ನಿರ್ದೇಶಕ ರಾಜಮೌಳಿ ಆರ್ಆರ್ಆರ್ (ರೌದ್ರಂ ರಣಂ ರುಧಿರಂ) ಸಿನಿಮಾ ಕೈಗೆತ್ತಿಕೊಂಡು ಒಂದಷ್ಟು ಭಾಗದ ಶೂಟಿಂಗ್ ಮುಗಿಸಿದ್ದಾರೆ. ಇತ್ತೀಚೆಗಷ್ಟೇ ಚಿತ್ರದ ಶೀರ್ಷಿಕೆ ಏನೆಂಬುದನ್ನೂ ಅಧಿಕೃತಗೊಳಿಸಿದ್ದಾರೆ. ಆದರೆ, ನಿರ್ದೇಶಕರ ಪ್ರಕಾರ ಆರ್ಆರ್ಆರ್ ಎಂಬುದು ಈ ಮೊದಲು ಚಿತ್ರದ ಶೀರ್ಷಿಕೆ ಆಗಿರಲಿಲ್ಲವಂತೆ.
ಹೌದು, ತಾತ್ಕಾಲಿಕವಾಗಿ ಒಂದು ಟೈಟಲ್ ಬೇಕಾಗಿದ್ದಕ್ಕೆ ಅದನ್ನು ಆಯ್ದುಕೊಂಡಿದ್ದರು. ಕೊನೆಗೆ ದೇಶಾದ್ಯಂತ ಆರ್ಆರ್ಆರ್ ಶೀರ್ಷಿಕೆಗೆ ಸಿಕ್ಕ ಪಾಪ್ಯುಲಾರಿಟಿ ನೋಡಿ ಅದನ್ನೇ ಯಾಕೆ ಸಿನಿಮಾ ಟೈಟಲ್ ಆಗಿ ಬಳಸಿಕೊಳ್ಳಬಾರದೆಂಬ ಯೋಚನೆ ಬಂದಾಗ, ರೌದ್ರಂ ರಣಂ ರುಧಿರಂ ಆಗಿ ಬದಲಾಯಿತಂತೆ. ಹೀಗೆ ಟೈಟಲ್ ರಹಸ್ಯವನ್ನು ಸ್ವತಃ ರಾಜಮೌಳಿ ಹೊರಹಾಕಿದ್ದಾರೆ. ಅಂದಹಾಗೆ, ಜನವರಿ 8ಕ್ಕೆ ಈ ಸಿನಿಮಾ ಬಿಡುಗಡೆ ಆಗಲಿದೆ. (ಏಜೆನ್ಸೀಸ್)
