'Dada -The Sourav Ganguly Story' ಫಸ್ಟ್​ ಲುಕ್​ ರಿಲೀಸ್; ಇದಕ್ಕಿಂತ AI ಉತ್ತಮ ಕೆಲಸ ಮಾಡ್ತಿತ್ತು ಎಂದು ನೆಟ್ಟಿಗರಿಂದ ಟೀಕೆ

ಸೌರವ್​ ಗಂಗೂಲಿಯವರ 54ನೇ ಹುಟ್ಟುಹಬ್ಬದ ಪ್ರಯುಕ್ತ ಸಿನಿಮಾ ಫಸ್ಟ್​ ಪೋಸ್ಟರ್​ ಬಿಡುಗಡೆ ಮಾಡಿದೆ. ಈ ಚಿತ್ರದಲ್ಲಿ ಸೌರವ್​ ಅವರು ದಾದಾ ಅಂದರೆ ಸೌರವ್​ ಗಂಗೂಲಿ ಪಾತ್ರದಲ್ಲಿ ಮಿಂಚಲಿದ್ದಾರೆ. ಒಂದು ಕಡೆ ಈ ಲುಕ್​ ಕಂಡು ಸೌರವ್​​​​​​​ ಭಾವುಕರಾಗಿದ್ದಾರೆ. ಮತ್ತೊಂದು ಕಡೆ ಈ ಪೋಸ್ಟರ್​​ ಟೀಕೆಗೆ ಗುರಿಯಾಗಿದೆ

2002 ರಲ್ಲಿ ಇಂಗ್ಲೆಂಡ್ ವಿರುದ್ಧದ ನ್ಯಾಟ್‌ವೆಸ್ಟ್ ಟ್ರೋಫಿ ಗೆಲುವಿನ ನಂತರ ಲಾರ್ಡ್ಸ್ ಮೈದಾನದ ಬಾಲ್ಕನಿಯಲ್ಲಿ ನಿಂತು ಸೌರವ್ ಗಂಗೂಲಿ ತಮ್ಮ ಜರ್ಸಿ ಬಿಚ್ಚಿ ಗಾಳಿಯಲ್ಲಿ ಹಾರಿಸಿ ಸಂಭ್ರಮಿಸಿದ ಐತಿಹಾಸಿಕ ಕ್ಷಣವನ್ನು ಮರುಸೃಷ್ಟಿಸಿದ್ದಾರೆ. ಇದನ್ನು ಕಂಡ ನೆಟ್ಟಿಗರು ಕಿಡಿಕಾರಿದ್ದಾರೆ. ಇದಕ್ಕಿಂತ ಎಐ ಟೂಲ್ ಆದ ಚಾಟ್‌ಜಿಪಿಟಿಯೇ ಉತ್ತಮವಾಗಿ ಪೋಸ್ಟರ್ ವಿನ್ಯಾಸ ಮಾಡುತ್ತಿತ್ತು ಎಂದು ಟೀಕೆ ಮಾಡಿದ್ದಾರೆ.

"ಈ ಪೋಸ್ಟರ್ ನೋಡಿ,ರಾಜ್‌ಕುಮಾರ್ ರಾವ್ ನೋಡಿದರೆ ಲಾರ್ಡ್ಸ್ ಮೈದಾನದಲ್ಲಿ ಮ್ಯಾಚ್ ಗೆದ್ದ ತರ ಕಾಣ್ತಿಲ್ಲ, ಬದಲಿಗೆ ಜಿಯೋಮಾರ್ಟ್‌ನಲ್ಲಿ 10% ಡಿಸ್ಕೌಂಟ್ ಸಿಕ್ಕಿದ್ದಕ್ಕೆ ಖುಷಿ ಪಡ್ತಿರೋ ತರ ಕಾಣ್ತಿದ್ದಾರೆ! ನಮ್ಮ ದಾದಾ ಅಲ್ಲಿ ಸಿಂಹದ ತರ ಜರ್ಸಿ ಹಾರಿಸ್ತಾ ಇದ್ದರೆ, ಇವನು ನೋಡಿದರೆ ಬಸ್ ಹಿಡಿಯೋಕೆ ಕೈ ತೋರಿಸ್ತಿರೋ ತರ ಇದ್ದಾನೆ. ಎಂತಾ ದರಿದ್ರ ವಿಎಫ್‌ಎಕ್ಸ್ ಮತ್ತು ಲುಕ್​ ಇದು. ನೋಡೋಕೆ ಅಸಹ್ಯವಾಗಿದೆ ಎಂದು ಹೇಳಿದರು.

ರಾಜ್‌ಕುಮಾರ್ ಖಂಡಿತವಾಗಿಯೂ ಒಬ್ಬ ಅತ್ಯುತ್ತಮ ನಟ, ಆದರೆ ಸೌರವ್​ ಗಂಗೂಲಿ ಅವರ ಜೀವನ ಚರಿತ್ರೆ ಪಾತ್ರಕ್ಕೆ ಅವರು ಸೂಕ್ತವಾಗಿ ಹೊಂದಿಕೊಳ್ಳುತ್ತಿಲ್ಲ ಎಂದು ಕೆಲವರು ಕಾಸ್ಟಿಂಗ್ ನಿರ್ದೇಶಕರ ಆಯ್ಕೆಯನ್ನೇ ಪ್ರಶ್ನಿಸಿದ್ದಾರೆ.

ದಾದಾ ದಿ ಸೌರವ್ ಗಂಗೂಲಿ ಸ್ಟೋರಿ' ಸಿನಿಮಾವನ್ನು ವಿಕ್ರಮಾದಿತ್ಯ ಮೋಟ್ವಾನೆ ನಿರ್ದೇಶನ ಮಾಡುತ್ತಿದ್ದು, 2027ರ ಮೇ 14 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ ಎಂದು ಸಿನಿಮಾ ತಂಡ ಅಧಿಕೃತವಾಗಿ ಮಾಹಿತಿ ಹಂಚಿಕೊಂಡಿದೆ, (ಏಜೆನ್ಸೀಸ್​).