ಸಿನಿವಾಣಿ

Laalo; ಬಜೆಟ್​ ₹50 ಲಕ್ಷ, ಗಳಿಕೆ ₹100 ಕೋಟಿ! ದಾಖಲೆ ಬರೆದ ಗುಜರಾತಿ ಚಿತ್ರ

ಲಾಲೋ ಕೃಷ್ಣ ಸದಾ ಸಹಾಯತೇ
ಲಾಲೋ ಕೃಷ್ಣ ಸದಾ ಸಹಾಯತೇ
Published on: 

ಪ್ರಮುಖ ಮುಖ್ಯಾಂಶಗಳು

  • ಕಳೆದ ಕೆಲ ವರ್ಷಗಳಿಂದೀಚೆಗೆ ಗುಜರಾತಿಗಳು ಎಲ್ಲೆಡೆ ಸದ್ದು ಮಾಡುತ್ತಿದ್ದಾರೆ
  • ಕೇವಲ ₹50 ಲಕ್ಷ ಬಜೆಟ್​ನಲ್ಲಿ ನಿರ್ಮಾಣವಾದ ಗುಜರಾತಿ ಚಿತ್ರವೊಂದು ಬರೋಬ್ಬರಿ ₹100 ಕೋಟಿ ಗಳಿಕೆ ಮಾಡಿಕೊಳ್ಳುವ ಮೂಲಕ ದಾಖಲೆ ನಿರ್ಮಿಸಿದೆ
  • 2019ರ "ಚಾಲ್​ ಜೀವ ಲೈಯೇ' (₹52 ಕೋಟಿ) ಅತಿಹೆಚ್ಚು ಕಲೆಕ್ಷನ್​ ಮಾಡಿಕೊಂಡ ಗುಜರಾತಿ ಸಿನಿಮಾ ಎನಿಸಿಕೊಂಡಿತ್ತು.
  • "ಲಾಲೋ: ಶ್ರೀಕೃಷ್ಣ ಸದಾ ಸಹಾಯತೇ' ಕಥೆ ಬಾಲಿವುಡ್​ನ "ಓಹ್​ ಮೈ ಗಾಡ್​' ಅಥವಾ ಕನ್ನಡದ "ಮುಕುಂದ ಮುರಾರಿ' ಚಿತ್ರದ ಸಾಲಿನಲ್ಲಿ ಸಾಗುತ್ತದೆ.
Laalo ; Krishna Sada Sahayate - ಕಳೆದ ಕೆಲ ವರ್ಷಗಳಿಂದೀಚೆಗೆ ಗುಜರಾತಿಗಳು ಎಲ್ಲೆಡೆ ಸದ್ದು ಮಾಡುತ್ತಿದ್ದಾರೆ. ರಾಜಕಾರಣದಿಂದ ಹಿಡಿದು ಉದ್ಯಮದವರೆಗೆ, ಕ್ರಿಕೆಟ್​ನಿಂದ ಹಿಡಿದು ಇದೀಗ ಚಿತ್ರರಂಗದಲ್ಲೂ ದಾಖಲೆ ಮೇಲೆ ದಾಖಲೆ ಬರೆಯುತ್ತಿದ್ದಾರೆ. ಹೌದು, ಕೇವಲ ₹50 ಲಕ್ಷ ಬಜೆಟ್​ನಲ್ಲಿ ನಿರ್ಮಾಣವಾದ ಗುಜರಾತಿ ಚಿತ್ರವೊಂದು ಬರೋಬ್ಬರಿ ₹100 ಕೋಟಿ ಗಳಿಕೆ ಮಾಡಿಕೊಳ್ಳುವ ಮೂಲಕ ಭಾರತೀಯ ಚಿತ್ರರಂಗದಲ್ಲೇ ಹೊಸ ದಾಖಲೆ ನಿರ್ಮಿಸಿದೆ. ಅಂದಹಾಗೆ ಆ ಸಿನಿಮಾ ಹೆಸರು "ಲಾಲೋ, ಕೃಷ್ಣ ಸದಾ ಸಹಾಯತೇ'.
ಅ.10ರಂದು ಬಿಡುಗಡೆಯಾದ ಈ ಡ್ರಾಮಾಗೆ ಅಂಕಿತ್​ ಸಾಖಿಯಾ ನಿರ್ದೇಶನವಿದ್ದು, ರೀವಾ ರಚ್ಛ್​, ಶ್ರುಹದ್​ ಗೋಸ್ವಾಮಿ, ಕರಣ್​ ಜೋಶಿ ಮತ್ತು ಬೇಬಿ ಮಿಷ್ಟಿ ಕಡೇಚಾ ಮುಖ್ಯ ಭೂಮಿಕೆಯಲ್ಲಿ ನಟಿಸಿದ್ದಾರೆ. ಮೊದಲ ವಾರ ₹33 ಲಕ್ಷ, ಎರಡನೇ ವಾರ ₹27 ಲಕ್ಷ ಮತ್ತು ಮೂರನೇ ವಾರ ₹62 ಲಕ್ಷ ಗಳಿಕೆ ಮಾಡಿಕೊಂಡಿದ್ದ "ಲಾಲೋ' ನಾಲ್ಕನೇ ವಾರ ಭರ್ಜರಿ ಬೌಂಡರಿ ಬಾರಿಸತೊಡಗಿತು. ನಾಲ್ಕು, ಐದು ಮತ್ತು ಆರನೇ ವಾರ ಚಿತ್ರವು ಕ್ರಮವಾಗಿ ₹13 ಕೋಟಿ, ₹26 ಕೋಟಿ ಮತ್ತು ₹25 ಕೋಟಿಗೂ ಹೆಚ್ಚು ಕಲೆಕ್ಷನ್​ ಮಾಡಿಕೊಂಡಿದೆ. ಈ ಸಿನಿಮಾ ಒಟ್ಟು ಗಳಿಕೆ ₹102 ಕೋಟಿ ದಾಟಿದೆ ಎನ್ನಲಾಗಿದೆ.
ಅದಕ್ಕೂ ಮುನ್ನ 2019ರ "ಚಾಲ್​ ಜೀವ ಲೈಯೇ' (₹52 ಕೋಟಿ) ಅತಿಹೆಚ್ಚು ಕಲೆಕ್ಷನ್​ ಮಾಡಿಕೊಂಡ ಗುಜರಾತಿ ಸಿನಿಮಾ ಎನಿಸಿಕೊಂಡಿತ್ತು. ಇದೀಗ ಆರು ವರ್ಷಗಳ ಬಳಿಕ ಆ ದಾಖಲೆ ಮುರಿದಿರುವ "ಲಾಲೋ' ಅದಕ್ಕಿಂತ ಎರಡು ಪಟ್ಟು ಗಳಿಕೆ ಮಾಡಿಕೊಂಡು ಗುಜರಾತಿ ಚಿತ್ರರಂಗದಲ್ಲಿ ಹೊಸ ಇತಿಹಾಸ ನಿರ್ಮಿಸಿದೆ.

