ಆವೇಶಂ, ಸೀನ್​, ರೋಮಾಂಚಂ ಸೀಕ್ವೆಲ್​​​ ಇದ್ಯಾ?; ಡೈರೆಕ್ಟರ್​ ಜಿತು ಮಾಧವನ್ ಸ್ಪಷ್ಟನೆ ಕೊಟ್ಟಿದ್ದು ಹೀಗೆ..Jithu Madhavan

• ಸೀನ್’ ಅಥವಾ ‘ಆವೇಶಮ್’ ಪಾರ್ಟ್​ 2 ತರುವ ಆಲೋಚನೆ ಇಲ್ಲ ಎಂದ ನಿರ್ದೇಶಕ ಜಿತು ಮಾಧವನ್.

• ರೋಮಾಚಂ 2 ಬರಲಿದೆ ಎಂದು ಸ್ಪಷ್ಟನೆ ಕೊಟ್ಟ ನಿರ್ದೇಶಕ.

• ಕುತೂಹಲ ಉಳಿದಿರಲಿ ಎಂದು ಸೀನ್, ಆವೇಶಂನಲ್ಲಿ ಕತೆಯನ್ನು ಪೂರ್ತಿ ಪೂರ್ಣಗೊಳಿಸದಂತೆ ಮಾಡಲಾಗಿತ್ತು ಎಂದು ಸ್ಪಷ್ಟನೆ.

Jithu Madhavan: ಈಗ ಭಾರತೀಯ ಸಿನಿಮಾ ರಂಗದಲ್ಲಿ ಸೀಕ್ವೆಲ್‌ಗಳ ಹವಾ ಜೋರಾಗಿದೆ. ಕಾಕ್ಟೇಲ್ 2, ಜೈಲರ್ 2, ಲವ್ ಮಾಕ್ಟೇಲ್ 3 ಹೀಗೆ ಸಾಕಷ್ಟು ಸಿನಿಮಾಗಳ ಮುಂದುವರೆದ ಭಾಗಗಳು ಬರುತ್ತಿವೆ. ಅದರಂತೆ ಆವೇಶಂ ಮತ್ತು ಸೀನ್ ಸಿನಿಮಾದ ಸೀಕ್ವೆಲ್ ಮಾಡುವ ಪ್ಲ್ಯಾನ್ ಇದೆಯಾ ಎನ್ನುವ ಸಾವಿರ ಪ್ರಶ್ನೆಗೆ ನಿರ್ದೇಶಕ ಜಿತು ಮಾಧವನ್ ಸ್ಪಷ್ಟನೆ ಕೊಟ್ಟಿದ್ದು, ಆ ಬಗ್ಗೆ ಇನ್ನೂ ಯಾವುದೇ ಪ್ಲ್ಯಾನ್ ಮಾಡಿಲ್ಲ ಎನ್ನುವ ಮೂಲಕ ಊಹಾಪೋಹಕ್ಕೆ ತೆರೆ ಎಳೆದಿದ್ದಾರೆ.

ಹೌದು, ಸೀನ್​ ಸಿನಿಮಾ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ನಿರ್ದೇಶಕ ಜಿತು ಮಾಧವನ್ ಅವರು, ‘ಸೀನ್’, ಆವೇಶಮ್’ ಪಾರ್ಟ್​ 2 ಮಾಡುವ ಯಾವುದೇ ಆಲೋಚನೆ ಇಲ್ಲ. ಆದರೆ, ರೋಮಾಚಂ ಚಿತ್ರಕ್ಕೆ ಮಾತ್ರ ಸೀಕ್ವೆಲ್ ಇರುವುದಾಗಿ ಅಧಿಕೃತವಾಗಿ ಘೋಷಿಸಲಾಗಿದೆ.

