ಫೆ. 24ಕ್ಕೆ ಬರಲಿದ್ದಾನೆ 'ಗೌಳಿ'; ಪ್ರಚಾರಕ್ಕೆ ಚಾಲನೆ …

ಬೆಂಗಳೂರು: ಶ್ರೀನಗರ ಕಿಟ್ಟಿ ನಾಯಕನಾಗಿ ಅಭಿನಯಿಸಿದ ಚಿತ್ರವೊಂದು ಬಿಡುಗಡೆಯಾಗಿ ಐದು ವರ್ಷವೇ ಆಗಿತ್ತು. 'ಸಿಲಿಕಾನ್​ ಸಿಟಿ' ನಂತರ ಕಿಟ್ಟಿ ಇನ್ನೆರಡು ಚಿತ್ರಗಳಲ್ಲಿ ನಟಿಸಿದ್ದರಾದರೂ, ಅದರಲ್ಲಿ ಪೋಷಕ ಪಾತ್ರಗಳಲ್ಲಿ ಅಭಿನಯಿಸಿದ್ದರು. ಈಗ 'ಗೌಳಿ' ಎಂಬ ಚಿತ್ರದಲ್ಲಿ ಪುನಃ ಕಿಟ್ಟಿ ನಾಯಕನಾಗಿ ನಟಿಸಿದ್ದು, ಆ ಚಿತ್ರ ಇದೇ 24ಕ್ಕೆ ರಾಜ್ಯಾದ್ಯಂತ ಬಿಡುಗಡೆಯಾಗುತ್ತಿದೆ.

ಇದನ್ನೂ ಓದಿ: ಆರು ಭಾಷೆಗಳ ನಂತರ ಈಗ ಏಳನೆಯ ಭಾಷೆಯಲ್ಲಿ ‘ಕಾಂತಾರ’ ಬಿಡುಗಡೆ …

ಭಾನುವಾರ ಬೆಳಿಗ್ಗೆ ಶ್ರೀನಗರ ಕಿಟ್ಟಿ ಹಾಗೂ 'ಗೌಳಿ' ಚಿತ್ರತಂಡದವರು ಗವಿಪುರಂ ಗುಟ್ಟಹಳ್ಳಿಯ ಶ್ರೀ ಬಂಡೆ ಮಹಾಕಾಳಿ ದೇವಸ್ಥಾನದಲ್ಲಿ‌ ಪೂಜೆ ಸಲ್ಲಿಸುವ ಮೂಲಕ ಪ್ರಚಾರಕ್ಕೆ ಚಾಲನೆ ನೀಡಿದರು. ಅಲ್ಲಿಂದ ಕಂಠೀರವ ಸ್ಟುಡಿಯೋಗೆ ತೆರಳಿ, ಡಾ.ರಾಜಕುಮಾರ್, ಪಾರ್ವತಮ್ಮ ರಾಜಕುಮಾರ್, ಪುನೀತ್ ರಾಜಕುಮಾರ್ ಹಾಗೂ ಅಂಬರೀಷ್​ರವರಿಗೆ ನಮಿಸಿದರು.

ಇದನ್ನೂ ಓದಿ: ಒಂದು ಅದ್ಭುತ ಅನುಭವ; ‘RRR’ ಚಿತ್ರ ನೋಡಿ ಹೊಗಳಿದ ಸ್ಟೀವನ್​ ಸ್ಪೀಲ್​ಬರ್ಗ್​

'ಗೌಳಿ' ಚಿತ್ರವನ್ನು ಸೂರ ಬರೆದು ನಿರ್ದೇಶನ ಮಾಡಿದರೆ, ರಘು ಸಿಂಗಂ ನಿರ್ಮಿಸಿದ್ದಾರೆ. ಕಿಟ್ಟಿ ಜತೆಗೆ ಪಾವನ ಗೌಡ, ರಂಗಾಯಣ ರಘು, ಶರತ್​ ಲೋಹಿತಾಶ್ವ ಮುಂತಾದವರು ಅಭಿನಯಿಸಿದ್ದಾರೆ. ಶಶಾಂಕ್​ ಶೇಷಗಿರಿ ಅವರ ಸಂಗೀತ ಈ ಚಿತ್ರಕ್ಕಿದೆ.

https://www.vijayavani.net/rashmika-mandanna-talks-about-buying-houses-in-five-cities/