ಕಂಗನಾ ಕೈಯಲ್ಲಿರುವ ಬ್ಯಾಗ್​ ಬೆಲೆ ಎಷ್ಟು ಹೇಳಿ ನೋಡೋಣ?

ಸ್ಟೈಲ್​ ಮತ್ತು ಖರ್ಚಿನ ವಿಷಯದಲ್ಲಿ ಬಾಲಿವುಡ್​ ನಟಿಯರು ಯಾವತ್ತೂ ಮುಂದು. ಅವರು ತಮ್ಮ ಕಾಸ್ಟ್ಯೂಮ್​ಗಳಿಗೆ, ವ್ಯಾನಿಟಿ ಬ್ಯಾಗ್​ಗಳಿಗೆ ಮತ್ತು ಎಲ್ಲಕ್ಕಿಂತ ಹೆಚ್ಚಾಗಿ ಶೂಗಳಿಗೆ ವಿಪರೀತ ಎನ್ನುವಷ್ಟು ಖರ್ಚು ಮಾಡುತ್ತಾರೆ ಎನ್ನುವುದು ಗೊತ್ತಿಲ್ಲದಿರುವ ವಿಚಾರವೇನಲ್ಲ.

ಇದನ್ನೂ ಓದಿ: ಸುಶಾಂತ್​ ಆತ್ಮಹತ್ಯೆ ಪ್ರಕರಣ: ಸೋಮವಾರ ಮಹೇಶ್​ ಭಟ್​ ವಿಚಾರಣೆ

ಇದಕ್ಕೆ ಕಂಗನಾ ಸಹ ಹೊರತಲ್ಲ. ಸಮಾರಂಭಕ್ಕೆ ತಕ್ಕಂತೆ ಕಾಸ್ಟ್ಯೂಮ್​ಗಳನ್ನು ತೊಡುವ ಕಂಗನಾ, ಅದಕ್ಕೆಂದೇ ಸಾಕಷ್ಟು ಖರ್ಚು ಮಾಡುತ್ತಾರೆ ಎಂದು ಹೇಳಲಾಗುತ್ತದೆ. ಇನ್ನು ಅವರ ಮೇಕಪ್​, ಹ್ಯಾಂಡ್​ಬ್ಯಾಗ್​ಗಳಿಗೂ ಸಾಕಷ್ಟು ಖರ್ಚಾಗುತ್ತದಂತೆ.

ಅದರಲ್ಲೂ ಹ್ಯಾಂಡ್​ಬ್ಯಾಗ್​ಗಳ ಬಗ್ಗೆ ಕಂಗನಾಗೆ ಸ್ವಲ್ಪ ಜಾಸ್ತಿಯೇ ಆಸೆ ಎಂದು ಹೇಳಲಾಗುತ್ತದೆ. ದೊಡ್ಡ ಕಲೆಕ್ಷನ್​ ಇಟ್ಟಿರುವ ಅವರು, ಅಂತಾರಾಷ್ಟ್ರೀಯ ಖ್ಯಾತಿಯ ಹಲವು ಬ್ರಾಂಡ್​ನ ಹ್ಯಾಂಡ್​ ಬ್ಯಾಗ್​ಗಳನ್ನು ಖರೀದಿಸಿ ಇಟ್ಟುಕೊಳ್ಳುತ್ತಾರೆ ಎಂದು ಹೇಳಲಾಗುತ್ತದೆ. ಹರ್ಮ್ಸ್​ ಬರ್ಕಿನ್​, ಡಿಯಾರ್​, ಪ್ರಾಡಾ ಮುಂತಾದ ಜನಪ್ರಿಯ ಬ್ರಾಂಡ್​ಗಳ ಬ್ಯಾಗ್​ ಖರೀದಿಸುವ ಅವರು, ಅದಕ್ಕೆ ಲಕ್ಷಾಂತರ ಖರ್ಚು ಮಾಡುತ್ತಾರಂತೆ.

ಉದಾಹರಣೆಗೆ, ಈ ಫೋಟೋದಲ್ಲಿರುವ ಕಂಗನಾ ಅವರ ಹ್ಯಾಂಡ್​ಬ್ಯಾಗ್​ ನೋಡಿ ಅದರ ಬೆಲೆ ಇಷ್ಟು ಎಂದು ಹೇಳಬಲ್ಲಿರಾ? ನಿಜಕ್ಕೂ ಅದರ ಬೆಲೆ ಕೇಳಿದರೆ ಆಶ್ಚರ್ಯವಾಗುತ್ತದೆ. ಅದರ ಬಲೆ 4900 ಡಾಲರ್​ಗಳಂತೆ. ರೂಪಾಯಿಗಳ ಲೆಕ್ಕದಲ್ಲಿ 3 ಲಕ್ಷದ 70 ಸಾವಿರದಷ್ಟಾಗುತ್ತದೆ ಎಂದು ರಫ್​ ಆಗಿ ಹೇಳಬಹುದು.

ಇದನ್ನೂ ಓದಿ: ಕಾರ್ಗಿಲ್ ಕಲಿಗಳಿಗೆ ಇನ್​ಸ್ಟಾಗ್ರಾಮ್​​ನಲ್ಲಿ ಗೌರವ ಸಲ್ಲಿಸಿದ ಬಾಲಿವುಡ್ ಬೆಡಗಿ ಅನುಷ್ಕಾ

ಇಷ್ಟು ದುಡ್ಡಿನಲ್ಲಿ ಒಂದು ಸಣ್ಣ ಕಾರು ಕೊಂಡುಕೊಳ್ಳಬಹುದು. ಇನ್ನೂ ಸ್ವಲ್ಪ ದುಡ್ಡು ಸೇರಿಸಿದರೆ, ಒಂದು ಸೈಟು ಖರೀದಿಸಬಹುದು. ಇಷ್ಟು ಖರ್ಚು ಮಾಡಿ, ಒಂದು ಸಣ್ಣ ಬ್ಯಾಗ್​ ಕೊಳ್ಳಬೇಕಾ ಎಂಬ ಪ್ರಶ್ನೆ ಬರುವುದು ಸಹಜ. ಆದರೆ, ಕಂಗನಾಗೆ ಹ್ಯಾಂಡ್​ ಬ್ಯಾಗ್​ಗಳನ್ನು ಖರೀದಿಸುವುದು ಬಹಳ ಇಷ್ಟವಂತೆ. ಹಾಗಾಗಿಯೇ ಲಕ್ಷವಾದರೂ ಪರವಾಗಿಲ್ಲ ಎಂದು ಅವರು ಅಷ್ಟು ಕಾಸ್ಟ್ಲಿ ಬ್ಯಾಗ್​ಗಳನ್ನು ಖರೀದಿಸುತ್ತಾರೆ ಎಂಬುದು ವಿಶೇಷ.

https://www.vijayavani.net/you-are-not-a-b-grade-actress/