೆ ಹೇಳುತ್ತಿದ್ದರು. ಒಂದು ತಂಡದ ಜತೆ ಕಳೆದ ಮೂರು ತಿಂಗಳಿನಿಂದ ಚರ್ಚಿಸುತ್ತಿದ್ದೇನೆ. ಒನ್​ ಲೈನ್​ ಕಥೆ ಹೇಳಿದ್ದಾರೆ. ನಾಯಕ ಮತ್ತು ನಾಯಕಿ ಇಬ್ಬರೂ ದಣ ಭಾರತದವರೇ ಆಗಿರಲಿದ್ದಾರೆ. ಕೊನೆಯ ಹಂತದ ಮಾತುಕತೆ ಬಾಕಿಯಿದೆ' ಎಂದು ಮಾಹಿತಿ ನೀಡುತ್ತಾರೆ.

ಇದೇ ವರ್ಷ ಬಾಸ್​

ತನುಷ್​ ಶಿವಣ್ಣ ಸದ್ಯ ಕನ್ನಡದಲ್ಲಿ "ಬಾಸ್​' ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ""ಬಾಸ್​' ಶೂಟಿಂಗ್​ ಅರ್ಧದಷ್ಟು ಮುಗಿದಿದ್ದು, ಹಗಲು&ರಾತ್ರಿ ಎನ್ನದೇ ಚಿತ್ರೀಕರಣ ನಡೆಸುತ್ತಿದ್ದೇವೆ. ಜುಲೈನಲ್ಲಿ ಸಿನಿಮಾ ರಿಲೀಸ್​ ಮಾಡಲು ಪ್ಲ್ಯಾನ್​ ಇದೆ. 2011ರಲ್ಲಿ ದರ್ಶನ್​ ಸರ್​ ನಟಿಸಿದ್ದ "ಬಾಸ್​' ಚಿತ್ರ ಬಿಡುಗಡೆಯಾಗಿತ್ತು. ಆದರೆ, ನಮ್ಮ ಚಿತ್ರಕ್ಕೂ ಅದಕ್ಕೂ ಸಂಬಂಧವಿಲ್ಲ. ಕಥೆಯಲ್ಲಿ ನಾಯಕನನ್ನು ಎಲ್ಲರೂ ಬಾಸ್​ ಎಂದು ಕರೆಯುತ್ತಿರುತ್ತಾರೆ. ಹೀಗಾಗಿ ಅದನ್ನೇ ಶೀರ್ಷಿಕೆ ಮಾಡಿಕೊಂಡಿದ್ದೇವೆ' ಎಂದು ಹೇಳಿಕೊಳ್ಳುತ್ತಾರೆ ತನುಷ್​.