'ನನ್ನನ್ನು ಮದುವೆಯಾಗುವಂತೆ ರಶ್ಮಿಕಾ ನೂರು ಬಾರಿ ಕೇಳಿದ್ರು' ಎಂದು ದೇವರಕೊಂಡ ಹೇಳಿದ್ರೆ, ರಶ್ಮಿಕಾ 'ಇಲ್ಲ ವರ್ಷ ಪೂರ್ತಿ ಕೇಳಿದ್ದೆ' ಎನ್ನುತ್ತಾರೆ. ವಿಜಯ್ನ ಕೆಲವೊಂದು ಬಿಹೇವಿಯರ್ ಸದ್ಯ ರಶ್ಮಿಕಾ ಫ್ಯಾನ್ಸ್ ಅನ್ನು ಕೆರಳಿಸಿದೆ. ಈ ಎಲ್ಲ ಚರ್ಚೆಗಳ ಮಧ್ಯೆ ಮಧ್ಯೆ ಸದ್ಯ ವೈರಲ್ ಆಗ್ತಿರುವ ವಿಚಾರವೆಂದರೆ ವಿಜಯ್ ದೇವರಕೊಂಡ ಅವರ ಕೇರಿಂಗ್ ಸ್ವಭಾವ.
ಹೌದು, ಖಾಸಗಿ ಮಾಧ್ಯಮವೊಂದರ ಜೊತೆಗೆ ನಡೆದ ಸಂದರ್ಶನದಲ್ಲಿ ಮಾತನಾಡಿದ್ದ ರಶ್ಮಿಕಾ ಅವರು ವಿಜಯ್ ದೇವರಕೊಂಡ ಅವರ ಕೇರಿಂಗ್ ಸ್ವಭಾವದ ಬಗ್ಗೆ ಬಿಚ್ಚಿಟ್ಟಿದ್ದಾರೆ. ಅವರಿಗೆ ಮುಟ್ಟಾದಾಗ ಹೊಟ್ಟೆಯನ್ನು ಉಜ್ಜುತ್ತಾರೆ ಮತ್ತು ಕೈ ಮತ್ತು ಪಾದಗಳನ್ನು ಒತ್ತುತ್ತಾರೆ ಎಂದು ಸತ್ಯ ಬಿಚ್ಚಿಟ್ಟಿದಾರೆ.
ಪೀರಿಯಡ್ಸ್ ಸಮಯದಲ್ಲಿ ವಿಜಯ್ ಆರೈಕೆ ಹೇಗಿರುತ್ತದೆ?
'ವಿಜಯ್ ದೇವರಕೊಂಡ ಮನೆಯಲ್ಲಿ ಮುಟ್ಟಿನ ವಿಚಾರಗಳ ಬಗ್ಗೆ ಮುಕ್ತವಾಗಿ ಮಾತನಾಡದಿದ್ದರೂ ಸಹ, ನೋವಿನ ವಿಷಯ ಬಂದಾಗ ಅವರು ತುಂಬಾ ಅರ್ಥಮಾಡಿಕೊಳ್ಳುತ್ತಾರೆ. ಮುಟ್ಟಿನ ಸಮಯದಲ್ಲಿ ವಿಜಯ್ ಹೊಟ್ಟೆಯ ಭಾಗವನ್ನು ಉಜ್ಜುತ್ತಾರೆ. ಕೈ ಹಾಗೂ ಕಾಲುಗಳನ್ನು ಒತ್ತುವ ಮೂಲಕ ನೋವು ಕಡಿಮೆ ಮಾಡಲು ಸಹಾಯ ಮಾಡುತ್ತಾರೆ. ಅವರ ಆ ಸಾಂತ್ವನವೇ ದೊಡ್ಡದು' ಎಂದರು.
'ಪೀರಿಯಡ್ಸ್ ಬರುವ ದಿನ ಹತ್ತಿರವಿರುವಾಗುತ್ತಿದ್ದಂತೆ ನನಗೆ ಯಾವುದೇ ಕಾರಣವಿಲ್ಲದೆ ಮನಸ್ಸು ಮಂಕಾಗುತ್ತೆ. ಸಿಟ್ಟು ಬರುತ್ತದೆ. ಆ ಬಗ್ಗೆ ನಾನು ಮುಂಚೆಯೇ ವಿಜಯ್ಗೆ ತಿಳಿಸುತ್ತೇನೆ. ನನಗೆ ಹೊಟ್ಟೆ ನೋವು ಕಾಣಿಸಿಕೊಂಡಾಗ, ನನ್ನೊಂದಿಗೆ ಇದ್ದು ನೋವಿಗೆ ಮದ್ದೆರೆಯುತ್ತಾರೆ. ಅದೇ ದೊಡ್ಡದು ಅಲ್ವಾ? ಇನ್ನೇನು ಮಾಡಲು ಸಾಧ್ಯ. ನಮ್ಮ ಗರ್ಭಾಶಯವನ್ನು ಹೊರ ತೆಗೆಯೋಕಂತು ಸಾಧ್ಯವಿಲ್ಲವಲ್ಲ 'ಎಂದು ನಟಿ ಹೇಳಿದ್ರು.
