ಇದು 2020ರಲ್ಲಿ ರಿಲೀಸ್ ಆಗಿದ್ದ ಆರ್ಜೆ ಬಾಲಾಜಿ ನಟಿಸಿ, ನಿರ್ದೇಶಿಸಿದ್ದ "ಮೂಕುತಿ ಅಮ್ಮನ್' ಚಿತ್ರದ ಸೀಕ್ವೆಲ್ ಆಗಿದ್ದು, ಮೂಕುತಿ ಅಮ್ಮನಾಗಿ ನಯನತಾರಾ ನಟಿಸಿದ್ದರು. ಸೀಕ್ವೆಲ್ನಲ್ಲೂ ಅವರೇ ಮೂಕುತಿ ಅಮ್ಮನ ಪಾತ್ರದಲ್ಲಿ ಮುಂದುವರಿಯಲಿದ್ದು, ಈ ಚಿತ್ರಕ್ಕೆ ಸುಂದರ್.ಸಿ ಆ್ಯಕ್ಷನ್-ಕಟ್ ಹೇಳಲಿದ್ದಾರೆ. ಜತೆಗೆ ವಿಲನ್ ಪಾತ್ರಗಳಲ್ಲಿ ದುನಿಯಾ ವಿಜಿ, ಗರುಡಾ ರಾಮ್ ನಟಿಸಲಿದ್ದು, ರೆಜಿನಾ ಕೆಸಾಂಡ್ರಾ, ಯೋಗಿ ಬಾಬು, ಊರ್ವಶಿ, ಮೀನಾ, ಅಭಿನಯ, ಕೂಲ್ ಸುರೇಶ್ ಪ್ರಮುಖ ತಾರಾಗಣದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ವಿಶೇಷ ಅಂದರೆ ಈ ಪಾತ್ರಕ್ಕಾಗಿ ನಟಿ ನಯನತಾರಾ ಕಳೆದ ಒಂದು ತಿಂಗಳಿನಿಂದ ಉಪವಾಸ ಮಾಡುತ್ತಿದ್ದು, ಹಲವು ನಿಯಮಗಳನ್ನು ಕಟ್ಟುನಿಟ್ಟಾಗಿ ಪಾಲಿಸುತ್ತಿದ್ದಾರಂತೆ.
