ರೂಪ ಇದ್ರೆ ಸಾಲದು ನನ್ನನ್ನು ಮದುವೆಯಾಗೋ ಹುಡುಗನಿಗೆ ಈ 3 ಗುಣ ಇರಲೇಬೇಕು... ನಟಿ ಶ್ರೀಲೀಲಾ ಓಪನ್​ ಟಾಕ್​! Actress Sreeleela

Actress Sreeleela : ಟಾಲಿವುಡ್‌ನಲ್ಲಿ ಬ್ಯಾಕ್-ಟು-ಬ್ಯಾಕ್ ಸಿನಿಮಾಗಳ ಮೂಲಕ ಸ್ಟಾರ್​ ನಟಿಯಾಗಿ ಮೆರೆಯುತ್ತಿರುವ ಲಕ್ಕಿ ಬ್ಯೂಟಿ ಶ್ರೀಲೀಲಾ ಕ್ರೇಜ್, ಸದ್ಯ ಸಣ್ಣ ಗ್ಯಾಪ್‌ನ ನಂತರವೂ ಕಿಂಚಿತ್ತೂ ಕಡಿಮೆಯಾಗಿಲ್ಲ. ಸದ್ಯ ದಕ್ಷಿಣ ಭಾರತದ ಗಡಿ ದಾಟಿ ಬಾಲಿವುಡ್ ಅಂಗಳಕ್ಕೆ ಲಗ್ಗೆ ಇಟ್ಟಿರುವ ಕನ್ನಡತಿ, ಹಿಂದಿ ಚಿತ್ರರಂಗದಲ್ಲೂ ಭದ್ರ ನೆಲೆ ಕಂಡುಕೊಳ್ಳುವ ಭರಪೂರ ವಿಶ್ವಾಸದಲ್ಲಿದ್ದಾರೆ.

ಚಾಕೊಲೇಟ್ ಬಾಯ್ ಕಾರ್ತಿಕ್ ಆರ್ಯನ್ ನಾಯಕರಾಗಿ ನಟಿಸುತ್ತಿರುವ ಹಾಗೂ ಸ್ಟಾರ್ ಡೈರೆಕ್ಟರ್ ಅನುರಾಗ್ ಬಸು ನಿರ್ದೇಶನದ ಕಾಂಬಿನೇಷನ್‌ನಲ್ಲಿ ಮೂಡಿಬರುತ್ತಿರುವ 'ತೂ ಮೇರಿ ಜಿಂದಗಿ ಹೈ' ಚಿತ್ರಕ್ಕೆ ಶ್ರೀಲೀಲಾ ನಾಯಕಿಯಾಗಿ ಆಯ್ಕೆಯಾಗಿದ್ದು, ಬಿ-ಟೌನ್‌ನಲ್ಲಿ ಈ ಸುಂದರಿ ದೊಡ್ಡ ಸಂಚಲನವನ್ನೇ ಸೃಷ್ಟಿಸಿದ್ದಾರೆ.

ಈ ಮೆಗಾ ಪ್ರಾಜೆಕ್ಟ್ ಮೇಲೆ ಶ್ರೀಲೀಲಾ ತಮ್ಮ ವೃತ್ತಿಜೀವನದ ದೊಡ್ಡ ಮಟ್ಟದ ಭರವಸೆಗಳನ್ನು ಇಟ್ಟುಕೊಂಡಿದ್ದಾರಾದರೂ, ಚಿತ್ರದ ಶೂಟಿಂಗ್ ವಿಚಾರದಲ್ಲಿ ಮಾತ್ರ ಅಂದುಕೊಂಡಿದ್ದು ನಡೆಯುತ್ತಿಲ್ಲ. ಚಿತ್ರದ ಚಿತ್ರೀಕರಣದ ವೇಳಾಪಟ್ಟಿಗಳು ಕಾರಣಾಂತರಗಳಿಂದ ಪದೇಪದೆ ಮುಂದೂಡಲ್ಪಡುತ್ತಿರುವುದು ಈ ಸ್ವೀಟ್ ಗರ್ಲ್‌ಗೆ ಕೊಂಚ ನಿರಾಸೆ ಮೂಡಿಸಿದೆ. ಬಾಲಿವುಡ್‌ನಲ್ಲಿ ಭರ್ಜರಿ ಎಂಟ್ರಿ ಕೊಡಲು ಕಾತರದಿಂದ ಕಾಯುತ್ತಿರುವ ಶ್ರೀಲೀಲಾಗೆ ಶೂಟಿಂಗ್ ಮುಂದೂಡಿಕೆ ತುಸು ಹಿನ್ನಡೆ ತಂದಿದ್ದರೂ, ಸಿನಿಮಾ ಮಾತ್ರ ಅತ್ಯಂತ ಅದ್ಭುತವಾಗಿ ಮೂಡಿಬರಲಿದೆ ಎಂಬ ಆಶಯದೊಂದಿಗೆ ಚಿತ್ರತಂಡ ಮುಂದಿನ ಶೆಡ್ಯೂಲ್‌ಗೆ ಸಜ್ಜಾಗುತ್ತಿದೆ.

