‘ಭಕ್ತ ಕುಂಬಾರ’, ‘ಹರಿಭಕ್ತ’, ‘ಸಂತ ತುಕಾರಾಂ’, ‘ಮಹಾತ್ಮ ಕಬೀರ್’, ‘ಮಂತ್ರಾಲಯ ಮಹಾತ್ಮೆ’, ‘ನವಕೋಟಿ ನಾರಾಯಣ’, ‘ಕೈವಾರ ಮಹಾತ್ಮೆ’, ‘ಹರಿ ಭಕ್ತ’, ‘ಭಕ್ತ ವಿಜಯ’, ‘ಭಕ್ತ ಚೇತ’ ಮುಂತಾದ ಹಲವು ಭಕ್ತಿ ಪ್ರಧಾನ ಚಿತ್ರಗಳಲ್ಲಿ, ತಾವೆಂತಹ ನಟ ಎಂದು ತಮ್ಮ ಪ್ರತಿಭೆಯನ್ನು ತೋರಿಸಿದ್ದಾರೆ. ಅಷ್ಟೇ ಅಲ್ಲ, ಚಿತ್ರಗಳ ಮೂಲಕ ಕಬೀರ್ ದಾಸ್, ಪುರಂದರ ದಾಸರು, ಕನಕದಾಸರು, ಶ್ರೀ ರಾಘವೇಂದ್ರ ಸ್ವಾಮಿಗಳು ಸೇರಿದಂತೆ ಈ ನಾಡಿನ ಹಲವು ಪುಣ್ಯಪುರುಷರ ಜೀವನವನ್ನು ತೆರೆಯ ಮೇಲೆ ಸಮರ್ಥವಾಗಿ ಹಿಡಿದಿಟ್ಟಿದ್ದಾರೆ. ಇಡೀ ಭಾರತೀಯ ಚಿತ್ರರಂಗದಲ್ಲೇ ರಾಜಕುಮಾರ್ ಅವರನ್ನು ಹೊರತುಪಡಿಸಿದರೆ, ಬೇರ್ಯಾವ ನಟ ಸಹ ಇಷ್ಟೊಂದು ಸಂಖ್ಯೆಯ ಭಕ್ತಿ ಪ್ರಧಾನ ಚಿತ್ರಗಳಲ್ಲಿ ನಟಿಸಿಲ್ಲ ಎಂಬುದು ವಿಶೇಷ.
