ಎಲ್ಲ ಚಿತ್ರಮಂದಿರಗಳ ಮಾಲೀಕರಿಗೂ ಧನ್ಯವಾದ ತಿಳಿಸುತ್ತ, ತಮ್ಮೆಲ್ಲರ ಸಹಕಾರದಿಂದಲೇ ಜೇಮ್ಸ್ ಸಿನಿಮಾ ದೊಡ್ಡ ಯಶಸ್ಸು ಗಳಿಸಿದೆ. ಇದೇ ಸಹಕಾರ ಎರಡನೇ ವಾರವೂ ಇರಲಿ ಎಂದು ಕೇಳಿಕೊಂಡಿರುವ ಅವರು ಅದಕ್ಕೆ ಕಾರಣವನ್ನೂ ತಿಳಿಸಿದ್ದಾರೆ. ಇಂದು ಬೆಳಗಿನಿಂದ ರಾಜ್ಯದ ಹಲವು ಕಡೆಗಳಿಂದ ಅಭಿಮಾನಿಗಳು ಕರೆ ಮಾಡಿ, ಜೇಮ್ಸ್ ಚಿತ್ರ ವೀಕ್ಷಣೆಗೆ ಲಭ್ಯ ಇಲ್ಲದಿರುವ ಕುರಿತು ಬೇಸರ ವ್ಯಕ್ತಪಡಿಸಿದ್ದಾರೆ. ಇದು ಪುನೀತ್ ಅವರ ಕೊನೆಯ ಸಿನಿಮಾ, ಇದನ್ನು ಚಿತ್ರಮಂದಿರದಲ್ಲೇ ನೋಡಬೇಕು ಎಂಬುದು ಲಕ್ಷಾಂತರ ಅಭಿಮಾನಿಗಳ ಆಸೆ, ದಯವಿಟ್ಟು ಸಹಕರಿಸಿ ಎಂದು ಮನವಿ ಮಾಡಿಕೊಂಡಿದ್ದಾರೆ. ಇದು ಕನ್ನಡ ಸಿನಿಮಾ, ಬರೀ ಸಿನಿಮಾ ಆಗಿ ಉಳಿದಿಲ್ಲ, ಇದು ಕನ್ನಡಿಗರ ಭಾವನೆಯಾಗಿ ಬದಲಾವಣೆ ಆಗಿದೆ ಎಂದೂ ಅವರು ಹೇಳಿಕೊಂಡಿದ್ದಾರೆ.
