ಅದಕ್ಕೆ ಕಾರಣವೂ ಇದೆ. ಕಳೆದ ಮೂರು ವರ್ಷಗಳಲ್ಲಿ ಚಿತ್ರತಂಡವು ಆಗಾಗ ಹೊಸಹೊಸ ಪೋಸ್ಟರ್ಗಳನ್ನು ಬಿಡುಗಡೆ ಮಾಡಿದೆ. ಇನ್ನೊಂದು ಕಡೆ ಅಭಿಮಾನಿಗಳು ಸಹ ‘ಕೆಜಿಎಫ್ 2’ ಚಿತ್ರದ ಪೋಸ್ಟರ್ಗಳನ್ನು ಡಿಸೈನ್ ಮಾಡಿ, ಅದನ್ನು ಜಾಲತಾಣದಲ್ಲಿ ಹಂಚಿಕೊಳ್ಳುತ್ತಿದ್ದಾರೆ. ಹಾಗಾಗಿ, ಅಂತಹ ಅಭಿಮಾನಿಗಳನ್ನು ಪ್ರಚಾರದಲ್ಲಿ ಬಳಸಿಕೊಳ್ಳುವುದಕ್ಕೆ ಚಿತ್ರತಂಡ ಯೋಚಿಸಿತ್ತು. ಅಭಿಮಾನಿಗಳು ಡಿಸೈನ್ ಮಾಡಿರುವ ಕೆಲವು ಪೋಸ್ಟರ್ಗಳನ್ನು ಕಳಿಸಿಕೊಡುವುದಕ್ಕೆ ಮನವಿ ಮಾಡಿತ್ತು. ಚೆನ್ನಾಗಿರುವುದನ್ನು ಪ್ರಚಾರದಲ್ಲಿ ಬಳಸಿಕೊಳ್ಳುವುದಾಗಿ ಹೇಳಿತ್ತು. ಅದರಂತೆ ಬರೀ ಕರ್ನಾಟಕವಷ್ಟೇ ಅಲ್ಲ, ದೇಶದ ಬೇರೆ ರಾಜ್ಯಗಳ ‘ಕೆಜಿಎಫ್ 2’ ಮತ್ತು ಯಶ್ ಫ್ಯಾನ್ಗಳು ತಾವು ಮಾಡಿರುವ ಆರ್ಟ್ ವರ್ಕ್ ಕಳುಹಿಸಿಕೊಟ್ಟಿದ್ದರು.