ಲಾಲೋ ಕಥೆಯೇನು?

ಶ್ರೀಕೃಷ್ಣ ಗುಜರಾತಿಗಳ ಅಚ್ಚುಮೆಚ್ಚಿನ ದೇವರು. "ಲಾಲೋ: ಶ್ರೀಕೃಷ್ಣ ಸದಾ ಸಹಾಯತೇ' ಕಥೆ ಬಾಲಿವುಡ್​ನ "ಓಹ್​ ಮೈ ಗಾಡ್​' ಅಥವಾ ಕನ್ನಡದ "ಮುಕುಂದ ಮುರಾರಿ' ಚಿತ್ರದ ಸಾಲಿನಲ್ಲಿ ಸಾಗುತ್ತದೆ. ದೇವರಿದ್ದಾನೆಯೇ ಎಂಬ ಪ್ರಶ್ನೆಗೆ ಖುದ್ದು ದೇವರೇ ಬಂದು ಉತ್ತರ ನೀಡುವುದೇ ಚಿತ್ರದ ಒನ್​ಲೈನ್​. ಲಾಲೋ ಎಂಬ ಸಾಮಾನ್ಯ ಆಟೋ ಚಾಲಕನ ಜೀವನದಲ್ಲಿ ನಡೆಯುವ ಟನೆಗಳ ಸುತ್ತ ಕಥೆ ಸಾಗುತ್ತದೆ. ಒಂದು ಕಟ್ಟಡದಲ್ಲಿ ಸಿಕ್ಕೀಬಿಳುವ ಆತ ಎದುರಿಸುವ ಸಂಕಷ್ಟಗಳು, ತನ್ನ ಜೀವನ, ಹೋರಾಟ, ಸರಿ& ತಪ್ಪುಗಳ ಮೆಲುಕು ಹಾಕುತ್ತಾ, ಅಲ್ಲಿಂದ ತಪ್ಪಿಸಿಕೊಳ್ಳಲು ಹೇಗೆ ಯತ್ನಿಸುತ್ತಾನೆ ಎಂಬುದೇ "ಲಾಲೋ'.
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net