ಕ್ರಿಟಿಕಲ್ ಆಗಿ ಮಾತ್ರವಲ್ಲದೇ ಕಮರ್ಷಿಯಲ್ಲಾಗಿಯೂ ಸದ್ದು ಮಾಡುತ್ತಿರುವ ‘ಕ್ಷೇತ್ರಪತಿ’ಗೆ ಉತ್ತರ ಕರ್ನಾಟಕದ ಗದಗ, ಕೊಪ್ಪಳ, ಹೊಸಪೇಟೆ, ಇಳಕಲ್, ಬೀದರ್, ಗುಲ್ಬರ್ಗಾ, ಬಾಗಲಕೋಟೆ ಸೇರಿ ಹಲವೆಡೆ ಭರ್ಜರಿ ಪ್ರತಿಕ್ರಿಯೆ ಬರುತ್ತಿದೆಯಂತೆ. ಅಷ್ಟೇ ಅಲ್ಲ, ಹೊರ ರಾಜ್ಯದಿಂದಲೂ ರಿಲೀಸ್ಗೆ ಬೇಡಿಕೆ ಬರುತ್ತಿದೆ ಎನ್ನುವ ನಿರ್ದೇಶಕ ಶ್ರೀಕಾಂತ್ ಕಟಗಿ, ‘ಉತ್ತರ ಕರ್ನಾಟಕದ ಜನರು ಚಿತ್ರವನ್ನು ಮೆಚ್ಚಿಕೊಂಡಿದ್ದಾರೆ. ಬೆಂಗಳೂರಿನ ಚಿತ್ರಮಂದಿರಗಳೂ ನಿನ್ನೆಯವರೆಗೂ ಶೇಕಡ 90ರಷ್ಟು ತುಂಬಿದೆ ಎಂದು ಕೇಳಿ ಖುಷಿಯಾಯಿತು. ಕೆಲವೆಡೆ ಶೋ ಹೆಚ್ಚಿಸಲು ಕರೆಗಳು ಬರುತ್ತಿವೆ. ಆಸ್ಟ್ರೇಲಿಯಾ ಕನ್ನಡ ಸಂಘದಿಂದ ಶೋ ನೀಡಲು ಬೇಡಿಕೆಯಿದೆ. ಜತೆಗೆ ಇಂದಿನಿಂದ ಮುಂಬೈ ಹಾಗೂ ಪುಣೆಯಲ್ಲಿ ‘ಕ್ಷೇತ್ರಪತಿ’ ರಿಲೀಸ್ ಆಗಲಿದೆ’ ಎಂದು ಹೇಳಿಕೊಳ್ಳುತ್ತಾರೆ.
