ಕಾಶ್ಮೀರದ ಪಹಲ್ಗಾಮ್ನಲ್ಲಿ ಕಳೆದ ಏ. 22ರಂದು ಉಗ್ರರ ದಾಳಿಗೆ 26 ಹಿಂದುಗಳು ಸೇರಿ 28 ಜನ ಬಲಿಯಾಗಿದ್ದರು. ದೇಶಾದ್ಯಂತ ಪಾಕಿಸ್ತಾನಿ ಬೆಂಬಲಿತ ಭಯೋತ್ಪಾದಕರ ವಿರುದ್ಧ ಆಕ್ರೋಶ ವ್ಯಕ್ತವಾಗಿದ್ದು, ಇತ್ತೀಚೆಗಷ್ಟೆ "ಹಿಟ್ 3' ಚಿತ್ರದ ಪ್ರಚಾರಕ್ಕೆ ಬೆಂಗಳೂರಿಗೆ ಆಗಮಿಸಿದ್ದ ತೆಲುಗು ನಟ ನಾನಿ ಸಹ ಧ್ವನಿಗೂಡಿಸಿದ್ದಾರೆ. ಮೂರು ತಿಂಗಳ ಹಿಂದಷ್ಟೇ ಪಹಲ್ಗಾಮ್ನಲ್ಲಿ 18 ದಿನಗಳ ಕಾಲ "ಹಿಟ್ 3' ಶೂಟಿಂಗ್ ನಡೆಸಿ, ವಾಪಸ್ಸಾಗಿದ್ದ ಅವರು, "ಸಾವಿರಾರು ಪ್ರವಾಸಿಗರು ಬರುತ್ತಿದ್ದರು. ಕರ್ನಾಟಕ, ಆಂಧ್ರದಿಂದಲೂ ತುಂಬ ಜನ ಬಂದಿದ್ದರು. ಅವರ ಸಂಭ್ರಮವನ್ನು ನೋಡಿ ನಾನೂ ಖುಷಿಪಡುತ್ತಿದ್ದೆ. ಕುಟುಂಬದ ಜತೆ ಉತ್ತಮ ಕಾಲ ಕಳೆಯಲು ಅಲ್ಲಿಗೆ ಹೋಗಿದ್ದವರು, ಎಂತಹ ದುರಂತಕ್ಕೆ ಸಾಯಾಗಬೇಕಾಯಿತು ಎಂಬುದನ್ನು ಊಹಿಸಿಕೊಳ್ಳಲೂ ಅಸಾಧ್ಯ. ನಮ್ಮ ಪಾಡಿಗೆ ನಾವಿದ್ದರೂ ಇಂತಹ ಘಟನೆಗಳು ಆಗಾಗ ನಡೆದು, ನಾವು ಎಷ್ಟು ದುರ್ಬಲರು ಎಂಬುದನ್ನು ಪದೇ ಪದೆ ತೋರಿಸುತ್ತಿವೆ. ಕೆಲವೊಮ್ಮೆ ನಮ್ಮ ಕಂಟ್ರೋಲ್ನಲ್ಲಿ ಏನೂ ಇಲ್ಲವಾ ಅಂತನ್ನಿಸುತ್ತದೆ. ದುಷ್ಟ ಶಕ್ತಿಗಳು ಈಗಲೂ ನಮ್ಮ ಸುತ್ತ ಇವೆ. ಪ್ರಬಲ ಕ್ರಮ ತೆಗೆದುಕೊಳ್ಳಬೇಕು, ಜನರಿಗೆ ನಂಬಿಕೆ ಬರಬೇಕು. ಇಲ್ಲದಿದ್ದರೆ ನಾವು ಎತ್ತ ಸಾಗುತ್ತಿದ್ದೇವೆ ಎಂಬುದೇ ಅರ್ಥವಾಗುವುದಿಲ್ಲ' ಎಂದರು.
