ಇಲಿಯಾನಾ ಐಟಂ ಡಾನ್ಸ್; ರಾಮಾರಾವ್ ಚಿತ್ರದ ಮೂಲಕ ಕಮ್​ಬ್ಯಾಕ್​

ಬೆಂಗಳೂರು: ದಕ್ಷಿಣದ ಸಿನಿಮಾಗಳಲ್ಲಿ ನಟಿಸಿ ಸದ್ಯ ಬಾಲಿವುಡ್​ನಲ್ಲೇ ಬಿಜಿಯಾಗಿರುವ ನಟಿ ಇಲಿಯಾನಾ ಡಿಕ್ರೂಜ್ ಮತ್ತೆ ದಕ್ಷಿಣಕ್ಕೆ ಬರುವ ಸುಳಿವು ಸಿಕ್ಕಿದೆ. ಹಾಗೆಂದ ಮಾತ್ರಕ್ಕೆ ಅವರೇನು ನಾಯಕಿಯಾಗಿ ಎಂಟ್ರಿ ಕೊಡುತ್ತಿಲ್ಲ. ಬದಲಿಗೆ ಚಿತ್ರವೊಂದರಲ್ಲಿ ಐಟಂ ಹಾಡಿಗೆ ಹೆಜ್ಜೆ ಹಾಕುವ ಮೂಲಕ ಮತ್ತೆ ಟಾಲಿವುಡ್​ಗೆ ಬರುತ್ತಿದ್ದಾರಂತೆ. ರವಿತೇಜ ನಾಯಕನಾಗಿ ನಟಿಸುತ್ತಿರುವ ‘ರಾಮಾರಾವ್ ಆನ್ ಡ್ಯುಟಿ’ ಚಿತ್ರದಲ್ಲಿ ಇಲಿಯಾನಾ ಐಟಂ ಹಾಡಿನಲ್ಲಿ ಕಾಣಿಸಿಕೊಳ್ಳಲಿದ್ದಾರಂತೆ.

2018ರಲ್ಲಿ ರವಿತೇಜ ಅಭಿನಯದ ‘ಅಮರ್ ಅಕ್ಬರ್ ಆಂಟ್ಯೋನಿ’ ಚಿತ್ರದ ಮೂಲಕ ಇಲಿಯಾನಾ ಟಾಲಿವುಡ್​ಗ್ ಕಮ್​ಬ್ಯಾಕ್​ ಮಾಡಿದ್ದರು. ಇದೀಗ ಮತ್ತೆ ರವಿತೇಜ ಜತೆಗೆ ನಟಿಸುತ್ತಿರುವುದು ವಿಶೇಷ. ಈ ಚಿತ್ರದಲ್ಲಿ ರವಿತೇಜಗೆ ರಜಿಶಾ ವಿಜಯನ್, ದಿವ್ಯಾಂಶಾ ಕೌಶಿಕ್ ನಾಯಕಿಯರಾಗಿ ನಟಿಸುತ್ತಿದ್ದಾರೆ. ಶರತ್ ಮಾಂಡವ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ ಈ ಸಿನಿಮಾ ಸದ್ಯ ಶೂಟಿಂಗ್ ಹಂತದಲ್ಲಿದೆ. ಈ ನಡುವೆ ಐಟಂ ಹಾಡಿನ ತಯಾರಿಯೂ ಶುರುವಾಗಿದ್ದು, ಶೀಘ್ರದಲ್ಲಿ ಚಿತ್ರತಂಡವೇ ಈ ವಿಚಾರವನ್ನು ಅಧಿಕೃತವಾಗಿ ಘೋಷಿಸಲಿದೆ.

https://www.vijayavani.net/he-knot-mangalya-and-pretended-as-husband-but-later-cheated-her/

https://www.vijayavani.net/rashmika-mandanna-wanted-to-meet-that-one-year-old-child/