ಚಾಮುಂಡೇಶ್ವರಿ ಸ್ಟುಡಿಯೋದಲ್ಲಿ ‘ಡಿಂಗ’ ಚಿತ್ರದ ಧ್ವನಿಸುರುಳಿ ಬಿಡುಗಡೆ ವೇಳೆ ಮಾತನಾಡಿದ ಅವರು, ಮೊಬೈಲ್ಫೋನ್ನಲ್ಲಿ ಇಡೀ ಚಿತ್ರ ಶೂಟಿಂಗ್ ಮಾಡಿರುವ ನಮ್ಮ ಈ ಸಾಹಸಕ್ಕೆ ಸೂಕ್ತ ಸ್ಪಂದನೆ ಸಿಕ್ಕಿರುವುದು ಸಂತಸ ತಂದಿದೆ. ಪ್ರಯೋಗಾತ್ಮಕ ಸಿನಿಮಾ ಆಗಿರುವುದರಿಂದ ಅಂತಾರಾಷ್ಟ್ರೀಯ ಫಿಲ್ಮ್ ಫೆಸ್ಟಿವಲ್ಗೂ ಕಳುಹಿಸಲಾಗಿದ್ದು, ಉತ್ತಮ ಪ್ರತಿಕ್ರಿಯೆ ದೊರೆತಿದೆ. ಚಿತ್ರದಲ್ಲಿ ನಾಯಿಯ ಪಾತ್ರ ಬಹುಮುಖ್ಯ. ಮೊಬೈಲ್ಫೋನ್ನಲ್ಲಿ ಚಿತ್ರದ ಶೂಟಿಂಗ್ ಮಾಡುವುದು, ನಾಯಿಯಿಂದ ನಟನೆ ಮಾಡಿಸುವುದು ಬಲುಕಷ್ಟ’ ಎಂದು ಚಿತ್ರೀಕರಣದ ಅನುಭವ ಹಂಚಿಕೊಂಡರು ಅಭಿಷೇಕ್. ಪಾತ್ರದ ಬಗ್ಗೆ ಹಂಚಿಕೊಂಡ ನಟ ಆರವ್ ಗೌಡ, ‘ಕ್ಯಾನ್ಸರ್ ರೋಗಿ ಪಾತ್ರ ನನ್ನದು. 10-15 ದಿನಗಳಲ್ಲಿ ಸಾಯುತ್ತೇನೆ ಎಂದಾಗ ಇಷ್ಟಪಟ್ಟು ಸಾಕಿದ ನಾಯಿ ‘ಡಿಂಗ’ನನ್ನು ಜೋಪಾನ ಮಾಡಲು ಬೇರೆಯವರನ್ನು ಹುಡುಕುವುದು ಕಥೆ. ಈ ಅಲೆದಾಟದ ಮಧ್ಯೆ ಹಾಸ್ಯ, ಪ್ರೀತಿ ಇದೆ. ಒಂದೊಳ್ಳೆಯ ಮನರಂಜನಾ ಚಿತ್ರವಿದು’ ಎಂದಿದ್ದಾರೆ.