ಮೂರು ಸಿನಿಮಾಗಳು ಹಿಟ್ ತಂದುಕೊಟ್ಟಿತ್ತು

ಸೀನಿಯರ್ಸ್​ನಿಂದ ತಪ್ಪಿಸಿಕೊಳ್ಳಲು ಬೆಂಗಳೂರಿನ ಸ್ಥಳೀಯ ರೌಡಿ ರಂಗ ಗಂಗಾಧರನ್​​​​​ ಜೊತೆ ಸಂಬಂಧ ಬೆಳೆಸುವ ಇಂಜಿನಿಯರ್​​ ಹುಡುಗರು..ಆ ನಂತರ ಆತನಿಂದ ಅನುಭವಿಸುವ ರೋಚಕ ಘಟನೆಗಳು ಹಾಸ್ಯಮಯವಾಗಿದೆ. 2024ರಲ್ಲಿ ರಿಲೀಸ್ ಆಗಿದ್ದ ಸಿನಿಮಾ ಸಾಕಷ್ಟು ಹಿಟ್ ಕಂಡಿತ್ತು. ಇನ್ನೂ ಸೀನ್​ ಸಿನಿಮಾ ಕ್ರೈ ಥ್ರಿಲ್ಲರ್ ಕಾಮಿಡಿ ಸಿನಿಮಾವಾಗಿದೆ. ಈಗಾಗಲೇ ಥಿಯೇಟರ್​ನಲ್ಲಿ ಮೆಚ್ಚುಗೆ ಪಡೆದುಕೊಳ್ಳುತ್ತಿದ್ದು, ಡಿಸೆಂಬರ್​ನಲ್ಲಿ ಒಟಿಟಿಗೆ ಲಗ್ಗೆ ಇಡಲಿದೆ. ನಜ್ರಿಯಾ ನಜೀಮ್, ನಟ ಸೂರ್ಯ ಹಾಗೂ ನೆಸ್ಲೆನ್​ ಸಿನಿಮಾದಲ್ಲಿ ಅಬ್ಬರಿಸಿದ್ದಾರೆ.

ರೋಮಾಂಚಂ ಸಿನಿಮಾವು 2013ರಲ್ಲಿ ರಿಲೀಸ್ ಆಗಿದ್ದು, ಇದೊಂದು ಹಾರರ್​​-ಕಾಮಿಡಿ ಸಿನಿಮಾವಾಗಿದೆ. . ಸೌಬಿನ್ ಶಾಹಿರ್, ಅರ್ಜುನ್ ಅಶೋಕನ್, ಸಜಿನ್ ಗೋಪು, ಸಿಜು ಸನ್ನಿ ಮತ್ತು ಚೆಂಬನ್ ವಿನೋದ್ ಜೋಸ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಬೆಂಗಳೂರಿನಲ್ಲಿ ನಡೆದ ನೈಜ ಘಟನೆಯನ್ನು ಆಧರಿಸಿ ಈ ಸಿನಿಮಾ ನಿರ್ದೇಶಿಸಲಾಗಿದೆ.

‘ಸೀನ್’ ಮತ್ತು ‘ಆವೇಶಮ್’ ಕ್ಲೈಮ್ಯಾಕ್ಸ್

ಈ ಚಿತ್ರಗಳ ಅಂತ್ಯಗಳು ಕಥೆ ಅಲ್ಲಿಗೆ ಮುಗಿಯುವುದಿಲ್ಲ ಎಂಬುದನ್ನು ಮಾತ್ರ ಸೂಚಿಸುತ್ತವೆ. ಪ್ರೇಕ್ಷಕರು ಚಿತ್ರಮಂದಿರದಿಂದ ಹೊರಬರುವಾಗ ಕಥೆಯಲ್ಲಿ ಇನ್ನೂ ಏನೋ ಉಳಿದಿದೆ ಎಂಬ ಅನುಭವವನ್ನು ಪಡೆಯಲಿ ಎಂಬ ಕಾರಣಕ್ಕೇ ಆ ಅಂತಿಮ ದೃಶ್ಯಗಳನ್ನು ಸೇರಿಸಲಾಗಿತ್ತು. ಉಳಿದ ಎಲ್ಲ ಸುದ್ದಿಗಳು ಕೇವಲ ಊಹಾಪೋಹಗಳಷ್ಟೇ ಎಂದಿದ್ದಾರೆ.

ಇದಲ್ಲದೆ, ದುಲ್ಕರ್ ಸಲ್ಮಾನ್ ಮತ್ತು ಮಮಿತಾ ಬೈಜು ಅವರೊಂದಿಗೆ ಹೊಸ ಪ್ರಾಜೆಕ್ಟ್ ಬರಲಿದೆ ಎಂಬ ವಾದಗಳನ್ನೂ ಜಿತು ಮಾಧವನ್ ತಳ್ಳಿಹಾಕಿದರು. ಆ ಇಬ್ಬರು ನಟರು ತಮ್ಮೊಂದಿಗೆ ಯಾವುದೇ ಪ್ರಾಜೆಕ್ಟ್ ಕುರಿತು ಚರ್ಚೆ ನಡೆಸಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ, (ಏಜೆನ್ಸೀಸ್).