ಗಂಡ ಹೆಂಡತಿ ಹೊರಗೆ ಹೋದಾಗ ಯಾರಾದರೂ ಯುವತಿ ಗಂಡನೊಂದಿಗೆ ಸಲಿಗೆಯಿಂದ ವರ್ತಿಸಿದರೆ ಹೆಂಡತಿ ಯಾವ ರೀತಿ ಫೀಲ್ ಮಾಡುತ್ತಾಳೆ ಎನ್ನುವ ವಿಡಿಯೋ ಒಂದು ಇತ್ತೀಚೆಗೆ ವೈರಲ್ ಆಗಿತ್ತು. ಯಾವುದೋ ಕಾರ್ಯಕ್ರಮದಲ್ಲಿ ರಿತೀಶ್ ಬಳಿ ಬಂದ ಪ್ರೀತಿ ಜಿಂತಾ ಸಲುಗೆಯಿಂದ ಮಾತನಾಡುತ್ತಾರೆ. ರಿತೀಶ್ ಕೂಡ ಅತ್ಯಂತ ಸಲುಗೆಯಿಂದ ಆಕೆಯೊಂದಿಗೆ ಮಾತನಾಡುತ್ತಾರೆ. ಅಲ್ಲೇ ಇದ್ದ ಜೆನೆಲಿಯಾ ಅದನ್ನು ನೋಡಿ, ನಗುತ್ತಾಳಾದರೂ ಆಕೆಯ ಮನಸ್ಸಲ್ಲಿ ಬೇರೆಯದ್ದೇ ಭಾವನೆ ಇದ್ದಂತೆ ಕಾಣುತ್ತದೆ. ಗಂಡನಿಗೆ ಮನೆಗೆ ಬಾ ನೋಡಿಕೊಳ್ಳುತ್ತೇನೆ ಎಂದು ಮನಸ್ಸಲ್ಲೇ ಬೈದಂತೆ ಭಾಸವಾಗುತ್ತದೆ. ಈ ವಿಡಿಯೋ ಸಕತ್ ವೈರಲ್ ಆಗಿರುವುದನ್ನು ಗಮನಿಸಿರುವ ಸೆಲೆಬ್ರಿಟಿ ಜೋಡಿ ಅದರ ಮುಂದುವರಿದ ಭಾಗವನ್ನು ಹರಿಬಿಟ್ಟಿದೆ.