ಸಿನಿಮಾಗಳ ವಿಚಾರವನ್ನು ಕೊಂಚ ಬದಿಗಿಟ್ಟರೆ, ಸದ್ಯ ಶ್ರೀಲೀಲಾ ಅವರ ವೈಯಕ್ತಿಕ ಜೀವನಕ್ಕೆ ಸಂಬಂಧಿಸಿದ ಆಸಕ್ತಿದಾಯಕ ಸುದ್ದಿಯೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗುತ್ತಿದೆ. ಇತ್ತೀಚಿನ ಸಂದರ್ಶನವೊಂದರಲ್ಲಿ ಭಾಗವಹಿಸಿದ್ದ ಈ ಲಕ್ಕಿ ಬ್ಯೂಟಿ, ತಮ್ಮ ಭಾವಿ ಪತಿಯಲ್ಲಿರಬೇಕಾದ ಗುಣಗಳ ಬಗ್ಗೆ ಮುಕ್ತವಾಗಿ ಮಾತನಾಡಿದ್ದಾರೆ. ತನ್ನನ್ನು ಮದುವೆಯಾಗಲಿರುವ ಹುಡುಗ ಕೇವಲ ರೂಪವಂತನಾಗಿದ್ದರೆ ಸಾಲದು, ಅದಕ್ಕಿಂತ ಹೆಚ್ಚಾಗಿ ಆತನಿಗೆ ಒಳ್ಳೆಯ ಮನಸ್ಸು ಮತ್ತು ಉದಾತ್ತ ವ್ಯಕ್ತಿತ್ವ ಇರಬೇಕು ಎಂದು ಶ್ರೀಲೀಲಾ ಸ್ಪಷ್ಟಪಡಿಸಿದ್ದಾರೆ. ವಿಶೇಷವಾಗಿ ಆತನಲ್ಲಿ ಮೂರು ಪ್ರಮುಖ ಗುಣಗಳು ಕಡ್ಡಾಯವಾಗಿ ಇರಬೇಕೆಂದು ಕಂಡೀಷನ್ ಹಾಕುವ ಮೂಲಕ ತಮ್ಮ ಮನದಾಸೆಯನ್ನು ಹಂಚಿಕೊಂಡಿದ್ದಾರೆ.

