ಯುವರತ್ನಕ್ಕಾಗಿ ಮರಳಿದ ಜಾನಿ

ಬೆಂಗಳೂರು: ದಕ್ಷಿಣ ಭಾರತದ ಖ್ಯಾತ ನೃತ್ಯ ನಿರ್ದೇಶಕ ಜಾನಿ ಮಾಸ್ಟರ್ ಮತ್ತೆ ಸ್ಯಾಂಡಲ್​ವುಡ್​ಗೆ ಬಂದಿದ್ದಾರೆ. ಈ ಹಿಂದೆ ಪುನೀತ್ ರಾಜ್​ಕುಮಾರ್ ನಟನೆಯ ‘ರಾಜಕುಮಾರ’ ಸಿನಿಮಾದಲ್ಲಿ ‘ಅಪು್ಪ ಡಾನ್ಸ್ ಡಾನ್ಸ್’ ಹಾಡಿಗೆ ಕೊರಿಯೋಗ್ರಫಿ ಮಾಡಿದ್ದರು. ಈಗ ಮತ್ತೆ ಪುನೀತ್ ಅವರ ‘ಯುವರತ್ನ’ಕ್ಕೆ ನೃತ್ಯ ನಿರ್ದೇಶನ ಮಾಡಲು ಬಂದಿದ್ದಾರೆ.

‘ಯುವರತ್ನ’ ಸಿನಿಮಾ ಪುನೀತ್ ಮತ್ತು ಸಂತೋಷ್ ಆನಂದ್​ರಾಮ್ ಅವರ ಎರಡನೇ ಕಾಂಬಿನೇಷನ್​ನ ಸಿನಿಮಾ. ಸಾಯೇಶಾ ಸೈಗಲ್ ನಾಯಕಿಯಾಗಿರುವ ಈ ಚಿತ್ರ ಈಗಾಗಲೇ ಕೊನೆಯ ಹಂತದ ಚಿತ್ರೀಕರಣದಲ್ಲಿದೆ.

‘ಅಪು್ಪ ಡಾನ್ಸ್’ ಎಂದು ಕುಣಿಸಿದ್ದ, ಜಾನಿ ಮಾಸ್ಟರ್​ಗೆ ಈ ಬಾರಿ ‘ಊರಿಗೊಬ್ಬ ರಾಜ’ ಸಾಹಿತ್ಯವುಳ್ಳ ಹಾಡನ್ನು ನೀಡಿದ್ದಾರೆ ಸಂತೋಷ್. ಆ ಹಾಡಿಗೆ ಎಸ್.ಎಸ್. ತಮನ್ ಸಂಗೀತ ನೀಡಿದ್ದಾರೆ. ಡಾಲಿ ಧನಂಜಯ, ದಿಗಂತ್, ಪ್ರಕಾಶ್ ರಾಜ್, ಸೋನು ಗೌಡ ಸೇರಿ ದೊಡ್ಡ ತಾರಾಗಣವೇ ಈ ಚಿತ್ರದಲ್ಲಿದೆ.