ನಾನ್ ಲೀನಿಯರ್ ಶೈಲಿಯಲ್ಲಿ ‘ಐ ಆ್ಯಮ್ ಗಾಡ್’ ಕಥೆ ನಿರೂಪಿಸಿದ್ದಾರೆ ನಿರ್ದೇಶಕ ರವಿ ಗೌಡ. ಒಂದೆಡೆ ಕಾಲೇಜು, ಫ್ಯಾಮಿಲಿ ಹಾಗೂ ಪ್ರೀತಿ- ಪ್ರೇಮ ಎಂದು ಸಾಗುತ್ತಿದ್ದರೆ, ಇನ್ನೊಂದು ಟ್ರ್ಯಾಕ್ನಲ್ಲಿ ಮಹಿಳೆಯರ ಸರಣಿ ಕೊಲೆ, ತನಿಖೆ, ‘ಐ ಆ್ಯಮ್ ಗಾಡ್’ ಎಂದು ಹೇಳಿಕೊಳ್ಳುವ ಮುಸುಕುಧಾರಿ ಅಟ್ಟಹಾಸ ನಡೆಯುತ್ತಿರುತ್ತದೆ. ಈ ಎರಡನ್ನು ಒಂದು ಫ್ರೇಮ್ನಡಿಯಲ್ಲಿ ತರುವ ಸಾಹಸದಲ್ಲಿ ನಿರ್ದೇಶಕರು ಯಶ ಕಂಡಿದ್ದಾರೆ. ಸುಳಿವು ಸಿಗದಂತೆ ಕಥೆಯನ್ನು ನಿರೂಪಿಸಿದ್ದಾರೆ. ಹದವಾದ ಪ್ರೀತಿ, ಇಷ್ಟವಾಗುವ ಸಾಂಗ್, ಕಥೆಯ ಕೌತುಕ, ಖಡಕ್ ಡೈಲಾಗ್ ಮೂಲಕ ಎಲ್ಲಿಯೂ ಬೋರ್ ಹೊಡೆಯದಂತೆ ಸಿನಿಮಾ ನೋಡಿಸಿಕೊಳ್ಳುತ್ತದೆ. ನಿರ್ದೇಶಕರು ಉಪೇಂದ್ರ ಗರಡಿಯಲ್ಲಿ ಪಳಗಿದ್ದು, ಅವರ ಛಾಯೆ ಈ ಕಥೆಯಲ್ಲಿ ಕಾಣಬಹುದು. ನಿರ್ದೇಶನದ ಜತೆಗೆ ರವಿ ಗೌಡ ನಟನೆಯಲ್ಲೂ ಮಿಂಚಿದ್ದಾರೆ. ಕ್ಲೈಮ್ಯಾಕ್ಸ್ನ ಕೆಲವು ದೃಶ್ಯಗಳಲ್ಲಿ ನಟನೆಗೆ ಚಪ್ಪಾಳೆ ಗಿಟ್ಟಿಸಿಕೊಳ್ಳುತ್ತಾರೆ. ನಟಿ ವಿಜೇತಾ ಪಾರೀಕ್ ತುಂಬಾ ಚೆಂದವಾಗಿ ಕಾಣಿಸುವುದರ ಜತೆಗೆ ಕ್ಯೂಟ್ ಆಗಿ ನಟಿಸಿದ್ದಾರೆ. ರವಿಶಂಕರ್ ಖಡಕ್ ತನಿಖಾಧಿಕಾರಿಯಾಗಿ ಗಮನ ಸೆಳೆಯುತ್ತಾರೆ.