ತಮ್ಮ ಭಾವಿ ಪತಿಯಲ್ಲಿರಬೇಕಾದ ಆ ಮೂರು ಮುಖ್ಯ ಗುಣಗಳನ್ನು ಬಿಚ್ಚಿಟ್ಟಿರುವ ಶ್ರೀಲೀಲಾ, ನನ್ನ ಜೀವನದ ಸಂಗಾತಿಯಾಗುವವನು ಅತ್ಯಂತ ಪ್ರಾಯೋಗಿಕ, ಜವಾಬ್ದಾರಿಯುತ ಹಾಗೂ ಸದಾ ಆಲೋಚನಾಶೀಲ ವ್ಯಕ್ತಿಯಾಗಿರಬೇಕು, ಅದರೊಂದಿಗೆ ಇತರರ ನೋವು ಮತ್ತು ಭಾವನೆಗಳನ್ನು ಅರ್ಥಮಾಡಿಕೊಂಡು ಗೌರವಿಸುವ ಗುಣ ಆತನಲ್ಲಿರಬೇಕು ಎಂದಿದ್ದಾರೆ. ಇವೆಲ್ಲಕ್ಕಿಂತಲೂ ಮಿಗಿಲಾಗಿ ಅತ್ಯಂತ ಪ್ರಮುಖವಾದ ಗುಣವೆಂದರೆ, ಆತ ಉತ್ತಮ ಟೈಮಿಂಗ್‌ನೊಂದಿಗೆ ಜನರನ್ನು ನಗಿಸುವುದನ್ನು ಕರಗತ ಮಾಡಿಕೊಂಡಿರಬೇಕು ಎಂದು ತಿಳಿಸಿರುವ ಶ್ರೀಲೀಲಾ, ಯಾವಾಗಲೂ ಗಂಭೀರವಾಗಿರದೆ, ಜೀವನವನ್ನು ಮಜವಾಗಿ ಕಳೆಯುವಂತಹ ಸೂಪರ್ ಸೆನ್ಸ್ ಆಫ್ ಹ್ಯೂಮರ್ (ಹಾಸ್ಯಪ್ರಜ್ಞೆ) ಆತನಲ್ಲಿರಬೇಕು ಎಂದು ತಮ್ಮ ಕನಸಿನ ರಾಜನ ಬಗ್ಗೆ ವಿವರಿಸಿದ್ದಾರೆ.

ರೂಪ ಅನ್ನೋದು ಇಂದು ಇರಬಹುದು, ನಾಳೆ ಹೋಗಬಹುದು, ಆದರೆ ವ್ಯಕ್ತಿತ್ವ ಮಾತ್ರ ಜೀವನಪರ್ಯಂತ ಶಾಶ್ವತವಾಗಿ ಉಳಿಯುತ್ತದೆ ಎಂಬ ಶ್ರೀಲೀಲಾ ಅವರ ಈ ಸ್ಪಷ್ಟ ನಿರ್ಧಾರವನ್ನು ಕಂಡು ಅಭಿಮಾನಿ ವಲಯ ಮತ್ತು ಯುವಕರು ಫುಲ್ ಫಿದಾ ಆಗಿದ್ದಾರೆ. ಸದ್ಯ ಟಾಲಿವುಡ್‌ನ ಈ ಸೆನ್ಸೇಷನಲ್ ಬ್ಯೂಟಿಯ ಮನಸ್ಸಿನಲ್ಲಿರುವ ಇಷ್ಟೂ ಅದ್ಭುತ ಗುಣಗಳಿಗೆ ನೂರಕ್ಕೆ ನೂರರಷ್ಟು ಮ್ಯಾಚ್ ಆಗುವ ಆ 'ಮಿಸ್ಟರ್ ಪರ್ಫೆಕ್ಟ್' ಯಾರು ಎಂಬ ಕುತೂಹಲ ಎಲ್ಲರಲ್ಲೂ ಮನೆಮಾಡಿದೆ. ಬಾಲಿವುಡ್ ಚಿತ್ರರಂಗಕ್ಕೆ ಭರ್ಜರಿಯಾಗಿ ಎಂಟ್ರಿ ಕೊಡಲು ಸಜ್ಜಾಗುತ್ತಿರುವ ಸೌತ್​ ಬ್ಯೂಟಿ, ತಮ್ಮ ವೃತ್ತಿಜೀವನದ ಜೊತೆಜೊತೆಗೆ ವೈಯಕ್ತಿಕ ಜೀವನದ ಈ ಸಿಹಿ ಸುದ್ದಿಯನ್ನು ಯಾವಾಗ ಅಧಿಕೃತವಾಗಿ ಪ್ರಕಟಿಸಲಿದ್ದಾರೆ ಎಂದು ಅವರ ಕೋಟ್ಯಂತರ ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ, (ಏಜೆನ್ಸೀಸ್​).