ನೀನು ಪಕ್ಷಿಯನ್ನು ಕೊಲ್ಲಬಾರದಿತ್ತು
"ನನಗೆ ಇಬ್ಬರು ಮಕ್ಕಳಿದ್ದಾರೆ. ಅವರಿಬ್ಬರು ಲಾಸ್ ಏಂಜಲೀಸ್ನಲ್ಲಿ ರಾಮಾಯಣ ಸಿನಿಮಾ ನೋಡಿದ ನಂತರ ನನ್ನ ಮುಂದೆ ಸಾವಿರಾರು ಪ್ರಶ್ನೆಗಳನ್ನು ಇಟ್ಟರು. ಅವರ ಜೀವನ ಈಗಷ್ಟೇ ಶುರುವಾಗುತ್ತಿದೆ. ಅವರು ಸಿನಿಮಾವನ್ನು ಅರ್ಥ ಮಾಡಿಕೊಂಡ ರೀತಿ, ಹೇಗೆ ಬೇರೆಯವರೊಂದಿಗೆ ವರ್ತಿಸಬೇಕು, ಹೇಗೆ ಗೌರವ ನೀಡಬೇಕು ಎನ್ನುವುದನ್ನು ಈಗಲೇ ತಿಳಿದುಕೊಂಡಿದ್ದಾರೆ. ನಾನು ನನ್ನ ಮಗನನ್ನು ನೋಡಿ ನಿಜವಾಗಲೂ ಖುಷಿ ಪಟ್ಟಿದ್ದೇನೆ. ಇದು ನನಗೆ ಹೆಮ್ಮೆಯ ಕ್ಷಣ" ಎಂದು ಯಶ್ ಮಾತನಾಡಿದರು.
ಮಕ್ಕಳು ಅದ್ಭುತ
ಇದೇ ವೇಳೆ ಮಾತು ಮುಂದುವರಿಸಿದ ಸಾಯಿ ಪಲ್ಲವಿ, "ನಾವು ಸಿನಿಮಾ ನೋಡಿ ಹೊರಬಂದಾಗ ಯಥರ್ವ್ ತುಂಬಾ ಅಳುತ್ತಿರುವುದನ್ನು ನೋಡಿದೆ. ಯಾಕೆ ಅಂತ ಕೇಳಿದಾಗ, 'ಅಪ್ಪ ನೀನು ಆ ಪಕ್ಷಿ (ಜಟಾಯು)ಯನ್ನು ಕೊಂದಿದ್ದು ನನಗೆ ಇಷ್ಟವಾಗಲಿಲ್ಲ' ಎಂದ. ಅವನಿಗೆ ಅದು ಅವನ ಅಪ್ಪ (ಯಶ್) ಎಂದು ಗೊತ್ತು. ಅದು ಬರಿ ನಟನೆ ಅಷ್ಟೇ ಎಂದು ಎಷ್ಟೇ ಸಮಾಧಾನ ಮಾಡಿದರೂ 'ಇಲ್ಲ, ಅದು ಸರಿಯಲ್ಲ, ನನಗೆ ಇಷ್ಟವಾಗಲಿಲ್ಲ, ನೀನು ಹಾಗೆ ಮಾಡಬಾರದಿತ್ತು' ಎಂದ. ಮಕ್ಕಳು ಗಮನಿಸುವ ರೀತಿ ನಿಜಕ್ಕೂ ಅದ್ಭುತವಾದ ಅನುಭವ" ಎಂದರು ಸಾಯಿ ಪಲ್ಲವಿ.
ಥಿಯೇಟರ್ನಲ್ಲಿ ಮೊದಲ ಸಿನಿಮಾ ನೋಡಿದ ಐರಾ, ಯಥರ್ವ್ ಹೇಗೆ ಆನಂದಿಸಿದರು. ಎಷ್ಟೆಲ್ಲ ತಿಳಿದುಕೊಂಡರು ಎನ್ನುವ ಬಗ್ಗೆ ಯಶ್ ಮಾತನಾಡಿರುವುದು ಅಭಿಮಾನಿಗಳಲ್ಲಿ ಹೊಸ ಚರ್ಚೆಯನ್ನು ಹುಟ್ಟು ಹಾಕಿದೆ. ನಮಿತ್ ಮಲ್ಲೋತ್ರಾ ನಿರ್ಮಾಣದ 'ರಾಮಾಯಣ ಭಾಗ: 1' ಚಿತ್ರದಲ್ಲಿ ನಟರಾದ ರಣಬೀರ್ ಕಪೂರ್, ಯಶ್, ಸನ್ನಿ ಡಿಯೋಲ್, ಸಾಯಿ ಪಲ್ಲವಿ, ರಕುಲ್ ಪ್ರೀತ್ ಸಿಂಗ್, ಲಾರಾ ದತ್ ಅಭಿನಯಿಸಿದ್ದಾರೆ. ಇದೇ ನ. 5ರಂದು ವಿಶ್ವಾದ್ಯಂತ ತೆರೆಗೆ ಬರಲಿದೆ. ಈಗಾಗಲೇ ದೇಶದಲ್ಲಿ 3 ಲಕ್ಷಕ್ಕೂ ಅಧಿಕ ಮುಂಗಡ ಟಿಕೆಟ್‌ಗಳು ಮಾರಾಟವಾಗಿವೆ, (ಏಜೆನ್ಸೀಸ್).
