ತೆಲುಗಿಗೆ ದಿಶಾ ಪಠಾಣಿ; ರಾಮ್​ಚರಣ್​ ಚಿತ್ರಕ್ಕೆ ನಾಯಕಿ?

ದಿಶಾ ಪಠಾಣಿಗೆ ತೆಲುಗು ಚಿತ್ರರಂಗ ಹೊಸದಲ್ಲವೇ ಅಲ್ಲ. ದಿಶಾ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟಿದ್ದೇ, ‘ಲೋಫರ್’ ಎಂಬ ತೆಲುಗು ಚಿತ್ರದಿಂದ. ಆ ನಂತರ ಬಾಲಿವುಡ್​ನಿಂದ ಅವಕಾಶಗಳು ಬಂದವು. ಸಲ್ಮಾನ್ ಖಾನ್, ಟೈಗರ್ ಶ್ರಾಫ್, ಸಿದ್ಧಾರ್ಥ್ ಮಲ್ಹೋತ್ರಾ ಮುಂತಾದ ಖ್ಯಾತನಾಮರ ಜತೆಗೆ ನಟಿಸುವುದಕ್ಕೆ ಅವಕಾಶ ಸಿಕ್ಕಿತು. ಇದರಿಂದ ದಿಶಾ ಮತ್ತೆ ದಕ್ಷಿಣದತ್ತ ಮುಖ ಮಾಡಲಿಲ್ಲ. ಇದೀಗ ಆಕೆಗೆ ಅಂಥದ್ದೊಂದು ಅವಕಾಶ ಸಿಕ್ಕಿದ್ದು, ಎಲ್ಲ ಅಂದುಕೊಂಡಂತೆ ಆದರೆ, ರಾಮ್​ಚರಣ್​ ತೇಜ ಅಭಿನಯದ ನಾಯಕಿಯಾಗುವ ಸಾಧ್ಯತೆ ಇದೆ.

ಸದ್ಯ ಶಂಕರ್ ನಿರ್ದೇಶನದ ಚಿತ್ರದಲ್ಲಿ ನಟಿಸುತ್ತಿರುವ ರಾಮ್​ಚರಣ್​, ಅದನ್ನು ಮುಗಿಸಿ ಕೊಂಡು ಗೌತಮ್ ತಿನ್ನನೂರಿ ನಿರ್ದೇಶನದ ಚಿತ್ರದಲ್ಲಿ ನಟಿಸುವುದಕ್ಕೆ ಒಪ್ಪಿದ್ದಾರೆ. ಈ ಚಿತ್ರಕ್ಕೆ ದಿಶಾ ನಾಯಕಿ ಯಾಗುವ ಸಾಧ್ಯತೆ ಇದೆಯಂತೆ. ಈಗಾಗಲೇ ಚಿತ್ರತಂಡದವರು ಒಮ್ಮೆ ಆಕೆಯನ್ನು ಭೇಟಿಯಾಗಿ ಕಥೆ ಹೇಳಿದ್ದಾರಂತೆ. ದಿಶಾ ಹೂಂ ಎಂದರೆ, ಅವರು ರಾಮ್ರಣ್​ಗೆ ನಾಯಕಿಯಾಗುತ್ತಾರೆ. ಉಹೂಂ ಎಂದರೆ, ಅವರ ಜಾಗಕ್ಕೆ ಯಾರು ಬರುತ್ತಾರೋ ಗೊತ್ತಿಲ್ಲ? -ಏಜೆನ್ಸೀಸ್

https://www.vijayavani.net/person-shot-himself-with-pistol-and-lost-life/

https://www.vijayavani.net/company-closed-two-months-back-now-life-too/