ಈ ಬಗ್ಗೆ ಮಾತನಾಡುವ ‘ದಿಯಾ’ ನಿರ್ದೇಶಕ ಅಶೋಕ್, ‘ನಮ್ಮ ಸಿನಿಮಾದ ಕಂಟೆಂಟ್ ಬಹಳ ಚೆನ್ನಾಗಿತ್ತು. ನೋಡಿದವರೆಲ್ಲರೂ ಇದೊಂದು ಅದ್ಭುತ ಸಿನಿಮಾ ಎಂದರು. ಆದರೆ, ಕಲೆಕ್ಷನ್ ಆಗಲಿಲ್ಲ. ಈಗ ಅಮೇಜಾನ್ನಲ್ಲಿ ನೋಡಿದ ಮಂದಿ ಮೆಸೇಜ್ ಮಾಡುತ್ತಾರೆ ಮತ್ತು ಅದರ ಬಗ್ಗೆ ಬರೆಯುತ್ತಾರೆ. ಇದರಿಂದ ಸಿನಿಮಾ ರೀಚ್ ಆಗುತ್ತಿದೆಯಲ್ಲ ಎಂದು ಒಂದು ಖುಷಿಯಾದರೆ, ಬಾಕ್ಸ್ ಆಫೀಸ್ ರಿಪೋರ್ಟ್ ನೆನೆಸಿಕೊಂಡರೆ ಬೇಸರವಾಗುತ್ತದೆ. ನನ್ನ ಪ್ರಕಾರ ನನ್ನ ಚಿತ್ರದಲ್ಲಿ ವೈರಲ್ ಆಗುವಂತಹ ಅಂಶ ಏನು ಇರಲಿಲ್ಲ. ಅದಕ್ಕೆ ಚಿತ್ರ ಕಲೆಕ್ಷನ್ ಹೆಚ್ಚು ಮಾಡಲಿಲ್ಲ ಎನಿಸುತ್ತದೆ’ ಎನ್ನುತ್ತಾರೆ ಅವರು. ಇದು ‘ದಿಯಾ’ ಕಥೆಯಾದರೆ, ‘ಲವ್ ಮಾಕ್ಟೇಲ್’ ಚಿತ್ರದ್ದು ಇನ್ನೊಂದು ಕಥೆ. ಈ ಚಿತ್ರ ಚಿತ್ರಮಂದಿರಗಳಲ್ಲಿ ಉತ್ತಮ ಪ್ರತಿಕ್ರಿಯೆ ಕಂಡು, ಬಾಕ್ಸ್ ಆಫೀಸ್ನಲ್ಲಿಯೂ ಒಳ್ಳೆ ಕಲೆಕ್ಷನ್ ಮಾಡುತ್ತಿದೆ. ಜತೆಗೆ ಈ ವಾರದಿಂದ ಇನ್ನೂ ಒಂದಷ್ಟು ಥಿಯೇಟರ್ನಲ್ಲಿ ರಿಲೀಸ್ ಆಗಿದೆ. ಈ ಹೊತ್ತಿನಲ್ಲಿ ಅದು ಅಮೇಜಾನ್ನಲ್ಲಿ ಸ್ಟ್ರೀಮಿಂಗ್ ಆಗಿದೆ. ಆದರೆ, ಈ ಬಗ್ಗೆ ನಿರ್ದೇಶಕ ಕೃಷ್ಣ ಖುಷಿಯಿಂದ ಮಾತನಾಡುತ್ತಾರೆ.