ನೋವು ನಿವಾರಣೆಗೆ ರಶ್ಮಿಕಾ ಬಳಸುವ ನೈಸರ್ಗಿಕ ಮದ್ದು ಇದು
ನೋವು ತಡೆಯಲು ಹಾಟ್ ಪ್ಯಾಡ್‌ಗಳನ್ನುಬಳಸುವುದು. ಆರೋಗ್ಯಕ್ಕೆ ಒಳ್ಳೆಯದಾದ ಜೀರಿಗೆ ನೀರನ್ನು ಕುಡಿಯುವುದು ಅಭ್ಯಾಸ ಎಂದಿದ್ದಾರೆ.
ಮೊದಲ ಮುಟ್ಟಿನ ಭಯಾನಕ ನೆನಪುಗಳು
'ಮೊದಲ ಬಾರಿ ನಾನು ಮುಟ್ಟಾದಾಗ ಯಾರ ಬಳಿಯೂ ಹೇಳಿಕೊಳ್ಳಲು ಆಗದೆ ಹೆದರಿದ್ದೆ. ಪ್ಯಾಡ್ ಎಂದರೇನು ಎಂದೇ ಗೊತ್ತಿರಲಿಲ್ಲ. ಆಗ ಸ್ಯಾನಿಟರಿ ಪ್ಯಾಡ್ಗಳ ಬಳಕೆ ಜಾರಿಯಲ್ಲಿದೆ ಎನ್ನುವ ಮಾಹಿತಿ ನನಗಿರಲಿಲ್ಲ. ಹೀಗಾಗಿ ಕಾಟನ್ ಬಟ್ಟೆಯನ್ನು ಮಡಚಿ ಬಳಕೆ ಮಾಡ್ತಿದ್ದೆ. ಯಾವುದೋ ಕಾರಣಕ್ಕೆ ಇದು ಜೀವನದಲ್ಲಿ ಒಂದೇ ಬಾರಿ ಬರುವ ಸಂಗತಿ ಎಂದುಕೊಂಡಿದ್ದೆ' ಎಂದು ನೆನಪಿಸಿಕೊಂಡರು
ತಮ್ಮ ಮುಟ್ಟಿನ ದಿನಗಳಲ್ಲಿ ತೀವ್ರವಾದ ನೋವು ಅನುಭವಿಸುವುದಾಗಿ ತಿಳಿಸಿರುವ ರಶ್ಮಿಕಾ, ನನಗೆ ತಿಂಗಳ ಮುಟ್ಟಿನ ದಿನ ಇನ್ನೇನು ಆರಂಭವಾಗಿದೆ ಎನ್ನುವುದಕ್ಕೂ ಮುನ್ನವೇ ಆತಂಕ ಶುರುವಾಗುತ್ತದೆ. ಇಂದಿನ ಚಿತ್ರರಂಗದಲ್ಲಿ ಮಹಿಳೆಯರು ಪ್ರಮುಖ ಸ್ಥಾನಗಳಲ್ಲಿದ್ದರೂ ಸಹ, ಮುಟ್ಟಿನ ರಜೆಯಂತಹ ಸೌಲಭ್ಯಗಳಿ ಲ್ಲದೆ ಕೆಲಸ ಮಾಡಬೇಕಾಗಿರುವುದು ನೋವಿನ ಸಂಗತಿಯಾಗಿದೆ ಮತ್ತು ಇದೇ ಇಲ್ಲಿನ ಸಾಮಾನ್ಯ ಪರಿಸ್ಥಿತಿಯಾಗಿಬಿಟ್ಟಿದೆ ಎಂದು ರಶ್ಮಿಕಾ ಹೇಳಿಕೊಂಡಿದ್ದರು, (ಏಜೆನ್ಸೀಸ್).
