ಆರಂಭದಲ್ಲೇ ಬ್ಯಾಕ್ ಟು ಬ್ಯಾಕ್ ಯಶಸ್ಸುಗಳ ಮೂಲಕ ಗಮನಸೆಳೆದವರು ಪರಿಣಿತಿ ಚೋಪ್ರಾ. ಆ ನಂತರ ಅದೇನಾಯಿತೋ, ಪರಿಣಿತಿ ಅಭಿನಯಿಸಿದ ಚಿತ್ರಗಳು ಬಾಕ್ಸ್ಆಫೀಸ್ನಲ್ಲಿ ಸೋತು ಹೋದವು. ಪರಿಣಿತಿ ಕಾಲ ಮುಗೀತಾ ಬಂತು, ಅಭಿನಯಕ್ಕೆ ಪ್ರಾಮುಖ್ಯತೆ ಇರುವ ಪಾತ್ರಗಳನ್ನು ಆಕೆ ಒಪ್ಪಿಕೊಳ್ಳಬೇಕು ಎಂಬಂತಹ ಮಾತುಗಳು ಕೇಳಿ ಬಂದವು. ಇದನ್ನೆಲ್ಲ ಕೇಳಿ ಸುಸ್ತಾಗಿರುವ ಪರಿಣಿತಿ, ಈ ಕುರಿತು ಮಾತನಾಡಿದ್ದಾರೆ. ‘ಆರಂಭದಲ್ಲಿ ಎಲ್ಲವೂ ಚೆನ್ನಾಗಿಯೇ ಇತ್ತು. ಚಿತ್ರಗಳು ಹಿಟ್ ಆದವು. ನನಗೆ ಒಳ್ಳೆಯ ಹೆಸರು ಸಹ ಬಂತು. ಆದರೆ, ಯಾವಾಗ ಚಿತ್ರಗಳು ಸೋಲುವುದಕ್ಕೆ ಪ್ರಾರಂಭವಾದವೋ, ಆಗ ನನ್ನ ಅಭಿನಯ ಮತ್ತು ಪ್ರತಿಭೆಯ ಬಗ್ಗೆಯೂ ಪ್ರಶ್ನೆಗಳು ಎದ್ದವು. ಆ ಚಿತ್ರಗಳಿಗೆ ನಾನು ನ್ಯಾಯ ಸಲ್ಲಿಸಲಿಲ್ಲ ಎಂಬುದನ್ನು ದೊಡ್ಡದು ಮಾಡಿದರೇ ಹೊರತು, ನನ್ನ ಪಾತ್ರಕ್ಕೆ ಆ ಚಿತ್ರಗಳು ನ್ಯಾಯ ಸಲ್ಲಿಸಲಿಲ್ಲ ಎಂದು ಯಾರೂ ಹೇಳಲಿಲ್ಲ’ ಎನ್ನುತ್ತಾರೆ ಪರಿಣಿತಿ. ಆ ನಂತರ ಪರಿಣಿತಿ ಒಂದು ತೀರ್ಮಾನ ತೆಗೆದುಕೊಂಡರಂತೆ.
