ರಾಜು ಜೇಮ್ಸ್​ ಬಾಂಡ್​ ರಿಲೀಸ್​ಗೆ ರೆಡಿ : ದೀಪಕ್​ ಮಧುವನಹಳ್ಳಿ ನಿರ್ದೇಶನದಲ್ಲಿ ಫಸ್ಟ್​ ರ್ಯಾಂಕ್​ ಗುರುನಂದನ್​

ವಿಜಯವಾಣಿ ಸುದ್ದಿಜಾಲ ಬೆಂಗಳೂರು:

ಫಸ್ಟ್​ ರ್ಯಾಂಕ್​ ರಾಜು, ರಾಜು ಕನ್ನಡ ಮೀಡಿಯಂ ಖ್ಯಾತಿಯ ಗುರುನಂದನ್​ ನಾಯಕನಾಗಿರುವ, ದೀಪಕ್​ ಮಧುವನಹಳ್ಳಿ ನಿರ್ದೇಶನದ ಹಾಸ್ಯಪ್ರಧಾನ ಸಿನಿಮಾ ರಾಜು ಜೇಮ್ಸ್​ ಬಾಂಡ್​. ಚಿತ್ರದಲ್ಲಿ ಗುರುಗೆ ಮೃದುಲಾ ನಾಯಕಿಯಾಗಿದ್ದು, ಸಾಧು ಕೋಕಿಲ, ಅಚ್ಯುತ್ ಕುಮಾರ್​, ಚಿಕ್ಕಣ್ಣ, ರವಿಶಂಕರ್​, ಜೈಜಗದೀಶ್​ ಮುಖ್ಯ ಭೂಮಿಕೆಯಲ್ಲಿದ್ದಾರೆ. ಹಾಸ್ಯ ಮತ್ತು ಹೈಸ್ಟ್​ ಡ್ರಾಮಾ ಜಾನರ್​ನ ಈ ಚಿತ್ರ ಸದ್ಯ ರಿಲೀಸ್​ಗೆ ರೆಡಿಯಾಗಿದ್ದು, ಟೀಸರ್​ ಮತ್ತು ಹಾಡುಗಳನ್ನು ಬಿಡುಗಡೆ ಮಾಡಲು ಚಿತ್ರತಂಡ ಪ್ಲ್ಯಾನ್​ ಮಾಡಿಕೊಳ್ಳುತ್ತಿದೆ.

ಚಿತ್ರದ ಬಗ್ಗೆ ನಿರ್ದೇಶಕ ದೀಪಕ್​ ಮಧುವನಹಳ್ಳಿ, “ಯಾವುದೇ ಸಿನಿಮಾದ ಮೊಟ್ಟ ಮೊದಲ ಆದ್ಯತೆ ಪ್ರೇಕ್ಷಕನ ಮನರಂಜನೆ ಆಗಿರಬೇಕೆಂಬುದು ನನ್ನ ಅಭಿಪ್ರಾಯ. ಹಾಗಾಗಿ ಅದನ್ನೇ ಪರಿಗಣಸಿ "ರಾಜು ಜೇಮ್ಸ್ ಬಾಂಡ್" ಸಿನಿಮಾ ಮಾಡಿದ್ದೇವೆ. 136 ನಿಮಿಷಗಳ ಈ ಚಿತ್ರದ 40 ನಿಮಿಷಗಳ ಕಾಲ ಪ್ರೇಕ್ಷಕರು ನಗೆಗಡಲಲ್ಲಿ ತೇಲಲಿದ್ದಾರೆ‘ ಎಂದು ಭರವಸೆ ವ್ಯಕ್ತಪಡಿಸುತ್ತಾರೆ.

ಈಗಾಗಲೇ ಸೆನ್ಸಾರ್ ಮುಗಿದಿದ್ದು ಸಿನಿಮಾಗೆ ಯು/ಎ ಸರ್ಟಿಫಿಕೇಷನ್ ದೊರಕಿದೆ. "ರಾಜು ಜೇಮ್ಸ್ ಬಾಂಡ್" ಬಿಡುಗಡೆಗೆ ಸಿದ್ಧವಾಗಿದ್ದು ಸಿನಿಮಾ ತಂಡ ಆದಷ್ಟು ಬೇಗ ಸಿನಿಮಾ ಬಿಡುಗಡೆಯ ದಿನಾಂಕ ತಿಳಿಸುವ ಟೀಸರ್ ಬಿಡುಗಡೆ ಮಾಡುವ ಯೋಚನೆಯಲ್ಲಿದೆ.