ಪಿತೃ ಪ್ರಧಾನ ಸಮಾಜದಲ್ಲಿ ಮಹಿಳೆಯರು ಪಾತ್ರೆ ತೊಳಿಯಬೇಕು..ಅಡುಗೆ ಮಾಡಬೇಕು ಮನೆ ಕೆಲಸ ನೋಡಿಕೊಳ್ಳಬೇಕು ಎನ್ನುವ ಒಂದು ಆಚಾರ ಇಂದಿಗೂ ಮಾಸಿಲ್ಲ.. ಎಐ ಬಳಕೆ ಮಾಡುತ್ತಿರುವ ಈ ಕಾಲಘಟದಲ್ಲಿಯೂ ತಾರತಮ್ಯಕ್ಕೆ ಅಂತ್ಯ ಕಂಡಿಲ್ಲ. ಇದಕ್ಕೆ ತಾಜಾ ಉದಾಹರಣೆ ಬಿಗ್ಬಾಸ್ ಮನೆಯ ಸ್ಪರ್ಧಿಗಳು.
ಹೌದು, ಈ ಬಾರಿಯ ಬಿಗ್ಬಾಸ್ ಸೀಸನ್ 13 ಕನ್ನಡದಲ್ಲಿ ಪಾತ್ರೆ ತೊಳೆಯುವ ವಿಚಾರಕ್ಕೆ ಭಾರೀ ಗಲಾಟೆ ಮಾಡಲಾಗುತ್ತದೆ. ಪಾತ್ರೆ ತೊಳಿಯಲು, ಕಸ ಗುಡಿಸಿ ಮನೆಯನ್ನು ಸ್ವಚ್ಛವಾಗಿಡಲು ಹಿಂದೇಟು ಹಾಕುತ್ತಾರೆ. ಇದೇ ವಿಚಾರವಾಗಿ ಆಸಿಯಾ ಮತ್ತು ಗಗನ್ ಹಾಗೂ ಸೌಂದರ್ಯಾ ಮತ್ತು ಗಗನ್ ಚಿನ್ನಪ್ಪ ನಡುವೆ ತೀವ್ರ ವಾಗ್ದಾಳಿ ನಡೆದಿತ್ತು. ಈ ಬಗ್ಗೆ ಸುದೀಪ್ ಅವರು ವಾರದ ಕತೆಯಲ್ಲಿ ಮುನ್ನೆಲೆಗೆ ತಂದರು. ನೀವು ತಿಂದಿರುವ ತಟ್ಟೆ, ಪಾತ್ರೆ ತೊಳೆಯಲು ಇರುವ ಸಮಸ್ಯೆ ಏನು? ಇರುವ ನಾಲ್ಕು ಪಾತ್ರೆ ತೊಳಿದ್ರೆ ಏನಾಗುತ್ತೆ ಎಂದು ಪ್ರಶ್ನೆ ಮಾಡಿದ್ದರು.
