ಇನ್ಮುಂದೆ ಮಲ್ಟಿಫ್ಲೆಕ್ಸ್​ನಲ್ಲಿ ಏಕರೂಪ ದರ: ಸಿನಿಮಾ ಟಿಕೆಟ್​ಗೆ 200 ರೂಪಾಯಿ ನಿಗದಿ! Multiflex

Multiflex : ಇಂದು ದಾಖಲೆಯ 16ನೇ ಬಜೆಟ್​ ಮಂಡನೆ ಮಾಡುತ್ತಿರುವ ಮುಖ್ಯಮಂತ್ರಿ ಸಿದ್ದರಾಮಯ್ಯ ಬೇಕಾಬಿಟ್ಟಿ ಹಣ ವಸೂಲಿ ಮಾಡುವ ಮಲ್ಟಿಫ್ಲೆಕ್ಸ್​ಗಳಿಗೆ ಬ್ರೇಕ್​ ಹಾಕಿದ್ದಾರೆ. ಏಕರೂಪ ದರದ ನೀತಿಯನ್ನು ಜಾರಿಗೆ ತರುವುದಾಗಿ ಘೋಷಣೆ ಮಾಡಿದ್ದಾರೆ.

ಸಿಂಗಲ್​ ಸ್ಕ್ರೀನ್​ ಮತ್ತು ಮಲ್ಟಿಫ್ಲೆಕ್ಸ್​ಗಳಲ್ಲಿ ಟಿಕೆಟ್​ ದರಗಳಲ್ಲಿ ಭಾರಿ ವ್ಯತ್ಯಾಸವಿದೆ. ಚಿತ್ರಮಂದಿರಗಳಿಗೆ ಹೋಲಿಸಿದರೆ ಮಲ್ಟಿಫ್ಲೆಕ್ಸ್​ಗಳಲ್ಲಿ ದುಪ್ಪಟ್ಟು ಹಣವನ್ನು ವಸೂಲಿ ಮಾಡುತ್ತಾರೆ. ಅಲ್ಲದೆ, ಪಾಪ್​ಕಾರ್ನ್​ಗೂ ಕೂಡ ಮೂರು ಪಟ್ಟು ಹಣವನ್ನು ವಸೂಲಿ ಮಾಡುತ್ತಾರೆ. ಇದೀಗ ಬಜೆಟ್​ನಲ್ಲಿ ಏಕರೂಪ ದರ ನಿಗದಿ ಘೋಷಣೆಯಾಗಲಿದ್ದು, ಚಿತ್ರಮಂದಿರಗಳಲ್ಲಿರುವ ಬೆಲೆಯೇ ಮಲ್ಟಿಫ್ಲೆಕ್ಸ್​ಗಳಲ್ಲಿ ಇರಲಿದೆ. ಇದರಿಂದ ಹಣದ ಲೂಟಿಗೆ ಕಡಿವಾಣ ಬೀಳಲಿದೆ.

ಇದನ್ನೂ ಓದಿ: ಬೋಗಸ್ ಬಜೆಟ್ ಮಂಡಿಸುವ ಮುನ್ನವೇ ತುಷ್ಟೀಕರಣ ಆರಂಭಿಸಿದ ಭಂಡ ಹಾಗೂ ಭ್ರಷ್ಟರು: ಬಿಜೆಪಿ ಕಿಡಿ | State Budget 2025

ಪರಭಾಷೆಯ ಸಿನಿಮಾಗಳು ಬಂದರೆ ಮಲ್ಟಿಪ್ಲೆಕ್ಸ್​ಗಳು ಜನರಿಂದ ದೊಡ್ಡ ಮೊತ್ತದ ಹಣವನ್ನು ಲೂಟಿ ಮಾಡುತ್ತಾರೆ. ಬಜೆಟ್​ ಮಂಡನೆಗೂ ಮುನ್ನ ನಡೆದ ಪರಿಷತ್​ ಕಲಾಪದಲ್ಲೂ ಸಹ ಏಕರೂಪ ದರದ ಬಗ್ಗೆ ಎಂಎಲ್​ಸಿ ಗೋವಿಂದ ರಾಜು ಪ್ರಸ್ತಾಪ ಮಾಡಿದ್ದರು. ಕನ್ನಡ ಭಾಷೆಗೆ ಒಂದು ದರವಾದರೆ, ಪರಭಾಷೆ ಸಿನಿಮಾಗಳಿಗೆ ಇನ್ನೊಂದು ದರ ನಿಗದಿ ಮಾಡುತ್ತಾರೆ ಎಂದು ಹೇಳಿದ್ದರು. ಈ ಬಗ್ಗೆ ಗಮನ ಹರಿಸುವುದಾಗಿ ಸರ್ಕಾರ ಹೇಳಿತ್ತು.

ಇದೀಗ ಬಜೆಟ್​ನಲ್ಲಿ ಏಕರೂಪ ದರ ನಿಗದಿ ಘೋಷಣೆಯಾಗಿದೆ. 200ರೂ. ದರ ನಿಗದಿ ಮಾಡಿ ಬಜೆಟ್​ನಲ್ಲಿ ಘೋಷಣೆ ಮಾಡಲಾಗಿದೆ.

ಇನ್ನು ಸಿನಿಮಾ ಕ್ಷೇತ್ರವನ್ನ ಸಿನಿಮಾ ಉದ್ಯಮ ಎಂದು ಪರಿಗಣಿಸಿ ಕೈಗಾರಿಕಾ ನೀತಿಯಡಿ ತರಲು ಸರ್ಕಾರ ನಿರ್ಧಾರ ಮಾಡಿದೆ. ಕನ್ನಡ ಸಿನಿಮಾಗಳಿಗಾಗಿಯೇ ಪ್ರತ್ಯೇಕ ಒಟಿಟಿ ವೇದಿಕೆ ಸೃಷ್ಟಿಸಲು ಬಜೆಟ್​ನಲ್ಲಿ ಪ್ರಸ್ತಾಪಿಸಲಾಗಿದೆ.

https://www.vijayavani.net/good-news-for-guest-teachers-in-state-budget

https://www.vijayavani.net/state-budget-2025-bjp-outrage-against-cm-siddaramaiah-budget