ಆತ ಸೂರ್ಯ (ಅರ್ಜುನ್), ಸಣ್ಣ ತಪ್ಪಿನಿಂದಾಗಿ ಎರಡು ವರ್ಷ ಜೈಲು ಶಿಕ್ಷೆ ಅನುಭವಿಸಿ ಬಂದು ಮತ್ತೆ ಭೂಗತ ಲೋಕದ ನಂಟು ಪಡೆಯುತ್ತಾನೆ. ಮುಂದೆ ಎಲ್ಲ ಡೀಲ್ ಈತನೇ ಮಾಡುವುದರಿಂದ ಅದೇ ಲೋಕದಲ್ಲಿ ಬಹು ಬೇಗ ಬೆಳೆದು ಗ್ಯಾಂಗ್ ಲೀಡರ್ ಆಗುತ್ತಾನೆ. ಈ ನಡುವೆ ಆತನಿಗೆ ರಮ್ಯಾ (ಯಶ್ವಿಕಾ) ಪರಿಚಯವಾಗಿ ಪ್ರೀತಿಯಾಗುತ್ತದೆ. ಆತನ ಹಿನ್ನೆಲೆ ಎಲ್ಲ ತಿಳಿದರೂ ರಮ್ಯಾ, ಸೂರ್ಯನ ಜತೆ ಹೊಸ ಜೀವನ ಕಟ್ಟಿಕೊಳ್ಳಲು ಹವಣಿಸುತ್ತಿರುವಾಗಲೇ ದುರಂತವೊಂದು ನಡೆಯುತ್ತದೆ. ಹಾಗಾದರೆ, ಆ ದುರಂತವೇನು, ಬಂದೂಕಿನ ನಳಿಕೆಯ ಅಬ್ಬರದ ನಡುವೆ ಪ್ರೀತಿ ಹೇಗೆ ಹುಟ್ಟಿತು? ಭೂಗತ ಜಗತ್ತಿನ ಕಥೆ ಏನು? ಎಂದು ತಿಳಿಯಬೇಕಾದರೆ ‘ಗನ್ಸ್ ಆ್ಯಂಡ್ ರೋಸಸ್’ ಸಿನಿಮಾ ನೋಡಿ.
